Sydney Bondi Beach Shooting: తండ్రి పండ్ల వ్యాపారి.. కొడుకు నిరుద్యోగి.. చేపల వేటకు వెళుతున్నామని చెప్పి, 15 మందిని చంపేశారు!
- బాండీబీచ్ కాల్పులకు పాల్పడింది తండ్రీకొడుకులేనని నిర్ధారణ
- హనుక్కా వేడుకలే లక్ష్యంగా దాడి
- దూరశ్రేణి తుపాకులతో కాల్పులు
ఆస్ట్రేలియాలోని సిడ్నీ బాండీ బీచ్ కాల్పుల ఘటనకు సంబంధించి సంచలన విషయాలు వెలుగులోకి వస్తున్నాయి. నిందితులను పోలీసులు తండ్రీకొడుకులుగా గుర్తించారు. యూదుల హనుక్కా వేడుకలే లక్ష్యంగా జరిగిన ఈ దాడిలో 15 మంది మరణించగా, 42 మంది గాయపడ్డారు. నిందితులను 50 ఏళ్ల సాజిద్ అక్రమ్, అతని 24 ఏళ్ల కొడుకు నవీద్ అక్రమ్గా పోలీసులు ప్రకటించారు.
తండ్రీకొడుకులైన నిందితుల్లో తండ్రి సాజిద్ పండ్ల వ్యాపారి కాగా, కుమారుడు నవీద్ నిరుద్యోగి. ఘటనా స్థలంలో పోలీసులతో జరిగిన ఎదురుకాల్పుల్లో సాజిద్ అక్కడికక్కడే మరణించగా, నవీద్ తీవ్ర గాయాలతో పట్టుబడ్డాడు. ప్రస్తుతం ఆసుపత్రిలో చికిత్స పొందుతున్నాడు. అతని పరిస్థితి విషమంగానే ఉన్నా, నిలకడగా ఉందని వైద్యులు తెలిపారు. వీరిద్దరూ "లాంగ్ ఆర్మ్స్" (దూర శ్రేణి తుపాకులు)తో దాడికి పాల్పడినట్లు పోలీసులు వెల్లడించారు.
ఈ దాడికి ముందు, తాము చేపల వేటకు సౌత్ కోస్ట్కు వెళ్తున్నామని నిందితులు తమ కుటుంబ సభ్యులకు చెప్పినట్లు సమాచారం. అయితే, తన కొడుకు ఇలాంటి దారుణానికి పాల్పడ్డాడంటే నమ్మలేకపోతున్నానని నవీద్ తల్లి వెరీనా కన్నీటిపర్యంతమయ్యారు. "మా వాడు చాలా మంచివాడు. అతడికి ఎలాంటి చెడు అలవాట్లు లేవు. పనికి వెళ్లడం, ఇంటికి రావడం, వ్యాయామం చేయడం తప్ప మరో ప్రపంచం తెలియదు" అని ఆమె ఆవేదన వ్యక్తం చేశారు.
నిరుద్యోగి అయిన నవీద్, రెండు నెలల క్రితమే తన ఉద్యోగాన్ని కోల్పోయి మరో పని కోసం వెతుకుతున్నాడని కుటుంబ సభ్యులు తెలిపారు. ఈ దాడిలో మరణించిన వారిలో 10 ఏళ్ల బాలిక నుంచి 87 ఏళ్ల వృద్ధుడి వరకు ఉండటం తీవ్ర విషాదాన్ని నింపింది. ఈ ఘటనతో సిడ్నీ నగరం ఒక్కసారిగా ఉలిక్కిపడింది.
తండ్రీకొడుకులైన నిందితుల్లో తండ్రి సాజిద్ పండ్ల వ్యాపారి కాగా, కుమారుడు నవీద్ నిరుద్యోగి. ఘటనా స్థలంలో పోలీసులతో జరిగిన ఎదురుకాల్పుల్లో సాజిద్ అక్కడికక్కడే మరణించగా, నవీద్ తీవ్ర గాయాలతో పట్టుబడ్డాడు. ప్రస్తుతం ఆసుపత్రిలో చికిత్స పొందుతున్నాడు. అతని పరిస్థితి విషమంగానే ఉన్నా, నిలకడగా ఉందని వైద్యులు తెలిపారు. వీరిద్దరూ "లాంగ్ ఆర్మ్స్" (దూర శ్రేణి తుపాకులు)తో దాడికి పాల్పడినట్లు పోలీసులు వెల్లడించారు.
ఈ దాడికి ముందు, తాము చేపల వేటకు సౌత్ కోస్ట్కు వెళ్తున్నామని నిందితులు తమ కుటుంబ సభ్యులకు చెప్పినట్లు సమాచారం. అయితే, తన కొడుకు ఇలాంటి దారుణానికి పాల్పడ్డాడంటే నమ్మలేకపోతున్నానని నవీద్ తల్లి వెరీనా కన్నీటిపర్యంతమయ్యారు. "మా వాడు చాలా మంచివాడు. అతడికి ఎలాంటి చెడు అలవాట్లు లేవు. పనికి వెళ్లడం, ఇంటికి రావడం, వ్యాయామం చేయడం తప్ప మరో ప్రపంచం తెలియదు" అని ఆమె ఆవేదన వ్యక్తం చేశారు.
నిరుద్యోగి అయిన నవీద్, రెండు నెలల క్రితమే తన ఉద్యోగాన్ని కోల్పోయి మరో పని కోసం వెతుకుతున్నాడని కుటుంబ సభ్యులు తెలిపారు. ఈ దాడిలో మరణించిన వారిలో 10 ఏళ్ల బాలిక నుంచి 87 ఏళ్ల వృద్ధుడి వరకు ఉండటం తీవ్ర విషాదాన్ని నింపింది. ఈ ఘటనతో సిడ్నీ నగరం ఒక్కసారిగా ఉలిక్కిపడింది.
