'పద్మ శ్రీ' పురస్కారాలు ప్రకటించిన కేంద్రం... తెలుగు రాష్ట్రాల నుంచి ఇద్దరికి అరుదైన గౌరవం

కేంద్ర ప్రభుత్వం 2026 సంవత్సరానికి గాను ప్రతిష్ఠాత్మక పద్మ పురస్కారాలను ప్రకటించింది. గణతంత్ర దినోత్సవం సందర్భంగా విడుదల చేసిన ఈ జాబితాలో దేశవ్యాప్తంగా మొత్తం 45 మందిని పద్మశ్రీ అవార్డులకు ఎంపిక చేశారు. వీరిలో ఇద్దరు తెలుగు ప్రముఖులు ఉండటం తెలుగు ప్రజలకు గర్వకారణంగా నిలిచింది. తెలంగాణకు చెందిన మామిడి రామారెడ్డి, హైదరాబాద్‌లోని సీసీఎంబీ శాస్త్రవేత్త డాక్టర్ కుమారస్వామి తంగరాజ్‌ ఈ అరుదైన గౌరవాన్ని అందుకున్నారు.

జంతు పోషణ, గ్రామీణ జీవనోపాధి మెరుగుపరచడంలో రామారెడ్డి చేసిన విశేష కృషికి ఈ పురస్కారం దక్కింది. అదేవిధంగా, జన్యు పరిశోధన రంగంలో డాక్టర్ తంగరాజ్ అందించిన సేవలకు గాను కేంద్రం ఆయన్ను పద్మశ్రీతో సత్కరించింది. ఈ ఏడాది వివిధ రంగాల్లో నిశ్శబ్దంగా సేవలు అందిస్తున్న పలువురిని పద్మశ్రీలకు ఎంపిక చేయడం గమనార్హం.

ఈ జాబితాలో కర్ణాటక నుంచి అంకె గౌడ (సాహిత్యం), తమిళనాడుకు చెందిన పుణ్యమూర్తి నటేశన్ (కళలు) వంటి వారు ఉన్నారు. సాహిత్యం, కళలు, సామాజిక సేవ, విజ్ఞానం వంటి విభిన్న రంగాల్లో అసాధారణ ప్రతిభ కనబరిచిన వారికి ఈ అవార్డులు ప్రకటించారు. క్షేత్రస్థాయిలో పనిచేసే వారికి దక్కిన ఈ గుర్తింపు భవిష్యత్ తరాలకు స్ఫూర్తినిస్తుందని పలువురు అభిప్రాయపడుతున్నారు.

పూర్తి జాబితా

1. అంకె గౌడ
2. అర్మిడ ఫెర్నాండెజ్
3. భగవాన్‌దాస్ రాయికర్
4. భిక్‌ల్యా లదక్య దిండా
5. బ్రిజ్ లాల్ భట్
6. బుద్రి తాటి
7. చరణ్ హెంబ్రామ్
8. చిరంజి లాల్ యాదవ్
9. ధార్మిక్‌లాల్ చునిలాల్ పాండ్య
10. గఫ్రుద్దీన్ మెవాటి జోగి
11. హాలీ వార్
12. ఇందర్‌జిత్ సింగ్ సింధు
13. కె. పజనీవెల్
14. కైలాశ్ చంద్ర పంత్
15. ఖెమ్ రాజ్ సుంద్రియాల్
16. కొల్లక్కయిల్ దేవకి అమ్మ జి
17. కుమారస్వామి తంగరాజ్
18. మహేంద్ర కుమార్ మిశ్రా
19. మిర్ హజీభాయ్ కసమ్‌భాయ్
20. మోహన్ నగర్
21. నరేష్ చంద్ర దేవ్ వర్మ
22. నీలేష్ వినోద్‌చంద్ర మండేవాలా
23. నూరుద్దీన్ అహ్మద్
24. ఒత్తువర్ తిరుత్తణి స్వామినాథన్
25. పద్మ గుర్మీత్
26. పోఖిలా లెక్తేపి
27. పుణ్యమూర్తి నటేశన్
28. ఆర్. కృష్ణన్
29. రఘుపత్ సింగ్
30. రఘువీర్ తుకారామ్ ఖేద్కర్
31. రాజస్తాపతి కలియప్ప గౌండర్
32. మామిడి రామారెడ్డి
33. రామచంద్ర గాడ్‌బోలే మరియు సునీత గాడ్‌బోలే
34. ఎస్. జి. సుశీలమ్మ
35. సంగ్యుసాంగ్ ఎస్ పోంగెనర్
36. షఫీ షౌక్
37. శ్రీరంగ్ దేవాబా లాడ్
38. శ్యామ్ సుందర్
39. సిమాంచల్ పాత్రో
40. సురేశ్ హనగవాడి
41. టగా రామ్ భీల్
42. తేచి గుబిన్
43. తిరువారూర్ భక్తవత్సలం
44. విశ్వ బంధు
45. యుమ్నమ్ జాత్రా సింగ్