infosys: 18 ఏళ్ల తర్వాత ఇన్ఫోసిస్ కు రాజీనామా చేసిన సీఎఫ్ఓ రంగనాథ్

దేశీయ ఐటీ దిగ్గజం ఇన్ఫోసిస్ కు ఆ సంస్థ సీఎఫ్ఓ (చీఫ్ ఫైనాన్షియల్ ఆఫీసర్) రంగనాథ్ రాజీనామా చేశారు. గత 18 ఏళ్లుగా ఆయన ఇన్ఫోసిస్ కు సేవలు అందించారు. ఆయన రాజీనామాను ఇన్ఫోసిస్ బోర్డు అంగీకరించింది. 2015లో ఇన్ఫోసిస్ సీఎఫ్ఓగా ఆయన బాధ్యతలను స్వీకరించారు. ఈ ఏడాది నవంబర్ 16వ తేదీ వరకు ఆయన సీఎఫ్ఓగా కొనసాగాల్సి ఉందని స్టాక్ ఎక్స్ఛేంజ్ ఫైలింగ్ లో ఇన్ఫోసిస్ పేర్కొంది. అయితే రంగనాథ్ ఎందుకు రాజీనామా చేశారన్న వివరాలు మాత్రం ఇంకా తెలియరాలేదు. దీనిపై వివరణ ఇచ్చేందుకు రంగనాథ్ అందుబాటులో లేరు.