టీ20 ప్రపంచకప్: పీసీబీకి శ్రీలంక క్రికెట్ బోర్డు లేఖ.. నష్టాలను భరించాలంటూ డిమాండ్
- టీ20 వరల్డ్ కప్... కొలంబోలో భారత్ తో ఆడేది లేదన్న పాక్
- భారీ నష్టాలతో శ్రీలంక క్రికెట్ బోర్డు విలవిల
- నష్టాలను భరించాలంటూ పీసీబీకి లేఖ రాసిన ఎస్ఎల్సీ
- నిర్ణయంతో శ్రీలంక పర్యాటక రంగంపై తీవ్ర ప్రభావం
టీ20 ప్రపంచకప్లో భాగంగా భారత్తో జరగాల్సిన మ్యాచ్లో ఆడేందుకు పాకిస్థాన్ నిరాకరించడం శ్రీలంక క్రికెట్ బోర్డును తీవ్ర ఆర్థిక సంక్షోభంలోకి నెట్టింది. ఫిబ్రవరి 15న కొలంబో వేదికగా ఈ మ్యాచ్ జరగాల్సి ఉంది. పాకిస్థాన్ ప్రభుత్వ ఏకపక్ష నిర్ణయంతో ఆతిథ్య దేశమైన శ్రీలంక క్రికెట్ బోర్డు (ఎస్ఎల్సీ) భారీ నష్టాలను చవిచూడనుంది.
ఈ పరిణామంతో, నష్ట నివారణ చర్యల కోసం శ్రీలంక క్రికెట్ బోర్డు వెంటనే రంగంలోకి దిగింది. పాకిస్థాన్ క్రికెట్ బోర్డుకు (పీసీబీ) ఘాటుగా లేఖ రాసింది. మ్యాచ్ కోసం ఇప్పటికే అన్ని ఏర్పాట్లు పూర్తి చేశామని, పాక్ నిర్ణయం వల్ల తమకు తీవ్రమైన ఆర్థిక నష్టం వాటిల్లుతుందని లేఖలో పేర్కొంది. మ్యాచ్ రద్దు కావడంతో కొలంబోలోని హోటళ్లలో భారీగా బుకింగ్స్ రద్దయ్యాయని, ఇది తమ పర్యాటక రంగంపై తీవ్ర ప్రభావం చూపుతోందని ఎస్ఎల్సీ ఆవేదన వ్యక్తం చేసింది. గతంలో పాకిస్థాన్ కష్టకాలంలో ఉన్నప్పుడు తాము ఎలా అండగా నిలిచామో గుర్తుచేస్తూ, ఈ నిర్ణయాన్ని పునఃపరిశీలించుకోవాలని కోరినట్లు ఐఏఎన్ఎస్ తన కథనంలో పేర్కొంది.
అయితే, శ్రీలంక బోర్డు అభ్యర్థనను పాకిస్థాన్ పట్టించుకునేలా కనిపించడం లేదు. "ఎస్ఎల్సీ లేఖ రాసినంత మాత్రాన ఏం జరుగుతుంది? ఈ విషయం ఇప్పుడు అంతర్జాతీయ క్రికెట్ మండలి (ఐసీసీ) పరిధిలో ఉంది. భారత్తో కొలంబోలో ఆడవద్దని పాక్ ప్రభుత్వాన్ని పీసీబీ ఆదేశించింది. ఆర్థిక నష్టాల పేరుతో ఆడమని కోరినా ప్రయోజనం ఉండదు" అని ఓ మాజీ పాక్ క్రికెటర్ ఐఏఎన్ఎస్తో చెప్పినట్లు సమాచారం.
భారత్-పాకిస్థాన్ మ్యాచ్ అంటే ప్రపంచవ్యాప్తంగా అభిమానులకు, స్పాన్సర్లకు ఎంతో ప్రత్యేకం. ఈ మ్యాచ్ రద్దుతో శ్రీలంక ఆర్థిక వ్యవస్థకు కీలకమైన పర్యాటక రంగం దెబ్బతినే ప్రమాదం ఏర్పడింది. దీంతో ఈ విషయాన్ని ఐసీసీ దృష్టికి కూడా తీసుకెళ్లాలని, తమకు వాటిల్లిన నష్టంలో పీసీబీ కూడా వాటా పంచుకోవాలని ఎస్ఎల్సీ డిమాండ్ చేస్తోంది.
ఈ పరిణామంతో, నష్ట నివారణ చర్యల కోసం శ్రీలంక క్రికెట్ బోర్డు వెంటనే రంగంలోకి దిగింది. పాకిస్థాన్ క్రికెట్ బోర్డుకు (పీసీబీ) ఘాటుగా లేఖ రాసింది. మ్యాచ్ కోసం ఇప్పటికే అన్ని ఏర్పాట్లు పూర్తి చేశామని, పాక్ నిర్ణయం వల్ల తమకు తీవ్రమైన ఆర్థిక నష్టం వాటిల్లుతుందని లేఖలో పేర్కొంది. మ్యాచ్ రద్దు కావడంతో కొలంబోలోని హోటళ్లలో భారీగా బుకింగ్స్ రద్దయ్యాయని, ఇది తమ పర్యాటక రంగంపై తీవ్ర ప్రభావం చూపుతోందని ఎస్ఎల్సీ ఆవేదన వ్యక్తం చేసింది. గతంలో పాకిస్థాన్ కష్టకాలంలో ఉన్నప్పుడు తాము ఎలా అండగా నిలిచామో గుర్తుచేస్తూ, ఈ నిర్ణయాన్ని పునఃపరిశీలించుకోవాలని కోరినట్లు ఐఏఎన్ఎస్ తన కథనంలో పేర్కొంది.
అయితే, శ్రీలంక బోర్డు అభ్యర్థనను పాకిస్థాన్ పట్టించుకునేలా కనిపించడం లేదు. "ఎస్ఎల్సీ లేఖ రాసినంత మాత్రాన ఏం జరుగుతుంది? ఈ విషయం ఇప్పుడు అంతర్జాతీయ క్రికెట్ మండలి (ఐసీసీ) పరిధిలో ఉంది. భారత్తో కొలంబోలో ఆడవద్దని పాక్ ప్రభుత్వాన్ని పీసీబీ ఆదేశించింది. ఆర్థిక నష్టాల పేరుతో ఆడమని కోరినా ప్రయోజనం ఉండదు" అని ఓ మాజీ పాక్ క్రికెటర్ ఐఏఎన్ఎస్తో చెప్పినట్లు సమాచారం.
భారత్-పాకిస్థాన్ మ్యాచ్ అంటే ప్రపంచవ్యాప్తంగా అభిమానులకు, స్పాన్సర్లకు ఎంతో ప్రత్యేకం. ఈ మ్యాచ్ రద్దుతో శ్రీలంక ఆర్థిక వ్యవస్థకు కీలకమైన పర్యాటక రంగం దెబ్బతినే ప్రమాదం ఏర్పడింది. దీంతో ఈ విషయాన్ని ఐసీసీ దృష్టికి కూడా తీసుకెళ్లాలని, తమకు వాటిల్లిన నష్టంలో పీసీబీ కూడా వాటా పంచుకోవాలని ఎస్ఎల్సీ డిమాండ్ చేస్తోంది.