అమీర్ ఖాన్ న్యూడ్ పోస్టర్ పై కోర్టులో పిటిషన్

02-08-2014 Sat 10:52

తాజాగా విడుదలైన నటుడు అమీర్ ఖాన్ 'న్యూడ్ పోస్టర్' వివాదాన్ని రేపుతోంది. ప్రస్తుతం ఆయన నటిస్తున్న 'పీకే'(PK) చిత్రానికి సంబంధించి దర్శకుడు ఫస్ట్ లుక్ ను విడుదల చేశారు. ఒంటిపై నూలుపోగన్నది లేకుండా, కేవలం ఓ రేడియోని ఆచ్చాదనగా ఉంచుకుని, సీరియస్ గా చూస్తున్న అమీర్ ఫోజు అందర్నీ షాక్ కు గురి చేస్తోంది. దీనిపై ఓ న్యాయవాది కోర్టులో సవాల్ చేశాడు. పోస్టర్ లైంగిక హింస ప్రేరేపించేలా ఉందని, అంతేగాక అసభ్యతను ప్రోత్సహిస్తున్నట్లుగా ఉందని పిటిషన్ లో ఆరోపించాడు. ఈ నెల 7న దీనిపై న్యాయస్థానం విచారణ చేపట్టనుంది.