Donald Trump: నా డ్యాన్స్ అంటే నా భార్యకు అస్సలు నచ్చదు: ట్రంప్
- అది అధ్యక్షుడి హోదాకు తగదని మెలానియా చెప్పినట్లు వెల్లడి
- వెయిట్ లిఫ్టింగ్ హావభావాలనూ ఆమె వ్యతిరేకిస్తారని వ్యాఖ్య
- భార్యకు ఇష్టం లేకపోయినా ప్రసంగం చివర్లో డ్యాన్స్ చేసిన ట్రంప్
అమెరికా అధ్యక్షుడు డొనాల్డ్ ట్రంప్ తన రాజకీయ ప్రచార సభల్లో వేదికపై చేసే డ్యాన్స్ గురించి ఓ ఆసక్తికర విషయం వెల్లడించారు. తన డ్యాన్స్ అంటే తన అర్ధాంగి, ప్రథమ మహిళ మెలానియా ట్రంప్కు అస్సలు ఇష్టం ఉండదని ఆయన తెలిపారు. ఆయన చేసే కొన్ని హావభావాలు అధ్యక్షుడి హోదాకు తగినట్లుగా ఉండవని ఆమె అభిప్రాయపడినట్లు చెప్పారు.
మంగళవారం వాషింగ్టన్లో రిపబ్లికన్ పార్టీ చట్టసభ సభ్యులతో జరిగిన సమావేశంలో ట్రంప్ ఈ వ్యాఖ్యలు చేశారు. "నేను ఇలా డ్యాన్స్ చేయడం నా భార్యకు ఏమాత్రం నచ్చదు. ఆమె చాలా క్లాసీ పర్సన్. 'అది అధ్యక్షుడి హోదాకు తగదు' అని ఆమె అంటుంది. దానికి నేను, 'కానీ నేను దాంతోనే అధ్యక్షుడు అయ్యాను కదా' అని బదులిస్తాను" అని ట్రంప్ సరదాగా చెప్పారు.
సాధారణంగా తన ప్రసంగాల చివర్లో 'YMCA' పాట ప్లే అవుతుండగా ట్రంప్ తనదైన శైలిలో డ్యాన్స్ చేయడం అలవాటు. దీంతో పాటు మహిళల వెయిట్లిఫ్టింగ్ పోటీల్లో ట్రాన్స్జెండర్ల భాగస్వామ్యాన్ని వ్యతిరేకిస్తూ మాట్లాడేటప్పుడు, బరువులు ఎత్తినట్లుగా చేసే హావభావాలు కూడా మెలానియాకు నచ్చవని ఆయన తెలిపారు. "మాజీ అధ్యక్షుడు రూజ్వెల్ట్ డ్యాన్స్ చేయడాన్ని ఊహించగలరా?" అని మెలానియా తనను అడిగినట్లు ట్రంప్ వివరించారు.
ఈ సమావేశానికి మెలానియా హాజరు కాలేదు. అయితే, తన భార్యకు ఇష్టం లేదని చెప్పినప్పటికీ, ట్రంప్ తన ప్రసంగం చివర్లో మళ్లీ డ్యాన్స్ చేసి వేదిక నుంచి నిష్క్రమించడం గమనార్హం. ఈ వ్యాఖ్యలపై స్పందించాలని కోరగా మెలానియా ప్రెస్ సెక్రటరీ నుంచి ఎలాంటి సమాధానం రాలేదు.
మంగళవారం వాషింగ్టన్లో రిపబ్లికన్ పార్టీ చట్టసభ సభ్యులతో జరిగిన సమావేశంలో ట్రంప్ ఈ వ్యాఖ్యలు చేశారు. "నేను ఇలా డ్యాన్స్ చేయడం నా భార్యకు ఏమాత్రం నచ్చదు. ఆమె చాలా క్లాసీ పర్సన్. 'అది అధ్యక్షుడి హోదాకు తగదు' అని ఆమె అంటుంది. దానికి నేను, 'కానీ నేను దాంతోనే అధ్యక్షుడు అయ్యాను కదా' అని బదులిస్తాను" అని ట్రంప్ సరదాగా చెప్పారు.
సాధారణంగా తన ప్రసంగాల చివర్లో 'YMCA' పాట ప్లే అవుతుండగా ట్రంప్ తనదైన శైలిలో డ్యాన్స్ చేయడం అలవాటు. దీంతో పాటు మహిళల వెయిట్లిఫ్టింగ్ పోటీల్లో ట్రాన్స్జెండర్ల భాగస్వామ్యాన్ని వ్యతిరేకిస్తూ మాట్లాడేటప్పుడు, బరువులు ఎత్తినట్లుగా చేసే హావభావాలు కూడా మెలానియాకు నచ్చవని ఆయన తెలిపారు. "మాజీ అధ్యక్షుడు రూజ్వెల్ట్ డ్యాన్స్ చేయడాన్ని ఊహించగలరా?" అని మెలానియా తనను అడిగినట్లు ట్రంప్ వివరించారు.
ఈ సమావేశానికి మెలానియా హాజరు కాలేదు. అయితే, తన భార్యకు ఇష్టం లేదని చెప్పినప్పటికీ, ట్రంప్ తన ప్రసంగం చివర్లో మళ్లీ డ్యాన్స్ చేసి వేదిక నుంచి నిష్క్రమించడం గమనార్హం. ఈ వ్యాఖ్యలపై స్పందించాలని కోరగా మెలానియా ప్రెస్ సెక్రటరీ నుంచి ఎలాంటి సమాధానం రాలేదు.
