Salman Khan: నా ఏడుపు చూసి ప్రేక్షకులు నవ్వుతారు: సల్మాన్ ఖాన్
- తాను గొప్ప నటుడిని కాదన్న సల్మాన్ ఖాన్
- తన ఏడుపు చూస్తే ప్రేక్షకులు నవ్వుతారంటూ వ్యాఖ్య
- సల్మాన్ వ్యాఖ్యలతో విభేదించిన అభిమానులు
- 25 ఏళ్లుగా బయట భోజనం చేయలేదన్న బాలీవుడ్ స్టార్
బాలీవుడ్ సూపర్స్టార్ సల్మాన్ ఖాన్ తన నటనపై ఆసక్తికరమైన వ్యాఖ్యలు చేశారు. తాను గొప్ప నటుడిని కాదని, తనకు తోచిన విధంగా నటిస్తానని అన్నారు. సౌదీ అరేబియాలోని జెడ్డాలో జరుగుతున్న 'రెడ్ సీ ఇంటర్నేషనల్ ఫిల్మ్ ఫెస్టివల్ 2025' వేదికగా ఆయన ఈ వ్యాఖ్యలు చేశారు.
ముఖ్యంగా భావోద్వేగ సన్నివేశాల్లో తాను ఏడిస్తే, ప్రేక్షకులు నవ్వుతారని సల్మాన్ చమత్కరించారు. "నాకు నటన అంతగా రాదు. కొన్నిసార్లు నేను ఏడుస్తుంటే, మీరు నన్ను చూసి నవ్వుతారని అనిపిస్తుంది" అని ఆయన అన్నారు. అయితే, సల్మాన్ మాటలతో అక్కడున్న ప్రేక్షకులు ఏకీభవించలేదు. "లేదు, మీరు ఏడిస్తే మేమూ ఏడుస్తాం" అంటూ వెంటనే స్పందించారు. ఓ అభిమాని మాట్లాడుతూ.. తెరపై మీరు భావోద్వేగానికి గురైతే, మేం కూడా ఎమోషనల్ అవుతామని చెప్పారు.
ఈ వ్యాఖ్యలు సోషల్ మీడియాలో వైరల్ కావడంతో సల్మాన్ అభిమానులు భారీగా స్పందిస్తున్నారు. 'బజరంగీ భాయిజాన్' వంటి చిత్రాల్లో సల్మాన్ నటన అద్భుతమని, ఆయన గొప్ప నటుడని కామెంట్లు పెడుతున్నారు. తనపై తాను చేసుకున్న విమర్శలను అభిమానులు తిప్పికొడుతున్నారు.
ఇదే కార్యక్రమంలో తన వ్యక్తిగత జీవితం గురించి కూడా సల్మాన్ పంచుకున్నారు. గడిచిన 25 ఏళ్లుగా తాను బయట డిన్నర్ చేయలేదని తెలిపారు. ఇల్లు, షూటింగ్ స్పాట్, ఎయిర్పోర్ట్లతోనే తన ప్రపంచం పరిమితమైందని చెప్పారు. తన స్నేహితుల గురించి మాట్లాడుతూ, కొందరు మిత్రులను కోల్పోయానని, ఇప్పుడు కేవలం నలుగురు మాత్రమే ఉన్నారని భావోద్వేగానికి గురయ్యారు.
ఇక సినిమాల విషయానికొస్తే, ఈ ఏడాది 'సికందర్' చిత్రంతో ప్రేక్షకులను పలకరించిన సల్మాన్, ప్రస్తుతం 'బ్యాటిల్ ఆఫ్ గల్వాన్' అనే సినిమాలో నటిస్తున్నారు. 2020లో గల్వాన్ లోయలో భారత్-చైనా సైనికుల మధ్య జరిగిన ఘర్షణల నేపథ్యంలో ఈ సినిమా తెరకెక్కుతోంది.
ముఖ్యంగా భావోద్వేగ సన్నివేశాల్లో తాను ఏడిస్తే, ప్రేక్షకులు నవ్వుతారని సల్మాన్ చమత్కరించారు. "నాకు నటన అంతగా రాదు. కొన్నిసార్లు నేను ఏడుస్తుంటే, మీరు నన్ను చూసి నవ్వుతారని అనిపిస్తుంది" అని ఆయన అన్నారు. అయితే, సల్మాన్ మాటలతో అక్కడున్న ప్రేక్షకులు ఏకీభవించలేదు. "లేదు, మీరు ఏడిస్తే మేమూ ఏడుస్తాం" అంటూ వెంటనే స్పందించారు. ఓ అభిమాని మాట్లాడుతూ.. తెరపై మీరు భావోద్వేగానికి గురైతే, మేం కూడా ఎమోషనల్ అవుతామని చెప్పారు.
ఈ వ్యాఖ్యలు సోషల్ మీడియాలో వైరల్ కావడంతో సల్మాన్ అభిమానులు భారీగా స్పందిస్తున్నారు. 'బజరంగీ భాయిజాన్' వంటి చిత్రాల్లో సల్మాన్ నటన అద్భుతమని, ఆయన గొప్ప నటుడని కామెంట్లు పెడుతున్నారు. తనపై తాను చేసుకున్న విమర్శలను అభిమానులు తిప్పికొడుతున్నారు.
ఇదే కార్యక్రమంలో తన వ్యక్తిగత జీవితం గురించి కూడా సల్మాన్ పంచుకున్నారు. గడిచిన 25 ఏళ్లుగా తాను బయట డిన్నర్ చేయలేదని తెలిపారు. ఇల్లు, షూటింగ్ స్పాట్, ఎయిర్పోర్ట్లతోనే తన ప్రపంచం పరిమితమైందని చెప్పారు. తన స్నేహితుల గురించి మాట్లాడుతూ, కొందరు మిత్రులను కోల్పోయానని, ఇప్పుడు కేవలం నలుగురు మాత్రమే ఉన్నారని భావోద్వేగానికి గురయ్యారు.
ఇక సినిమాల విషయానికొస్తే, ఈ ఏడాది 'సికందర్' చిత్రంతో ప్రేక్షకులను పలకరించిన సల్మాన్, ప్రస్తుతం 'బ్యాటిల్ ఆఫ్ గల్వాన్' అనే సినిమాలో నటిస్తున్నారు. 2020లో గల్వాన్ లోయలో భారత్-చైనా సైనికుల మధ్య జరిగిన ఘర్షణల నేపథ్యంలో ఈ సినిమా తెరకెక్కుతోంది.
