బన్నీ అంటే ఇష్టం .. ఎన్టీఆర్ తో చేయాలనుంది : శ్రద్ధా దాస్

తెలుగు తెరకి తనదైన గ్లామర్ టచ్ ఇచ్చిన కథానాయికలలో శ్రద్ధా దాస్ ఒకరు. తెలుగుతో పాటు ఆమె ఏ చిత్ర పరిశ్రమ నుంచి అవకాశం వచ్చినా, వరుసగా సినిమాలు చేసుకుంటూ వెళుతోంది. ఈ నేపథ్యంలోనే టాలీవుడ్ హీరోల్లో ఎవరంటే ఇష్టమనే ప్రశ్న ఆమెకి ఎదురైంది. తెలుగులో తాను ఎక్కువగా ఇష్టపడే హీరో అల్లు అర్జున్ అని ఆమె చెప్పింది. 'ఆర్య 2'లో తనకి ఆయన అవకాశం ఇచ్చారనీ, ఆ సినిమా తనకి ఎంతో పేరు తీసుకొచ్చిందని అంది.

 ఇక ఎన్టీఆర్ తో కలిసి నటించాలనే కోరిక చాలా కాలంగా ఉందని చెప్పింది. ఆ కల నెరవేరే సమయం కోసం ఎదురుచూస్తున్నానని అంది. ఎన్టీఆర్ వ్యాఖ్యాతగా వ్యవహరిస్తోన్న 'బిగ్ బాస్'లో తనకి అవకాశం వచ్చిందనీ, అయితే కొన్ని కమిట్మెంట్స్ కారణంగా తాను అంగీకరించలేకపోయానని చెప్పుకొచ్చింది.