Peddapalli: పెద్దపల్లి జిల్లాలో.. ఇసుక అక్రమ రవాణా కోసం చెక్ డ్యామ్ నే కూల్చేశారు
పెద్దపల్లి జిల్లాలో ఇసుక మాఫియా బరితెగించింది. అక్రమ రవాణాకు అడ్డుగా ఉందని భావించి, ఏకంగా ఓ చెక్ డ్యామ్నే కూల్చివేసింది. ఓదెల మండలం గుంపుల గ్రామం వద్ద మానేరు వాగుపై ఇటీవలే నిర్మించిన ఈ చెక్ డ్యామ్ను గుర్తుతెలియని దుండగులు ధ్వంసం చేశారు. ఈ ఘటన నిన్న రాత్రి జరిగి ఉండవచ్చని అధికారులు భావిస్తున్నారు.
విషయం తెలుసుకున్న నీటిపారుదల శాఖ అధికారులు ఈ ఉదయం ఘటనాస్థలికి చేరుకుని పరిస్థితిని సమీక్షించారు. దుండగుల దాడిలో చెక్ డ్యామ్కు చెందిన మూడు ప్యానళ్లు పూర్తిగా దెబ్బతిన్నాయని గుర్తించారు. దీంతో డ్యామ్లో నిల్వ ఉన్న నీరంతా వృథాగా దిగువకు ప్రవహిస్తోంది.
వాగు నుంచి ఇసుకను అక్రమంగా తరలించేందుకే దుండగులు ఈ దుశ్చర్యకు పాల్పడి ఉంటారని అధికారులు ప్రాథమికంగా అనుమానిస్తున్నారు. ప్రభుత్వం ఇటీవలే రూ.23 కోట్లకు పైగా వ్యయంతో ఈ చెక్ డ్యామ్ను నిర్మించింది. రైతుల ప్రయోజనాల కోసం నిర్మించిన ప్రభుత్వ ఆస్తిని కొందరు స్వార్థం కోసం ధ్వంసం చేయడంపై స్థానికంగా తీవ్ర ఆగ్రహం వ్యక్తమవుతోంది. ఘటనపై అధికారులు విచారణ చేపట్టారు.
విషయం తెలుసుకున్న నీటిపారుదల శాఖ అధికారులు ఈ ఉదయం ఘటనాస్థలికి చేరుకుని పరిస్థితిని సమీక్షించారు. దుండగుల దాడిలో చెక్ డ్యామ్కు చెందిన మూడు ప్యానళ్లు పూర్తిగా దెబ్బతిన్నాయని గుర్తించారు. దీంతో డ్యామ్లో నిల్వ ఉన్న నీరంతా వృథాగా దిగువకు ప్రవహిస్తోంది.
వాగు నుంచి ఇసుకను అక్రమంగా తరలించేందుకే దుండగులు ఈ దుశ్చర్యకు పాల్పడి ఉంటారని అధికారులు ప్రాథమికంగా అనుమానిస్తున్నారు. ప్రభుత్వం ఇటీవలే రూ.23 కోట్లకు పైగా వ్యయంతో ఈ చెక్ డ్యామ్ను నిర్మించింది. రైతుల ప్రయోజనాల కోసం నిర్మించిన ప్రభుత్వ ఆస్తిని కొందరు స్వార్థం కోసం ధ్వంసం చేయడంపై స్థానికంగా తీవ్ర ఆగ్రహం వ్యక్తమవుతోంది. ఘటనపై అధికారులు విచారణ చేపట్టారు.
