Revanth Reddy: య‌శోద ఆసుప‌త్రికి వెళ్లి జానారెడ్డి ఆరోగ్య పరిస్థితిని అడిగి తెలుసుకున్న రేవంత్ రెడ్డి
- ఐదు రోజుల క్రితం అస్వ‌స్థ‌త‌కు గురైన జానారెడ్డి
- ప్ర‌స్తుతం సోమాజిగూడ య‌శోద ఆసుప‌త్రిలో జానారెడ్డికి చికిత్స
- ప‌రామ‌ర్శించిన రేవంత్ రెడ్డి
ఐదు రోజుల క్రితం తెలంగాణ కాంగ్రెస్ సీనియర్ నేత జానారెడ్డి అస్వ‌స్థ‌త‌కు గురైన విష‌యం తెలిసిందే. ప్ర‌స్తుతం ఆయ‌న హైద‌రాబాద్ సోమాజిగూడ‌లోని య‌శోద ఆసుప‌త్రిలో చికిత్స పొందుతున్నారు. జానారెడ్డి ఊపిరితిత్తుల ఇన్ఫెక్షన్‌తో బాధపడుతున్నట్టు సమాచారం. ఈ రోజు య‌శోద ఆసుప‌త్రికి వెళ్లిన కాంగ్రెస్ నేత రేవంత్ రెడ్డి.. జానారెడ్డిని ప‌రామ‌ర్శించి, ఆయ‌న ఆరోగ్య పరిస్థితిని డాక్ట‌ర్ల‌ను అడిగి తెలుసుకున్నారు. జానారెడ్డి ఆసుప‌త్రిలో కోలుకున్నట్లు సమాచారం.
