bsnl: కస్టమర్లకు షాక్.. ఆదివారం ఫ్రీకాల్స్ ను ఆపేస్తున్న టెలికాం దిగ్గజం

ప్రభుత్వరంగ టెలికాం సంస్థ బీఎస్ఎన్ఎల్ తన వినియోగదారులకు షాక్ ఇచ్చింది. ల్యాండ్ లైన్ ద్వారా ఆదివారంనాడు చేసుకునే ఫ్రీకాల్స్ సౌకర్యాన్ని నిలిపివేయాలని నిర్ణయించింది. ఫిబ్రవరి 1వ తేదీ నుంచి దేశ వ్యాప్తంగా ఈ నిలిపివేత అమల్లోకి వస్తోంది. దీంతో, మిగిలిన రోజుల్లో కాల్స్ కు ఛార్జ్ చేసినట్టుగానే ఆదివారాల్లో కూడా ఛార్జ్ చేయబోతున్నారు. పాత కస్టమర్లతో పాటు, కొత్త కస్టమర్లకు కూడా ఇది వర్తిస్తుందని బీఎస్ఎన్ఎల్ తెలిపింది.

మరోవైపు ఈ నెల మధ్యలో రాత్రి పూట ఫ్రీగా చేసుకునే కాల్స్ సదుపాయాన్ని కూడా బీఎస్ఎన్ఎల్ సమీక్షించింది. ఫ్రీ వాయిస్ కాలింగ్ సదుపాయాన్ని రాత్రి 9 గంటల నుంచి కాకుండా 10.30 నుంచి చేసుకునేలా మార్చింది. 2016 ఆగస్టు 21న ఫ్రీ నైట్ కాలింగ్, ఫ్రీ సండే కాలింగ్ సదుపాయాలను బీఎస్ఎన్ఎల్ అందుబాటులోకి తీసుకొచ్చింది.