నేటి మార్కెట్లో బంగారం, వెండి ధరలు ఇలా.. !

భారత మార్కెట్లో గత రెండు రోజులుగా బంగారం ధరలు తగ్గుముఖం పట్టాయి. హైదరాబాద్, విజయవాడ సహా దేశంలోని పలు ప్రధాన నగరాల్లో శుక్రవారం పసిడి ధరలు స్వల్పంగా క్షీణించాయి. అంతర్జాతీయ పరిణామాలతో పాటు అమెరికా, ఇరాన్ మధ్య నెలకొన్న ఉద్రిక్తతలు పసిడి ధరలపై ప్రభావం చూపుతున్నాయి.

శుక్రవారం ఉదయం సమయానికి హైదరాబాద్ బులియన్ మార్కెట్లో 24 క్యారెట్ల 10 గ్రాముల బంగారం ధర రూ.1,45,630 వద్ద కొనసాగుతోంది. అలాగే, 22 క్యారెట్ల పసిడి ధర రూ.1,33,490గా నమోదైంది. విజయవాడలోనూ ఇంచుమించుగా ఇవే ధరలు కొనసాగుతుండగా.. కిలో వెండి ధర రూ.2,59,900గా ఉంది. చెన్నై, ముంబై, ఢిల్లీ వంటి ఇతర మెట్రో నగరాల్లోనూ పసిడి ధరలు ఇదే శ్రేణిలో ఉన్నాయి.

అంతర్జాతీయ మార్కెట్ ఒడిదుడుకులతో పాటు దేశీయంగా రూపాయి-డాలర్ మారకం విలువ, స్థానిక డిమాండ్ ఆధారంగా బంగారం ధరల్లో మార్పులు చోటుచేసుకుంటాయి. ఇరాన్‌తో ఒప్పందం కుదిరిందని అమెరికా అధ్యక్షుడు డొనాల్డ్ ట్రంప్ గురువారం ప్రకటించిన నేపథ్యంలో, రానున్న రోజుల్లో బంగారం, వెండి ధరలు మళ్లీ పెరిగే అవకాశం ఉందని నిపుణులు విశ్లేషిస్తున్నారు. బులియన్ మార్కెట్లో ధరలు ఎప్పటికప్పుడు మారుతుంటాయి కాబట్టి, కొనుగోలుదారులు తాజా ధరలను పరిశీలించి తగిన నిర్ణయం తీసుకోవడం ఉత్తమం.