nara rohith: ఆడియన్స్ ముందుకు వచ్చేస్తోన్న 'ఆటగాళ్లు'

కొత్తదనానికి ఎప్పుడూ ప్రాధాన్యతనిచ్చే నారా రోహిత్ ఒక వైపున 'శబ్దం' సినిమా చేస్తూ .. మరో వైపున 'ఆటగాళ్లు' సినిమా చేస్తున్నాడు. 'ఆటగాళ్లు' సినిమాలో నారా రోహిత్ .. జగపతిబాబు సమానమైన ప్రాధాన్యత కలిగిన పాత్రలను చేస్తున్నారు. ఈ టైటిల్ కి 'గేమ్ విత్ లైఫ్' అనేది ట్యాగ్ లైన్.

కొన్ని రోజులుగా ఈ సినిమా షూటింగ్ హైదరాబాద్ శివారు రామోజీ ఫిల్మ్ సిటీలో జరుగుతోంది. తాజాగా షూటింగు పార్టును పూర్తిచేసుకోవడంతో, ఈ సినిమా టీమ్ గుమ్మడికాయ కొట్టేసింది. రవీంద్ర .. శివాజీ .. రాము .. జితేంద్ర సంయుక్తంగా నిర్మిస్తోన్న ఈ సినిమాకి, పరుచూరి మురళి దర్శకుడిగా వ్యవహరిస్తున్నాడు. త్వరలోనే ఫస్టులుక్ ను .. ఆ తరువాత ట్రైలర్ ను రిలీజ్ చేసి, వేసవిలో ఈ సినిమాను ప్రేక్షకుల ముందుకు తీసుకురానున్నారు. బ్రహ్మానందం కామెడీ ఈ సినిమా హైలైట్స్ లో ఒకటిగా నిలుస్తుందని చెబుతున్నారు.