Tamilnadu: స్టాలిన్... నాన్నకు ఎలా ఉంది?: నరేంద్ర మోదీ వాకబు

డీఎంకే అధినేత, భారత రాజకీయ కురువృద్ధుడు కరుణానిధి తీవ్ర అనారోగ్యంతో బాధపడుతూ ప్రస్తుతం ఇంట్లో చికిత్స చేయించుకుంటున్న సంగతి విదితమే. ఈ నేపథ్యంలో కరుణ కుమారుడు స్టాలిన్ ను ప్రధాని నరేంద్ర మోదీ ఫోన్ చేసి పరామర్శించారు. ఈ ఉదయం ఫోన్ లో మాట్లాడిన ప్రధాని, కరుణానిధి ఆరోగ్యంపై ఆరా తీశారు. కరుణానిధి కుమార్తె కనిమోళితోనూ మోదీ సంభాషించారు.

ఈ విషయాన్ని తన ట్విట్టర్ ఖాతా ద్వారా తెలియజేసిన మోదీ, కరుణానిధికి అవసరమైన వైద్యంపై ఎలాంటి సాయం కావాలన్నా చేసేందుకు సిద్ధమని తెలిపానని అన్నారు. ఆయన వేగంగా కోలుకోవాలని ఆశిస్తున్నానని, ఆరోగ్యంగా ఉండాలని ప్రార్థిస్తున్నానని అన్నారు.