Priya P Warrier: సోషల్ మీడియా సెన్సేషన్, నటి ప్రియా వారియర్ పై హైదరాబాదులో కేసు నమోదు
- ఫలక్ నుమా పోలీస్ స్టేషన్ లో కేసు నమోదు
- ముస్లింల మనోభావాలను గాయపరిచిందంటూ ఫిర్యాదు
- ప్రియపై ఫిర్యాదు చేసిన పలువురు ముస్లిం యువకులు
కేరళ నటి ప్రియా వారియర్ పై హైదరాబాదులోని ఫలక్ నుమా పోలీస్ స్టేషన్ లో కేసు నమోదైంది. ముస్లింల మనోభావాలు దెబ్బతినేలా ఓ పాటలో ఆమె నటించిందంటూ ఫిర్యాదులో ఆరోపించారు. పలువురు ముస్లిం యువకులు ఈ మేరకు ఆమెపై పీఎస్ లో ఫిర్యాదు చేశారు.
కేవలం 26 సెకన్ల నిడివి ఉన్న ఓ వీడియోతో ఈ టీనేజర్ సోషల్ మీడియా సంచలనంగా మారిన సంగతి తెలిసిందే. ఏళ్లపాటు శ్రమించినా రాని గుర్తింపును... తన అద్భుతమైన ఎక్స్ ప్రెషన్స్ తో ఓ చిన్న వీడియో ద్వారా ప్రియ సొంతం చేసుకుంది. 'ఒరు అడార్ లవ్' మూవీ ప్రోమోను విడుదల చేయగా... అందులో ప్రియ ముఖ కవళికలు యూత్ ను తెగ ఆకట్టుకున్నాయి. దీంతో, రాత్రికి రాత్రే ఆమె పెద్ద సెలబ్రిటీ అయిపోయింది.
