ఐటీ కంపెనీలో దారుణం: ఉద్యోగినులతో బీఫ్ తినిపించడం, లైంగిక వేధింపులు, మత మార్పిడి యత్నం
మహారాష్ట్రలోని నాసిక్లో ఓ మల్టీనేషనల్ ఐటీ కంపెనీలో అత్యంత దారుణమైన ఘటన వెలుగు చూసింది. ఉద్యోగినులపై లైంగిక వేధింపులు, మానసికంగా హింసించడం, బలవంతంగా నమాజ్ చేయించడం, బీఫ్ తినిపించడం, మత మార్పిడికి యత్నించడం వంటి తీవ్రమైన ఆరోపణలు ప్రకంపనలు సృష్టిస్తున్నాయి. ఈ కేసుకు సంబంధించి కంపెనీ అసిస్టెంట్ జనరల్ మేనేజర్ (హెచ్ఆర్) సహా ఏడుగురిని పోలీసులు అరెస్ట్ చేశారు.
వివరాల్లోకి వెళ్తే, 2022 నుంచి 2026 మధ్య కాలంలో ఈ దారుణాలు జరిగినట్లు 8 మంది మహిళా ఉద్యోగినులు ఫిర్యాదు చేశారు. ఉద్యోగ భద్రత పేరుతో మభ్యపెట్టి, తమ ఫోటోలు, వీడియోలు తీసి బ్లాక్మెయిల్ చేశారని బాధితులు ఆవేదన వ్యక్తం చేశారు. లైంగిక వేధింపులకు పాల్పడటమే కాకుండా, మతపరమైన మనోభావాలను దెబ్బతీసేలా ప్రవర్తించారని ఆరోపించారు. వీరితో పాటు మరో పురుష ఉద్యోగి కూడా తన మత విశ్వాసాలను కించపరిచారంటూ ఫిర్యాదు చేయడం గమనార్హం.
బాధితుల ఫిర్యాదుల మేరకు 2026 మార్చి 26 నుంచి పోలీసులు మొత్తం 9 ఎఫ్ఐఆర్లు నమోదు చేశారు. కేసు తీవ్రత దృష్ట్యా, అసిస్టెంట్ కమిషనర్ ఆఫ్ పోలీస్ (క్రైమ్) సందీప్ మిట్కే నేతృత్వంలో ప్రత్యేక దర్యాప్తు బృందాన్ని (సిట్) ఏర్పాటు చేశారు. అరెస్ట్ అయిన ఏడుగురిలో హెచ్ఆర్ మేనేజర్ను ఏప్రిల్ 13 వరకు పోలీస్ కస్టడీకి, మిగిలిన ఆరుగురిని 14 రోజుల జ్యుడీషియల్ కస్టడీకి కోర్టు పంపింది. మరో ఐదుగురిని ప్రొడక్షన్ వారంట్పై కస్టడీలోకి తీసుకునేందుకు పోలీసులు ప్రయత్నిస్తున్నారు.
ఈ ఘటనపై మహారాష్ట్ర మంత్రి గిరీష్ మహాజన్ తీవ్రంగా స్పందించారు. బాధితులను బలవంతంగా నమాజ్ చేయించి, బీఫ్ తినిపించారని, ఈ ఫిర్యాదులపై సీనియర్ ఉద్యోగులు చర్యలు తీసుకోనందున వారిపైనా కేసులు నమోదు చేశామని తెలిపారు. ఇది కేవలం ఒక్క కంపెనీకే పరిమితం కాదని, కార్పొరేట్ సంస్థల్లో ఇదో పెద్ద రాకెట్ అయ్యుండవచ్చని ఆయన అనుమానం వ్యక్తం చేశారు. ఉప ముఖ్యమంత్రి దేవేంద్ర ఫడ్నవీస్ కూడా ఈ ఘటనను తీవ్రంగా ఖండించి, పోలీసుల తక్షణ చర్యను ప్రశంసించారు.
