: ట్రోఫీ నేను ఇస్తా... కాదు నేనే ఇస్తా!: మెల్ బోర్న్ వేదికగా ఐసీసీ చైర్మన్, ప్రెసిడెంట్ వాదులాట

ఇంటర్నేషనల్ క్రికెట్ కౌన్సిల్ (ఐసీసీ)లో మరోసారి చిచ్చు రగిలింది. మెల్ బోర్న్ మైదానంలో ఐసీసీ చైర్మన్ శ్రీనివాసన్, ప్రెసిడెంట్ కమల్ ల మధ్య వాదులాట జరిగినట్టు తెలుస్తోంది. విజేతకు అందించే ట్రోఫీని నేను ఇస్తానంటే, నేను ఇస్తానని ఈ ఇద్దరూ వాదించుకున్నట్టు సమాచారం. ప్రోటోకాల్ ప్రకారం ట్రోఫీని తానే అందించాలని కమల్ గట్టిపట్టుతో ఉన్నట్టు తెలిసింది. వీరి గొడవను దగ్గరుండి చూసిన ఐసీసీ నేతలు 'ఔరా' అనుకున్నారట. మరి ఎవరైనా సర్దుకుంటారో లేదా ఇద్దరూ కలసి విజేతకు ట్రోఫీ ఇస్తారో చూడాలి.