Riddhi Kumar: ప్రభాస్ 'రాజా సాబ్' చిత్రంలో 'అనిత'గా రిద్ధి కుమార్... లుక్ ఇదిగో!
- ప్రభాస్, మారుతి కాంబోలో 'ది రాజా సాబ్'
- రిద్ధి కుమార్ లుక్ విడుదల చేసిన మేకర్స్
- "సహజంగానే మిమ్మల్ని ఆకర్షించే వ్యక్తిత్వం ఆమెది" అంటూ క్యాప్షన్
- జనవరి 9న థియేటర్లలో సందడి చేయనున్న 'రాజా సాబ్'
పాన్ ఇండియా స్టార్ ప్రభాస్ హీరోగా, ప్రముఖ దర్శకుడు మారుతి తెరకెక్కిస్తున్న హారర్ థ్రిల్లర్ చిత్రం 'ది రాజా సాబ్' నుంచి మరో ఆసక్తికరమైన అప్డేట్ వచ్చింది. ఈ చిత్రంలో కీలక పాత్ర పోషిస్తున్న నటి రిద్ధి కుమార్ ఫస్ట్ లుక్ పోస్టర్ను చిత్ర బృందం బుధవారం విడుదల చేసింది. ఈ సినిమాలో ఆమె 'అనిత' అనే పాత్రలో కనిపించనున్నట్లు మేకర్స్ వెల్లడించారు.
చిత్ర నిర్మాణ సంస్థ పీపుల్ మీడియా ఫ్యాక్టరీ సోషల్ మీడియా వేదికగా ఈ పోస్టర్ను పంచుకుంటూ.. "ది రాజా సాబ్ ప్రపంచం నుంచి అనితను కలవండి. సహజంగానే మిమ్మల్ని ఆకర్షించే వ్యక్తిత్వం ఆమెది" అంటూ ఆసక్తికరమైన క్యాప్షన్ జోడించింది.
ఇప్పటికే ఈ సినిమా నుంచి విడుదలైన ట్రైలర్ ప్రేక్షకులలో భారీ అంచనాలను రేకెత్తించింది. హారర్ అంశాలకు మారుతి మార్క్ కామెడీ తోడవ్వడంతో సినిమాపై ఆసక్తి పెరిగింది. ముఖ్యంగా ప్రభాస్ హిప్నోటైజ్ అయ్యే సన్నివేశాలు, వీటీవీ గణేశ్ తో సాగే సంభాషణలు నవ్వులు పూయిస్తాయని ట్రైలర్ ద్వారా స్పష్టమైంది.
మరోవైపు ఈ చిత్రంలో సంజయ్ దత్ ఒక ఎక్సార్సిస్ట్గా, హిప్నోటిస్ట్గా కనిపించనున్నారు. ఇక ప్రభాస్ డెమన్ (దెయ్యం) గెటప్లో సిగార్ తాగుతూ, తలక్రిందులుగా కూర్చున్న షాట్ అభిమానులను విశేషంగా ఆకట్టుకుంది. ప్రభాస్ కెరీర్లోనే ఇది తొలి పూర్తి స్థాయి హారర్ ఎంటర్టైనర్ కావడం విశేషం. ఈ చిత్రంలో మాళవిక మోహనన్, నిధి అగర్వాల్, రిద్ధి కుమార్ హీరోయిన్లుగా నటిస్తున్నారు. తమన్ సంగీతం, కార్తీక్ పళని సినిమాటోగ్రఫీ అందిస్తున్న ఈ చిత్రం 2026 జనవరి 9న థియేటర్లలో సందడి చేయనుంది.
చిత్ర నిర్మాణ సంస్థ పీపుల్ మీడియా ఫ్యాక్టరీ సోషల్ మీడియా వేదికగా ఈ పోస్టర్ను పంచుకుంటూ.. "ది రాజా సాబ్ ప్రపంచం నుంచి అనితను కలవండి. సహజంగానే మిమ్మల్ని ఆకర్షించే వ్యక్తిత్వం ఆమెది" అంటూ ఆసక్తికరమైన క్యాప్షన్ జోడించింది.
ఇప్పటికే ఈ సినిమా నుంచి విడుదలైన ట్రైలర్ ప్రేక్షకులలో భారీ అంచనాలను రేకెత్తించింది. హారర్ అంశాలకు మారుతి మార్క్ కామెడీ తోడవ్వడంతో సినిమాపై ఆసక్తి పెరిగింది. ముఖ్యంగా ప్రభాస్ హిప్నోటైజ్ అయ్యే సన్నివేశాలు, వీటీవీ గణేశ్ తో సాగే సంభాషణలు నవ్వులు పూయిస్తాయని ట్రైలర్ ద్వారా స్పష్టమైంది.
మరోవైపు ఈ చిత్రంలో సంజయ్ దత్ ఒక ఎక్సార్సిస్ట్గా, హిప్నోటిస్ట్గా కనిపించనున్నారు. ఇక ప్రభాస్ డెమన్ (దెయ్యం) గెటప్లో సిగార్ తాగుతూ, తలక్రిందులుగా కూర్చున్న షాట్ అభిమానులను విశేషంగా ఆకట్టుకుంది. ప్రభాస్ కెరీర్లోనే ఇది తొలి పూర్తి స్థాయి హారర్ ఎంటర్టైనర్ కావడం విశేషం. ఈ చిత్రంలో మాళవిక మోహనన్, నిధి అగర్వాల్, రిద్ధి కుమార్ హీరోయిన్లుగా నటిస్తున్నారు. తమన్ సంగీతం, కార్తీక్ పళని సినిమాటోగ్రఫీ అందిస్తున్న ఈ చిత్రం 2026 జనవరి 9న థియేటర్లలో సందడి చేయనుంది.