ఈ నేపథ్యంలో, జిల్లా కలెక్టర్ ఆయుష్ ప్రసాద్ ఆదేశాల మేరకు కంపెనీలో లైంగిక వేధింపుల నివారణ (పోష్) చట్టం అమలుపై విచారణ ప్రారంభమైంది. కంపెనీలో అంతర్గత ఫిర్యాదుల కమిటీ (ఐసీ) ఉందా? అది సరిగా పనిచేసిందా? అనే కోణంలో అధికారులు ఆరా తీస్తున్నారు. సుమారు 300 మంది ఉద్యోగులున్న ఈ కంపెనీలో మరిన్ని అరెస్టులు జరిగే అవకాశం ఉందని పోలీసులు భావిస్తున్నారు. సిట్ బృందం అన్ని కోణాల్లో దర్యాప్తు ముమ్మరం చేసింది.
వివరాల్లోకి వెళ్తే, 2022 నుంచి 2026 మధ్య కాలంలో ఈ దారుణాలు జరిగినట్లు 8 మంది మహిళా ఉద్యోగినులు ఫిర్యాదు చేశారు. ఉద్యోగ భద్రత పేరుతో మభ్యపెట్టి, తమ ఫోటోలు, వీడియోలు తీసి బ్లాక్మెయిల్ చేశారని బాధితులు ఆవేదన వ్యక్తం చేశారు. లైంగిక వేధింపులకు పాల్పడటమే కాకుండా, మతపరమైన మనోభావాలను దెబ్బతీసేలా ప్రవర్తించారని ఆరోపించారు. వీరితో పాటు మరో పురుష ఉద్యోగి కూడా తన మత విశ్వాసాలను కించపరిచారంటూ ఫిర్యాదు చేయడం గమనార్హం.
బాధితుల ఫిర్యాదుల మేరకు 2026 మార్చి 26 నుంచి పోలీసులు మొత్తం 9 ఎఫ్ఐఆర్లు నమోదు చేశారు. కేసు తీవ్రత దృష్ట్యా, అసిస్టెంట్ కమిషనర్ ఆఫ్ పోలీస్ (క్రైమ్) సందీప్ మిట్కే నేతృత్వంలో ప్రత్యేక దర్యాప్తు బృందాన్ని (సిట్) ఏర్పాటు చేశారు. అరెస్ట్ అయిన ఏడుగురిలో హెచ్ఆర్ మేనేజర్ను ఏప్రిల్ 13 వరకు పోలీస్ కస్టడీకి, మిగిలిన ఆరుగురిని 14 రోజుల జ్యుడీషియల్ కస్టడీకి కోర్టు పంపింది. మరో ఐదుగురిని ప్రొడక్షన్ వారంట్పై కస్టడీలోకి తీసుకునేందుకు పోలీసులు ప్రయత్నిస్తున్నారు.
ఈ ఘటనపై మహారాష్ట్ర మంత్రి గిరీష్ మహాజన్ తీవ్రంగా స్పందించారు. బాధితులను బలవంతంగా నమాజ్ చేయించి, బీఫ్ తినిపించారని, ఈ ఫిర్యాదులపై సీనియర్ ఉద్యోగులు చర్యలు తీసుకోనందున వారిపైనా కేసులు నమోదు చేశామని తెలిపారు. ఇది కేవలం ఒక్క కంపెనీకే పరిమితం కాదని, కార్పొరేట్ సంస్థల్లో ఇదో పెద్ద రాకెట్ అయ్యుండవచ్చని ఆయన అనుమానం వ్యక్తం చేశారు. ఉప ముఖ్యమంత్రి దేవేంద్ర ఫడ్నవీస్ కూడా ఈ ఘటనను తీవ్రంగా ఖండించి, పోలీసుల తక్షణ చర్యను ప్రశంసించారు.
ఈ నేపథ్యంలో, జిల్లా కలెక్టర్ ఆయుష్ ప్రసాద్ ఆదేశాల మేరకు కంపెనీలో లైంగిక వేధింపుల నివారణ (పోష్) చట్టం అమలుపై విచారణ ప్రారంభమైంది. కంపెనీలో అంతర్గత ఫిర్యాదుల కమిటీ (ఐసీ) ఉందా? అది సరిగా పనిచేసిందా? అనే కోణంలో అధికారులు ఆరా తీస్తున్నారు. సుమారు 300 మంది ఉద్యోగులున్న ఈ కంపెనీలో మరిన్ని అరెస్టులు జరిగే అవకాశం ఉందని పోలీసులు భావిస్తున్నారు. సిట్ బృందం అన్ని కోణాల్లో దర్యాప్తు ముమ్మరం చేసింది.
