mumbai: బాలికపై లైంగిక దాడి.. కొరియోగ్రాఫర్ అరెస్ట్

ముంబైలో మరో దారుణం జరిగింది. ఒక మైనర్ బాలికను అపహరించిన కొరియోగ్రాఫర్... ఆమెపై అత్యాచారం చేశాడు. వివరాల్లోకి వెళ్తే కొరియోగ్రాఫర్, ఓ టీవీ రియాల్టీ షో కంటెస్టెంట్ అయిన ఆదిత్య గుప్తా (20)కు ఇన్స్టాగ్రామ్ లో 17 ఏళ్ల కాలేజీ విద్యార్థిని పరిచయం అయింది. వారిద్దరి మధ్య కొంచెం స్నేహం ఏర్పడింది. ఈ క్రమంలో ఆమెను అపహరించి, మత్తు మంది ఇచ్చి, ఆమెపై లైంగిక దాడికి పాల్పడ్డాడు.

తల్లిదండ్రులు పోలీసులకు ఇచ్చిన ఫిర్యాదుతో ఈ విషయం వెలుగు చూసింది. ముంబైలోని బాబా హాస్పిటల్ లో నిర్వహించిన వైద్య పరీక్షల్లో ఆమె అత్యాచారానికి గురైనట్టు తేలింది. గత ఆదివారం బాధితురాలిని మెక్ డొనాల్డ్స్ కు రావాలని ఆదిత్య పిలిచాడు. అక్కడి నుంచి నలసోపారా లోని నివాసానికి తీసుకెళ్లాడు. ఆహారంలో మత్తు మందు కలిపి ఇచ్చి, ఆపై రేప్ చేశాడు. అనంతరం లోకల్ ట్రైన్ లో అంధేరికి తీసుకొచ్చి ఆమెను వదిలేసి వెళ్లిపోయాడు. అత్యాచారానికి పాల్పడ్డ ఆదిత్యను అరెస్ట్ చేసి, పోస్కో చట్టం కింద పోలీసులు కేసు నమోదు చేశారు.