architect: రికార్డు సృష్టించిన భారత ఆర్కిటెక్ట్.. ‘ఆర్కిటెక్చర్ నోబెల్’ గెలుచుకున్న తొలి భారతీయుడిగా రికార్డు!

భారత్‌కు చెందిన దిగ్గజ ఆర్కిటెక్ట్ బాలకృష్ణ దోషి (90) అరుదైన గౌరవాన్ని అందుకున్నారు. ఆర్కిటెక్చర్ రంగంలో ఆయన అందించిన సేవలకు గాను నోబెల్‌తో సరిసమానమైన ‘ప్రిట్జికెర్ ఆర్కిటెక్చర్ ప్రైజ్’ను అందుకోనున్నారు. పూణెలో జన్మించిన దోషి ఈ గౌరవాన్ని అందుకోనున్న తొలి భారతీయుడిగా రికార్డులకెక్కనున్నారు.

ఈ రంగంలో ఇదే అత్యున్నత పురస్కారం. గతంలో ఈ అవార్డును ప్రపంచ దిగ్గజ ఆర్కిటెక్ట్‌లు అయిన జహా హడిడ్, ఫ్రాంక్ గెహ్రీ, ఐఎం పీ, షిగెరు బన్ తదితరులు అందుకున్నారు. కొన్నేళ్లుగా దోషి అందిస్తున్న సేవలను గుర్తించి ఈ అవార్డును ప్రకటించినట్టు ప్రిట్జ్‌కెర్ జ్యూరీ తెలిపింది. మేలో టొరొంటోలో జరిగే ఓ కార్యక్రమంలో ఆయన ఈ అవార్డును అందుకోనున్నారు.