chiranjeevi: రెండవ షెడ్యూల్ కి రెడీ అవుతోన్న 'సైరా'

సురేందర్ రెడ్డి దర్శకత్వంలో .. చరణ్ నిర్మాతగా 'సైరా' చిత్రం రూపొందుతోంది. చిరంజీవికి ఇది 151వ సినిమా .. ఆయన కెరియర్లోనే అత్యధిక బడ్జెట్ తో చేస్తోన్న భారీ చిత్రం. అలాంటి ఈ సినిమా ఇటీవలే తొలి షెడ్యూల్ ను పూర్తిచేసుకుంది. రెండవ షెడ్యూల్ కి ఈ సినిమా టీమ్ రెడీ అవుతోంది.

ఈ నెల 23వ తేదీ నుంచి రెండవ షెడ్యూల్ ను హైదరాబాద్ లో మొదలెట్టనున్నట్టు సమాచారం. ముందుగా వేసుకున్న ప్లాన్ ప్రకారం ఈ సినిమా టీమ్ కేరళ .. రాజస్థాన్ వెళ్లవలసి వుంది. కానీ హైదరాబాద్ షెడ్యూల్ ను పూర్తి చేసిన తరువాతనే అక్కడికి వెళ్లాలని నిర్ణయించుకున్నారట. ఈ సినిమాకి సంగీత దర్శకుడు ఎవరు? ఈ సినిమాలో నయనతార చేస్తుందా .. లేదా? అనే విషయంలో ఈ షెడ్యూల్లో క్లారిటీ వచ్చేస్తుందనే టాక్ వినిపిస్తోంది.