pavan: పవన్ మూవీ నైజామ్ హక్కులు షాకిస్తున్నాయి!
పవన్ కల్యాణ్ .. త్రివిక్రమ్ దర్శకత్వంలో ఓ భారీ బడ్జెట్ చిత్రం రూపొందుతోంది. హారిక అండ్ హాసిని క్రియేషన్స్ బ్యానర్ పై ఈ సినిమా నిర్మితమవుతోంది. ప్రస్తుతం ఈ సినిమా షూటింగ్ విదేశాల్లో జరుగుతోంది. సెట్స్ పై ఉండగానే ఈ సినిమా బిజినెస్ ఒక రేంజ్ లో జరుగుతున్నట్టుగా తెలుస్తోంది.
ఈ సినిమా నైజామ్ హక్కులను దిల్ రాజు సొంతం చేసుకున్నట్టుగా చెబుతున్నారు. ఇందుకోసం ఆయన 29 కోట్లను చెల్లించాడని అంటున్నారు. నైజామ్ ఏరియాలో 'బాహుబలి' తరువాత ఈ స్థాయి రేటు పలికి సినిమా ఇదేనని చెబుతున్నారు. నైజామ్ లో మెగా ఫ్యామిలీకి అభిమానులు ఎక్కువ .. ఆదరణ ఎక్కువ. ఇక్కడ వసూళ్లు కూడా భారీగానే ఉంటూ ఉంటాయి. అందువలన నైజామ్ హక్కులకు భారీ రేటు పలికినట్టుగా చెప్పుకుంటున్నారు.
