ఎన్టీఆర్ బయోపిక్ గురించి బాలకృష్ణ నన్ను పిలిపించింది నిజమే!: తేజ

ఎన్టీఆర్ జీవిత చరిత్రను తెరకెక్కించే పనిలో బాలకృష్ణ వున్నారు. ఈ సినిమాలో ఎన్టీఆర్ పాత్రను ఆయనే పోషించనున్నట్టు చెప్పారు కూడా. ఈ ప్రాజెక్టును ఏ దర్శకుడి చేతిలో పెడదామా అనే విషయంలో ఆలోచనలో పడిన బాలకృష్ణ, దర్శకుడు తేజను పిలిపించి మాట్లాడినట్టు వార్తలు వచ్చాయి. రాజకీయాల నేపథ్యంలో ఆయన 'నేనే రాజు నేనే మంత్రి' తెరకెక్కించిన తీరు నచ్చడంతో, బాలకృష్ణ పిలిపించి ఈ ప్రాజెక్టు గురించి మాట్లాడారని చెప్పుకున్నారు.

అది నిజమేనన్న విషయాన్ని తాజాగా తేజ స్పష్టం చేశారు. ఈ ప్రాజెక్టు గురించి బాలకృష్ణ ఓ నాలుగైదు సార్లు తనని పిలిచి మాట్లాడారని ఓ ఆంగ్ల దినపత్రికకి ఇచ్చిన ఇంటర్వ్యూలో చెప్పారు. తాను ఎన్టీఆర్ కి వీరాభిమానిననీ .. అయితే ఆయన చరిత్రను తెరకెక్కించాలంటే కొంత టెన్షన్ పడటం సహజమేనని అన్నారు. మొత్తానికి తాను ఎన్టీఆర్ బయోపిక్ ను తెరకెక్కించే ఛాన్స్ ఉందని చెప్పుకొచ్చారు.