Raghurama Krishnam Raju: పౌరాణిక పాత్రల్లో ఎమ్మెల్యేలు, ఎమ్మెల్సీలు.. విజయవాడలో ఆకట్టుకున్న సాంస్కృతిక కార్యక్రమం
- విజయవాడ వేదికగా ఎమ్మెల్యే, ఎమ్మెల్సీ క్రీడా సాంస్కృతిక కార్యక్రమాలు
- పౌరాణిక, చారిత్రక వేషధారణలతో అలరించిన ప్రజాప్రతినిధులు
- భీముడి పాత్రలో మెప్పించిన డిప్యూటీ స్పీకర్ రఘురామకృష్ణరాజు
- వీరపాండ్య కట్టబొమ్మనగా డైలాగులు చెప్పిన మంత్రి కందుల దుర్గేష్
- రుద్రవీణ సినిమా పాట పాడి ఆకట్టుకున్న ఎమ్మెల్యే విజయ్ కుమార్
నిత్యం ప్రజా సమస్యలు, అసెంబ్లీ సమావేశాలు, రాజకీయ విమర్శలు, ప్రతివిమర్శలతో బిజీగా గడిపే రాష్ట్ర ఎమ్మెల్యేలు, ఎమ్మెల్సీలకు శుక్రవారం మంచి 'ఆటవిడుపు' దొరికింది. ఆంధ్రప్రదేశ్ శాసన వ్యవస్థ ఆధ్వర్యంలో విజయవాడలోని ఆంత్రాలూక్స్ కన్వెన్షన్ సెంటర్లో నిర్వహించిన ‘ఎమ్మెల్యే-ఎమ్మెల్సీ క్రీడా సాంస్కృతిక కార్యక్రమాలు-2026’ వేడుకగా సాగాయి. ఈ కార్యక్రమంలో ప్రజాప్రతినిధులు ఉత్సాహంగా పాల్గొని, తమలోని కళాకారులను బయటకు తీశారు.
ముఖ్యంగా పౌరాణిక, చారిత్రక నాటక ప్రదర్శనలు ఆహూతులను విశేషంగా ఆకట్టుకున్నాయి. డిప్యూటీ స్పీకర్ రఘురామకృష్ణరాజు భీముడి పాత్రలో కనిపించి తనదైన హావభావాలతో మెప్పించారు. నరసరావుపేట ఎమ్మెల్యే చదలవాడ అరవిందబాబు శ్రీకృష్ణదేవరాయల వేషధారణలో ఠీవిగా కనిపించి అందరి దృష్టిని ఆకర్షించారు. ఇక బ్రిటిష్ ఈస్ట్ ఇండియా కంపెనీ నిరంకుశత్వాన్ని ఎదిరించిన స్వాతంత్ర్య సమరయోధుడు 'వీరపాండ్య కట్టబొమ్మన' పాత్రలో మంత్రి కందుల దుర్గేశ్ అద్భుత ప్రదర్శన కనబరిచారు.
ఎమ్మెల్యే సుందరపు విజయ్ కుమార్ ‘రుద్రవీణ’ చిత్రంలోని ‘లలిత ప్రియ కమలం’ పాట పాడి సభికులను అలరించారు. వీరితో పాటు జీవీ ఆంజనేయులు, కామినేని శ్రీనివాస్, జయమంగళ వెంకటరమణ, సునీల్ తదితరులు వివిధ పాత్రల్లో సందడి చేశారు. రాజకీయాలకు కాసేపు విరామమిచ్చి, నాయకులంతా ఇలా ఒకే వేదికపై సాంస్కృతిక కార్యక్రమాల్లో పాల్గొనడం అక్కడి వారికి ఆనందాన్ని పంచింది.
ముఖ్యంగా పౌరాణిక, చారిత్రక నాటక ప్రదర్శనలు ఆహూతులను విశేషంగా ఆకట్టుకున్నాయి. డిప్యూటీ స్పీకర్ రఘురామకృష్ణరాజు భీముడి పాత్రలో కనిపించి తనదైన హావభావాలతో మెప్పించారు. నరసరావుపేట ఎమ్మెల్యే చదలవాడ అరవిందబాబు శ్రీకృష్ణదేవరాయల వేషధారణలో ఠీవిగా కనిపించి అందరి దృష్టిని ఆకర్షించారు. ఇక బ్రిటిష్ ఈస్ట్ ఇండియా కంపెనీ నిరంకుశత్వాన్ని ఎదిరించిన స్వాతంత్ర్య సమరయోధుడు 'వీరపాండ్య కట్టబొమ్మన' పాత్రలో మంత్రి కందుల దుర్గేశ్ అద్భుత ప్రదర్శన కనబరిచారు.
ఎమ్మెల్యే సుందరపు విజయ్ కుమార్ ‘రుద్రవీణ’ చిత్రంలోని ‘లలిత ప్రియ కమలం’ పాట పాడి సభికులను అలరించారు. వీరితో పాటు జీవీ ఆంజనేయులు, కామినేని శ్రీనివాస్, జయమంగళ వెంకటరమణ, సునీల్ తదితరులు వివిధ పాత్రల్లో సందడి చేశారు. రాజకీయాలకు కాసేపు విరామమిచ్చి, నాయకులంతా ఇలా ఒకే వేదికపై సాంస్కృతిక కార్యక్రమాల్లో పాల్గొనడం అక్కడి వారికి ఆనందాన్ని పంచింది.
