Dithwa Cyclone: దిత్వా తుపాను ఎఫెక్ట్.. తమిళనాడుకు విమానాల రద్దు.. విద్యా సంస్థలకు సెలవులు
- బంగాళాఖాతంలో తీవ్రరూపం దాల్చిన 'దిత్వా' తుపాను
- తమిళనాడు-పుదుచ్చేరి తీరం వైపు వేగంగా కదులుతున్న వైనం
- ముందు జాగ్రత్త చర్యలు చేపట్టిన తమిళనాడు ప్రభుత్వం
బంగాళాఖాతంలో ఏర్పడిన 'దిత్వా' తుపాను తీవ్రరూపం దాల్చి దక్షిణ భారత తీరంవైపు దూసుకొస్తోంది. దీని ప్రభావంతో తమిళనాడు, పుదుచ్చేరి రాష్ట్రాలు ఇప్పటికే అతలాకుతలమవుతున్నాయి. తీరం దాటకముందే తుపాను తన ప్రతాపాన్ని చూపిస్తుండటంతో, అధికారులు అప్రమత్తమై ముందుజాగ్రత్త చర్యలు చేపట్టారు. చెన్నై సహా పలు ప్రభావిత జిల్లాల్లో పాఠశాలలు, కళాశాలలకు సెలవులు ప్రకటించగా, అనేక విమాన సర్వీసులను రద్దు చేశారు.
భారత వాతావరణ శాఖ (ఐఎండీ) వెల్లడించిన తాజా సమాచారం ప్రకారం 'దిత్వా' తుపాను వాయవ్య దిశగా గంటకు 7 కిలోమీటర్ల వేగంతో కదులుతూ, ఉత్తర తమిళనాడు-పుదుచ్చేరి తీరానికి సమీపంలో కేంద్రీకృతమై ఉంది. ఇది రేపు ఉదయానికి తీరం దాటే అవకాశం ఉందని అంచనా వేస్తున్నారు. దీని కారణంగా తమిళనాడులోని కడలూరు, విల్లుపురం, చెంగల్పట్టు జిల్లాలతో పాటు పుదుచ్చేరికి రెడ్ అలర్ట్ జారీ చేశారు. సముద్రం అల్లకల్లోలంగా మారడంతో మత్స్యకారులు వేటకు వెళ్లరాదని తీవ్ర హెచ్చరికలు జారీ చేశారు.
ఆంధ్రప్రదేశ్పై తీవ్ర ప్రభావం
ఈ తుపాను ప్రభావం ఆంధ్రప్రదేశ్పైనా తీవ్రంగా ఉండనుంది. రాబోయే 48 గంటల పాటు దక్షిణ కోస్తాంధ్ర, రాయలసీమ ప్రాంతాల్లో భారీ నుంచి అతి భారీ వర్షాలు కురుస్తాయని వాతావరణ శాఖ హెచ్చరించింది. ముఖ్యంగా రేపు నెల్లూరు, ప్రకాశం, తిరుపతి, చిత్తూరు జిల్లాల్లో అక్కడక్కడా కుండపోత వర్షాలు (20 సెం.మీ. కంటే ఎక్కువ) పడే ప్రమాదం ఉందని తెలిపింది. గంటకు 50-60 కిలోమీటర్ల వేగంతో బలమైన ఈదురుగాలులు వీస్తాయని, లోతట్టు ప్రాంతాలు జలమయమయ్యే అవకాశం ఉందని అధికారులు ప్రజలను అప్రమత్తం చేశారు.
తుపాను హెచ్చరికల నేపథ్యంలో ఏపీ ప్రభుత్వం సహాయక చర్యలకు సిద్ధమైంది. ఎన్డీఆర్ఎఫ్, ఎస్డీఆర్ఎఫ్ బృందాలను సమాయత్తం చేసి, ప్రభావిత జిల్లాల కలెక్టర్లకు తగిన సూచనలు జారీ చేసింది. తెలంగాణ, కర్ణాటక, కేరళ రాష్ట్రాల్లోనూ పలుచోట్ల ఉరుములు, మెరుపులతో కూడిన వర్షాలు కురిసే అవకాశం ఉందని ఐఎండీ పేర్కొంది. యెమెన్ దేశం సూచించిన ఈ తుపానుకు 'దిత్వా' అని నామకరణం చేశారు. సోకోత్రా ద్వీపంలోని ప్రసిద్ధ 'డెత్వా లగూన్' పేరు మీదుగా ఈ పేరు వచ్చింది.
భారత వాతావరణ శాఖ (ఐఎండీ) వెల్లడించిన తాజా సమాచారం ప్రకారం 'దిత్వా' తుపాను వాయవ్య దిశగా గంటకు 7 కిలోమీటర్ల వేగంతో కదులుతూ, ఉత్తర తమిళనాడు-పుదుచ్చేరి తీరానికి సమీపంలో కేంద్రీకృతమై ఉంది. ఇది రేపు ఉదయానికి తీరం దాటే అవకాశం ఉందని అంచనా వేస్తున్నారు. దీని కారణంగా తమిళనాడులోని కడలూరు, విల్లుపురం, చెంగల్పట్టు జిల్లాలతో పాటు పుదుచ్చేరికి రెడ్ అలర్ట్ జారీ చేశారు. సముద్రం అల్లకల్లోలంగా మారడంతో మత్స్యకారులు వేటకు వెళ్లరాదని తీవ్ర హెచ్చరికలు జారీ చేశారు.
ఆంధ్రప్రదేశ్పై తీవ్ర ప్రభావం
ఈ తుపాను ప్రభావం ఆంధ్రప్రదేశ్పైనా తీవ్రంగా ఉండనుంది. రాబోయే 48 గంటల పాటు దక్షిణ కోస్తాంధ్ర, రాయలసీమ ప్రాంతాల్లో భారీ నుంచి అతి భారీ వర్షాలు కురుస్తాయని వాతావరణ శాఖ హెచ్చరించింది. ముఖ్యంగా రేపు నెల్లూరు, ప్రకాశం, తిరుపతి, చిత్తూరు జిల్లాల్లో అక్కడక్కడా కుండపోత వర్షాలు (20 సెం.మీ. కంటే ఎక్కువ) పడే ప్రమాదం ఉందని తెలిపింది. గంటకు 50-60 కిలోమీటర్ల వేగంతో బలమైన ఈదురుగాలులు వీస్తాయని, లోతట్టు ప్రాంతాలు జలమయమయ్యే అవకాశం ఉందని అధికారులు ప్రజలను అప్రమత్తం చేశారు.
తుపాను హెచ్చరికల నేపథ్యంలో ఏపీ ప్రభుత్వం సహాయక చర్యలకు సిద్ధమైంది. ఎన్డీఆర్ఎఫ్, ఎస్డీఆర్ఎఫ్ బృందాలను సమాయత్తం చేసి, ప్రభావిత జిల్లాల కలెక్టర్లకు తగిన సూచనలు జారీ చేసింది. తెలంగాణ, కర్ణాటక, కేరళ రాష్ట్రాల్లోనూ పలుచోట్ల ఉరుములు, మెరుపులతో కూడిన వర్షాలు కురిసే అవకాశం ఉందని ఐఎండీ పేర్కొంది. యెమెన్ దేశం సూచించిన ఈ తుపానుకు 'దిత్వా' అని నామకరణం చేశారు. సోకోత్రా ద్వీపంలోని ప్రసిద్ధ 'డెత్వా లగూన్' పేరు మీదుగా ఈ పేరు వచ్చింది.
