bmw: కొనుక్కున్న రోజే కాలిపోయిన బీఎండబ్ల్యూ కారు!

ఎంతో ముచ్చటపడి కొనుక్కున్న బీఎండబ్ల్యూ కారు అగరుబత్తుల కారణంగా కొన్న రోజే కాలి బూడిదైపోయిన ఘటన చైనాలోని యాంగ్జూ ప్రాంతంలో చోటు చేసుకుంది. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. సుమారు రూ.50 లక్షలు పెట్టి ఆ కారుని కొనుగోలు చేసిన వ్యక్తి దానిని పార్కింగ్‌ ప్రాంతంలో ఉంచాడు. అయితే, అక్కడ కొందరు పిల్లలు అగరుబత్తీలు వెలిగించినట్లు తెలుస్తోంది.

కొద్దిసేపటికే గాలికి అగరుబత్తిలోని నిప్పు రవ్వలు ఆ కారుకి అంటుకోవడంతో ఒక్కసారిగా మంటలు చెలరేగాయి. మంటలు ఆర్పేందుకు ప్రయత్నించినప్పటికీ సాధ్యం కాలేదు. కారులోంచి దట్టమైన పొగలు వచ్చాయి. ఈ ఘటనపై పోలీసులు దర్యాప్తు జరుపుతున్నారు.