jai lava kusa: బాక్సాఫీస్ వద్ద దుమ్మురేపిన 'జై లవ కుశ'.. తొలివారం కలెక్షన్స్ ఇవే!

జూనియర్ ఎన్టీఆర్ నటించిన 'జై లవ కుశ' బాక్సాఫీస్ వద్ద దుమ్మురేపుతోంది. భారీ అంచనాల మధ్య విడుదలైన ఈ సినిమాకు అభిమానులు బ్రహ్మరథం పట్టారు. మూడు విభిన్నమైన క్యారెక్టర్లతో నట విశ్వరూపం ప్రదర్శించిన జూనియర్ కు ప్రేక్షకులు ఫిదా అయ్యారు.

విజయవంతంగా ఈ సినిమా రెండో వారంలోకి అడుగుపెట్టింది. తొలివారంలో ప్రపంచవ్యాప్తంగా ఏకంగా రూ. 135 కోట్లను కొల్లగొట్టింది. తద్వారా... 'బాహుబలి-2' తర్వాత ఈ ఏడాది రెండో బ్లాక్ బస్టర్ మూవీగా 'జై లవ కుశ' రికార్డుల్లోకి ఎక్కింది. దసరా సెలవులు, వీకెండ్ కావడంతో ఈ చిత్రం వసూళ్లు మరింత పెరుగుతాయని సినీ విశ్లేషకులు అంచనా వేస్తున్నారు.