UPI Transactions: డిసెంబర్లో సరికొత్త రికార్డు సృష్టించిన యూపీఐ లావాదేవీలు
- డిసెంబర్ నెలలో 21.63 బిలియన్ యూపీఐ లావాదేవీల నమోదు
- గత ఏడాదితో పోలిస్తే లావాదేవీల సంఖ్యలో 29 శాతం వృద్ధి
- డిసెంబర్లో రూ.27.97 లక్షల కోట్ల విలువైన యూపీఐ పేమెంట్స్
- పెరుగుతున్న చిన్న మొత్తాల చెల్లింపులు, క్యూఆర్ కోడ్ వినియోగం
దేశంలో డిజిటల్ చెల్లింపుల హవా అంతకంతకూ పెరుగుతోంది. ముఖ్యంగా యూనిఫైడ్ పేమెంట్స్ ఇంటర్ఫేస్ (యూపీఐ) వినియోగంలో భారత్ సరికొత్త రికార్డులను సృష్టిస్తోంది. తాజాగా నేషనల్ పేమెంట్స్ కార్పొరేషన్ ఆఫ్ ఇండియా (ఎన్పీసీఐ) విడుదల చేసిన గణాంకాల ప్రకారం.. డిసెంబర్ నెలలో యూపీఐ లావాదేవీలు భారీగా పెరిగాయి. ఒక్క డిసెంబర్లోనే ఏకంగా 21.63 బిలియన్ లావాదేవీలు జరగగా, వాటి విలువ రూ.27.97 లక్షల కోట్లుగా నమోదైంది. అంతకుముందు ఏడాదితో పోలిస్తే లావాదేవీల సంఖ్య 29 శాతం, విలువ పరంగా 20 శాతం వృద్ధి సాధించడం విశేషం.
నవంబర్ నెలతో పోల్చినా డిసెంబర్లో వృద్ధి స్పష్టంగా కనిపిస్తోంది. డిసెంబర్లో రోజువారీ సగటు లావాదేవీల విలువ రూ.90,217 కోట్లుగా ఉండగా, సంఖ్య పరంగా చూస్తే రోజుకు సగటున 698 మిలియన్ లావాదేవీలు జరిగాయి. మరోవైపు ఇన్స్టంట్ మనీ ట్రాన్స్ఫర్ (ఐఎంపీఎస్) లావాదేవీలు కూడా పెరిగాయి. డిసెంబర్లో రూ.6.62 లక్షల కోట్ల విలువైన ఐఎంపీఎస్ లావాదేవీలు జరిగాయి.
దేశవ్యాప్తంగా పెరిగిన క్యూఆర్ కోడ్ వినియోగం
ఇక, క్యూఆర్ కోడ్ వినియోగం దేశవ్యాప్తంగా విస్తృతంగా పెరిగింది. వరల్డ్ లైన్ ఇండియా రిపోర్ట్ ప్రకారం.. దేశంలో 709 మిలియన్ల యాక్టివ్ యూపీఐ క్యూఆర్ కోడ్స్ ఉన్నాయి. కిరాణా షాపులు, మందుల దుకాణాలు, రవాణా కేంద్రాలు, గ్రామీణ ప్రాంతాల్లో స్కాన్ అండ్ పే విధానం సర్వసాధారణమైపోయింది. వ్యక్తుల మధ్య జరిగే లావాదేవీల (P2P) కంటే, వ్యక్తులు దుకాణాలకు చెల్లించే (P2M) లావాదేవీలే ఎక్కువగా జరుగుతున్నాయి. సగటు లావాదేవీ పరిమాణం (టికెట్ సైజ్) రూ.1,363 నుంచి రూ.1,262కు తగ్గడం వల్ల చిన్న చిన్న అవసరాలకు కూడా జనం యూపీఐనే వాడుతున్నారని స్పష్టమవుతోంది. భారత్ డిజిటల్ పవర్ హౌస్గా మారడంలో ఈ గణాంకాలు కీలక పాత్ర పోషిస్తున్నాయి.
నవంబర్ నెలతో పోల్చినా డిసెంబర్లో వృద్ధి స్పష్టంగా కనిపిస్తోంది. డిసెంబర్లో రోజువారీ సగటు లావాదేవీల విలువ రూ.90,217 కోట్లుగా ఉండగా, సంఖ్య పరంగా చూస్తే రోజుకు సగటున 698 మిలియన్ లావాదేవీలు జరిగాయి. మరోవైపు ఇన్స్టంట్ మనీ ట్రాన్స్ఫర్ (ఐఎంపీఎస్) లావాదేవీలు కూడా పెరిగాయి. డిసెంబర్లో రూ.6.62 లక్షల కోట్ల విలువైన ఐఎంపీఎస్ లావాదేవీలు జరిగాయి.
దేశవ్యాప్తంగా పెరిగిన క్యూఆర్ కోడ్ వినియోగం
ఇక, క్యూఆర్ కోడ్ వినియోగం దేశవ్యాప్తంగా విస్తృతంగా పెరిగింది. వరల్డ్ లైన్ ఇండియా రిపోర్ట్ ప్రకారం.. దేశంలో 709 మిలియన్ల యాక్టివ్ యూపీఐ క్యూఆర్ కోడ్స్ ఉన్నాయి. కిరాణా షాపులు, మందుల దుకాణాలు, రవాణా కేంద్రాలు, గ్రామీణ ప్రాంతాల్లో స్కాన్ అండ్ పే విధానం సర్వసాధారణమైపోయింది. వ్యక్తుల మధ్య జరిగే లావాదేవీల (P2P) కంటే, వ్యక్తులు దుకాణాలకు చెల్లించే (P2M) లావాదేవీలే ఎక్కువగా జరుగుతున్నాయి. సగటు లావాదేవీ పరిమాణం (టికెట్ సైజ్) రూ.1,363 నుంచి రూ.1,262కు తగ్గడం వల్ల చిన్న చిన్న అవసరాలకు కూడా జనం యూపీఐనే వాడుతున్నారని స్పష్టమవుతోంది. భారత్ డిజిటల్ పవర్ హౌస్గా మారడంలో ఈ గణాంకాలు కీలక పాత్ర పోషిస్తున్నాయి.
