Litton Das: టీ20 వరల్డ్కప్ ఆడతామో లేదో తెలియదు: బంగ్లా కెప్టెన్ లిట్టన్ దాస్
- టీ20 ప్రపంచకప్లో బంగ్లాదేశ్ భాగస్వామ్యంపై అనిశ్చితి
- భద్రతా కారణాలతో భారత్ నుంచి మ్యాచ్లు మార్చాలని డిమాండ్
- ఈ విషయంపై మాట్లాడటం సురక్షితం కాదన్న కెప్టెన్ లిటన్ దాస్
- భారత్లో ఆడే ప్రసక్తే లేదని స్పష్టం చేసిన బంగ్లా ప్రభుత్వం
టీ20 ప్రపంచకప్ 2026లో బంగ్లాదేశ్ జట్టు పాల్గొనడంపై అనిశ్చితి నెలకొంది. ఈ విషయంపై స్పందించడం తనకు సురక్షితం కాదంటూ ఆ జట్టు కెప్టెన్ లిటన్ దాస్ చేసిన వ్యాఖ్యలు ఈ వివాదాన్ని మరింత తీవ్రం చేశాయి. ప్రపంచకప్కు ఇంకా రెండు వారాల సమయం మాత్రమే ఉన్నా, బంగ్లాదేశ్ భాగస్వామ్యంపై నీలినీడలు కమ్ముకున్నాయి.
భద్రతా కారణాలను చూపిస్తూ తమ మ్యాచ్లను భారత్ నుంచి శ్రీలంకకు మార్చాలని బంగ్లాదేశ్ క్రికెట్ బోర్డు (BCB), ఐసీసీని కోరింది. అయితే, ఈ అభ్యర్థనకు ఐసీసీ సుముఖంగా లేకపోవడంతో పలు దఫాలుగా జరిగిన చర్చలు విఫలమయ్యాయి. దీంతో ఇరు వర్గాల మధ్య ప్రతిష్టంభన కొనసాగుతోంది.
మంగళవారం బంగ్లాదేశ్ ప్రీమియర్ లీగ్ (బీపీఎల్) మ్యాచ్ అనంతరం లిటన్ దాస్ను ప్రపంచకప్ సన్నద్ధతపై ప్రశ్నించగా, ఆయన ఆసక్తికర వ్యాఖ్యలు చేశారు. "మేము వరల్డ్ కప్ ఆడతామని మీరు ఖచ్చితంగా అనుకుంటున్నారా? నాకైతే అనిశ్చితిగానే ఉంది. ఇప్పుడు బంగ్లాదేశ్ మొత్తం అనిశ్చితిలో ఉంది. ఈ ప్రశ్నకు సమాధానం ఇవ్వడం నాకు సురక్షితం కాదు" అని పేర్కొన్నారు.
మరోవైపు బంగ్లాదేశ్ ప్రభుత్వ క్రీడా సలహాదారు ఆసిఫ్ నజ్రుల్ కూడా ఇదే విషయంపై గట్టిగానే స్పందించారు. ఎట్టి పరిస్థితుల్లోనూ తమ జట్టు భారత్లో పర్యటించదని, జనవరి 21లోగా నిర్ణయం తీసుకోవాలన్న ఐసీసీ అల్టిమేటమ్ను అంగీకరించబోమని తేల్చి చెప్పారు. గతంలో పాకిస్థాన్ ఇలాగే కోరినప్పుడు ఐసీసీ వేదికను మార్చిందని, తమ అభ్యర్థన కూడా సమంజసమైనదేనని ఆయన గుర్తుచేశారు.
ఒకవేళ బీసీబీ తమ నిర్ణయానికే కట్టుబడి ఉంటే, 20 జట్లు పాల్గొనే ఈ టోర్నీలో బంగ్లాదేశ్ స్థానంలో ప్రస్తుత ర్యాంకింగ్స్ ప్రకారం స్కాట్లాండ్ జట్టుకు అవకాశం లభించవచ్చు.
భద్రతా కారణాలను చూపిస్తూ తమ మ్యాచ్లను భారత్ నుంచి శ్రీలంకకు మార్చాలని బంగ్లాదేశ్ క్రికెట్ బోర్డు (BCB), ఐసీసీని కోరింది. అయితే, ఈ అభ్యర్థనకు ఐసీసీ సుముఖంగా లేకపోవడంతో పలు దఫాలుగా జరిగిన చర్చలు విఫలమయ్యాయి. దీంతో ఇరు వర్గాల మధ్య ప్రతిష్టంభన కొనసాగుతోంది.
మంగళవారం బంగ్లాదేశ్ ప్రీమియర్ లీగ్ (బీపీఎల్) మ్యాచ్ అనంతరం లిటన్ దాస్ను ప్రపంచకప్ సన్నద్ధతపై ప్రశ్నించగా, ఆయన ఆసక్తికర వ్యాఖ్యలు చేశారు. "మేము వరల్డ్ కప్ ఆడతామని మీరు ఖచ్చితంగా అనుకుంటున్నారా? నాకైతే అనిశ్చితిగానే ఉంది. ఇప్పుడు బంగ్లాదేశ్ మొత్తం అనిశ్చితిలో ఉంది. ఈ ప్రశ్నకు సమాధానం ఇవ్వడం నాకు సురక్షితం కాదు" అని పేర్కొన్నారు.
మరోవైపు బంగ్లాదేశ్ ప్రభుత్వ క్రీడా సలహాదారు ఆసిఫ్ నజ్రుల్ కూడా ఇదే విషయంపై గట్టిగానే స్పందించారు. ఎట్టి పరిస్థితుల్లోనూ తమ జట్టు భారత్లో పర్యటించదని, జనవరి 21లోగా నిర్ణయం తీసుకోవాలన్న ఐసీసీ అల్టిమేటమ్ను అంగీకరించబోమని తేల్చి చెప్పారు. గతంలో పాకిస్థాన్ ఇలాగే కోరినప్పుడు ఐసీసీ వేదికను మార్చిందని, తమ అభ్యర్థన కూడా సమంజసమైనదేనని ఆయన గుర్తుచేశారు.
ఒకవేళ బీసీబీ తమ నిర్ణయానికే కట్టుబడి ఉంటే, 20 జట్లు పాల్గొనే ఈ టోర్నీలో బంగ్లాదేశ్ స్థానంలో ప్రస్తుత ర్యాంకింగ్స్ ప్రకారం స్కాట్లాండ్ జట్టుకు అవకాశం లభించవచ్చు.
