Uday Saharan: అండర్-19 వరల్డ్ కప్: డీఎల్ పద్ధతిలో బంగ్లాపై నెగ్గిన టీమిండియా కుర్రాళ్లు
- అండర్ 19 ప్రపంచకప్లో బంగ్లాదేశ్పై భారత్ విజయం
- డక్వర్త్ లూయిస్ పద్ధతిలో 18 పరుగుల తేడాతో గెలుపు
- భారత్ తరఫున రాణించిన అభిగ్యాన్ కుందు, వైభవ్ సూర్యవంశీ
- బౌలింగ్లో 4 వికెట్లతో బంగ్లాను దెబ్బతీసిన విహాన్ మల్హోత్రా
- పోరాడిన బంగ్లా కెప్టెన్ అజీజుల్ హాకిమ్.. అర్ధశతకం వృథా
ఐసీసీ అండర్ 19 ప్రపంచకప్ 2026 టోర్నమెంట్లో భారత యువ జట్టు శుభారంభం చేసింది. శనివారం బులవాయోలో జరిగిన గ్రూప్-ఎ మ్యాచ్లో బంగ్లాదేశ్పై 18 పరుగుల తేడాతో (డక్వర్త్ లూయిస్ పద్ధతిలో) ఉత్కంఠ విజయం సాధించింది. వర్షం అంతరాయం కలిగించిన ఈ మ్యాచ్లో భారత యువ ఆటగాళ్లు ఆల్రౌండ్ ప్రదర్శనతో ఆకట్టుకున్నారు.
ఈ పోరులో 239 పరుగుల లక్ష్యఛేదనకు దిగిన బంగ్లాదేశ్ ఇన్నింగ్స్కు వర్షం అంతరాయం కలిగించింది. దీంతో అంపైర్లు డక్వర్త్ లూయిస్ పద్ధతి ప్రకారం బంగ్లా లక్ష్యాన్ని 29 ఓవర్లలో 165 పరుగులుగా నిర్దేశించారు. బంగ్లా కెప్టెన్ అజీజుల్ హాకిమ్ తమీమ్ (51) అర్ధశతకంతో పోరాడినప్పటికీ, భారత బౌలర్లు క్రమం తప్పకుండా వికెట్లు తీశారు. ముఖ్యంగా విహాన్ మల్హోత్రా కేవలం 14 పరుగులిచ్చి 4 కీలక వికెట్లు పడగొట్టి బంగ్లా పతనాన్ని శాసించాడు. దీంతో బంగ్లాదేశ్ జట్టు 28.3 ఓవర్లలో 146 పరుగులకే ఆలౌట్ అయింది. భారత జట్టుకు టోర్నీలో ఇది వరుసగా రెండో విజయం.
అంతకుముందు, ఈ మ్యాచ్లో టాస్ గెలిచిన బంగ్లాదేశ్ ఫీల్డింగ్ ఎంచుకుంది. దీంతో మొదట బ్యాటింగ్ చేసిన భారత జట్టు, ఆదిలోనే కెప్టెన్ ఆయుష్ మహత్రే (6), వేదాంత్ త్రివేది (0) వికెట్లను కోల్పోయి కష్టాల్లో పడింది. ఈ దశలో వైభవ్ సూర్యవంశీ (67 బంతుల్లో 72), వికెట్ కీపర్ అభిగ్యాన్ కుందు (112 బంతుల్లో 80) అద్భుతమైన అర్ధశతకాలతో జట్టును ఆదుకున్నారు. వీరిద్దరి బాధ్యతాయుతమైన ఇన్నింగ్స్లతో భారత్ 48.4 ఓవర్లలో 238 పరుగులకు ఆలౌట్ అయింది. బంగ్లా బౌలర్లలో అల్ ఫహద్ 5 వికెట్లతో సత్తా చాటాడు.
ఈ పోరులో 239 పరుగుల లక్ష్యఛేదనకు దిగిన బంగ్లాదేశ్ ఇన్నింగ్స్కు వర్షం అంతరాయం కలిగించింది. దీంతో అంపైర్లు డక్వర్త్ లూయిస్ పద్ధతి ప్రకారం బంగ్లా లక్ష్యాన్ని 29 ఓవర్లలో 165 పరుగులుగా నిర్దేశించారు. బంగ్లా కెప్టెన్ అజీజుల్ హాకిమ్ తమీమ్ (51) అర్ధశతకంతో పోరాడినప్పటికీ, భారత బౌలర్లు క్రమం తప్పకుండా వికెట్లు తీశారు. ముఖ్యంగా విహాన్ మల్హోత్రా కేవలం 14 పరుగులిచ్చి 4 కీలక వికెట్లు పడగొట్టి బంగ్లా పతనాన్ని శాసించాడు. దీంతో బంగ్లాదేశ్ జట్టు 28.3 ఓవర్లలో 146 పరుగులకే ఆలౌట్ అయింది. భారత జట్టుకు టోర్నీలో ఇది వరుసగా రెండో విజయం.
అంతకుముందు, ఈ మ్యాచ్లో టాస్ గెలిచిన బంగ్లాదేశ్ ఫీల్డింగ్ ఎంచుకుంది. దీంతో మొదట బ్యాటింగ్ చేసిన భారత జట్టు, ఆదిలోనే కెప్టెన్ ఆయుష్ మహత్రే (6), వేదాంత్ త్రివేది (0) వికెట్లను కోల్పోయి కష్టాల్లో పడింది. ఈ దశలో వైభవ్ సూర్యవంశీ (67 బంతుల్లో 72), వికెట్ కీపర్ అభిగ్యాన్ కుందు (112 బంతుల్లో 80) అద్భుతమైన అర్ధశతకాలతో జట్టును ఆదుకున్నారు. వీరిద్దరి బాధ్యతాయుతమైన ఇన్నింగ్స్లతో భారత్ 48.4 ఓవర్లలో 238 పరుగులకు ఆలౌట్ అయింది. బంగ్లా బౌలర్లలో అల్ ఫహద్ 5 వికెట్లతో సత్తా చాటాడు.
