భక్తులకు ఐఆర్ సీటీసీ ఆసక్తికర ఆఫర్

తీర్థయాత్రలకు వెళ్లాలనుకునే తెలుగు రాష్ట్రాల భక్తులకు ఇండియన్ రైల్వే కేటరింగ్ అండ్ టూరిజం కార్పొరేషన్ (IRCTC) ఆసక్తికర ఆఫర్ ప్రకటించింది. భారత్ గౌరవ్ టూరిస్ట్ రైళ్ల కింద నాలుగు ప్రత్యేక యాత్ర ప్యాకేజీలను ప్రకటించింది. ఈ రైళ్లు మార్చి 21 నుంచి మే 21 మధ్యలో సికింద్రాబాద్ నుంచి బయలుదేరి దేశంలోని ప్రముఖ పుణ్యక్షేత్రాలను సందర్శించే అవకాశం కల్పిస్తాయి.
 
ఈ ప్యాకేజీల్లో రైలు ప్రయాణం, హోటల్ వసతి, భోజనం, స్థానిక రవాణా, గైడ్ సేవలు, ప్రయాణ బీమా వంటి అన్ని సౌకర్యాలు ఒకేచోట లభిస్తాయి. తెలుగు రాష్ట్రాల్లోని పలు ప్రధాన రైల్వే స్టేషన్లలో బోర్డింగ్, డీబోర్డింగ్ పాయింట్లు అందుబాటులో ఉంటాయని ఐఆర్‌సీటీసీ అధికారులు తెలిపారు.
 
ప్రకటించిన నాలుగు ప్యాకేజీల వివరాలు:
 
1. దివ్య దక్షిణ యాత్ర (జ్యోతిర్లింగ సహిత): మార్చి 21 నుంచి 28 వరకు తిరువణ్ణామలై, రామేశ్వరం, మధురై, కన్యాకుమారి వంటి పుణ్యక్షేత్రాలను సందర్శించవచ్చు. ఛార్జీలు రూ.14,700 నుంచి ప్రారంభమవుతాయి.
 
2. సప్త జ్యోతిర్లింగ దర్శన యాత్ర: ఏప్రిల్ 14 నుంచి 24 వరకు జరిగే ఈ యాత్రలో ఉజ్జయిని, ద్వారక, సోమనాథ్, నాసిక్ వంటి జ్యోతిర్లింగ క్షేత్రాలు ఉంటాయి. దీనికి ఛార్జీలు రూ.17,600 నుంచి మొదలవుతాయి.
 
3. అయోధ్య-కాశీ-బైద్యనాథ్ ధామ్ యాత్ర: ఏప్రిల్ 28 నుంచి మే 5 వరకు పూరి, కోణార్క్, వారణాసి, అయోధ్య, ప్రయాగ్‌రాజ్ వంటి ప్రదేశాలను కవర్ చేస్తుంది. ఛార్జీలు రూ.16,700 నుంచి ఉంటాయి.
 
4. హరిద్వార్-మాతా వైష్ణో దేవి యాత్ర: మే 12 నుంచి 21 వరకు మధుర, బృందావన్, మాతా వైష్ణో దేవి, హరిద్వార్, రిషికేశ్‌లను సందర్శించవచ్చు. టికెట్ ధరలు రూ.16,500 నుంచి ప్రారంభం.
 
ఈ యాత్రలకు ఆసక్తి ఉన్న భక్తులు IRCTC టూరిజం అధికారిక వెబ్‌సైట్ ద్వారా తమ టికెట్లను బుక్ చేసుకోవచ్చు. తక్కువ ఖర్చుతో సౌకర్యవంతమైన ప్రయాణం కోరుకునేవారికి ఈ ప్యాకేజీలు ఎంతగానో ఉపయోగపడతాయని అధికారులు పేర్కొన్నారు.


గమనిక: ఈ సమాచారం ఇంటర్నెట్‌లో అందుబాటులో ఉన్న వివరాల ఆధారంగానే అందిస్తున్నాము. మా సైట్ దీనిని ధ్రువీకరించడం లేదు.