pavan: బ్యాంకాక్ లో భారీ ఫైట్స్ చేసేస్తోన్న పవన్!
త్రివిక్రమ్ .. పవన్ కాంబినేషన్లోని సినిమా ప్రస్తుతం బ్యాంకాక్ లో చిత్రీకరణ జరుపుకుంటోంది. కొన్ని రోజులుగా అక్కడ యాక్షన్ ఎపిసోడ్ ను తెరకెక్కిస్తున్నారు. ఈ సినిమాలో మొత్తం 7 యాక్షన్ ఎపిసోడ్స్ ఉంటాయట. వాటిలో వున్న హై ఓల్టేజ్ యాక్షన్ ఎపిసోడ్స్ లో ఇది ఒకటని చెబుతున్నారు. ఈ యాక్షన్ సీన్ ప్రేక్షకులను ఉత్కంఠభరితులను చేసేదిలా ఉంటుందని అంటున్నారు.
అక్కడ షూటింగ్ ముగియగానే ఈ సినిమా టీమ్ .. యూరప్ వెళ్లనుంది. అక్కడ మేజర్ షెడ్యూల్ ను ప్లాన్ చేసినట్టు తెలుస్తోంది. ఈ సినిమాలో కీర్తి సురేశ్ .. అనూ ఇమ్మాన్యుయేల్ కథానాయికలుగా నటిస్తున్నారు. గతంలో త్రివిక్రమ్ - పవన్ కాంబినేషన్లో వచ్చిన రెండు సినిమాలు సూపర్ హిట్ కావడంతో, సహజంగానే ఈ సినిమాపై భారీ అంచనాలు వున్నాయి. సంక్రాంతి బరిలో ఈ సినిమా నిలవనుంది.
