vijay devarakonda: వైజాగ్ లో 'గీత గోవిందం' ప్రీ రిలీజ్ ఫంక్షన్

ఇప్పుడు యూత్ లో విజయ్ దేవరకొండకి వున్న క్రేజ్ అంతా ఇంతా కాదు. ఆయన అభిమానులంతా 'గీత గోవిందం' సినిమా కోసం వేయికళ్లతో ఎదురుచూస్తున్నారు. బన్నీ వాసు నిర్మాతగా వ్యవహరించిన ఈ సినిమాకి పరశురామ్ దర్శకత్వం వహించాడు. రష్మిక మందన కథానాయికగా నటించిన ఈ సినిమాను ఈ నెల 15వ తేదీన ప్రపంచవ్యాప్తంగా విడుదల చేయనున్నారు.

ఈ లోగా .. అంటే ఈ నెల 12వ తేదీన ప్రీ రిలీజ్ ఈవెంట్ ను నిర్వహించనున్నారు. వైజాగ్ .. ఆంధ్రా యూనివర్సిటీ క్యాంపస్ లోని సర్ సి.ఆర్. రెడ్డి కాన్వొకేషన్ హాల్ లో ఈ వేడుకను జరపనున్నారు. ఆ రోజున సాయంత్రం 5 గంటల నుంచి ఈ వేడుక మొదలవుతుంది. పోస్టర్స్ స్థాయి నుంచే ఈ సినిమా యూత్ ను తన వైపుకు తిప్పుకుంది. ఇక టీజర్లు .. ట్రైలర్లు .. సాంగ్స్ మరింత ఆసక్తిని .. అంచనాలను పెంచేశాయి. విజయ్ దేవరకొండ ఖాతాలో మరో భారీ హిట్ చేరనుందనే టాక్ మాత్రం బలంగానే వినిపిస్తోంది.