మా అమ్మ, నాన్న గర్వపడ్డారు: దీపికా పదుకొనే
- బెదిరింపులను తట్టుకుని నిలబడేలా నా తల్లిదండ్రులు పెంచారు
- పరిస్థితిని హ్యాండిల్ చెయ్యగలనని వారికి తెలుసు
- సినిమా చూడగానే వీడియో కాల్ చేశారు
ఇక తీవ్ర నిరసనల మధ్య విడుదలైన ‘పద్మావత్’ మంచి టాక్ తో నడుస్తోంది. ఈ క్రమంలో తీవ్ర భావోద్వేగానికి గురైన దీపిక మాట్లాడుతూ, బెదిరింపులను తట్టుకుని నిలబడేలా పేరెంట్స్ తమను పెంచారని తెలిపింది. ఈ వివాదం రేగిన సందర్భంలో ఒక్కసారి కూడా తమ పేరెంట్స్ ‘నీ దగ్గరకు వచ్చి ఉంటాం’ అని అనలేదని చెప్పింది. ఎందుకంటే ఈ పరిస్థితిని తాను హ్యాండిల్ చేయగలనని వాళ్లకు తెలుసని తెలిపింది.
ఏది తప్పు, ఏది ఒప్పు అని తెలుసుకునేలా తనను పెంచారని చెప్పింది. తనకు, తన చెల్లెలికి ధైర్యం తల్లిదండ్రులేనని తెలిపింది. ‘పద్మావత్’ సినిమా చూసిన వెంటనే వీడియో కాల్ చేశారని, ఆ సమయంలో వారి ముఖాలు గర్వంతో, ఆనందంతో వెలిగిపోయాయని చెప్పింది.
