China: ఆయుధాలు పరీక్షించి, అమ్మకాలకు యత్నం... భారత్-పాక్ యుద్ధాన్ని అవకాశంగా వాడుకున్న చైనా!
- తమ ఆయుధాలను పరీక్షించి, సామర్థ్యాన్ని ప్రచారం చేసుకున్న చైనా
- పాకిస్థాన్కు J-35 యుద్ధ విమానాల అమ్మకానికి ప్రతిపాదన
- రఫేల్ జెట్లకు వ్యతిరేకంగా తప్పుడు ప్రచారం
- అమెరికా నివేదికలో సంచలన విషయాలు
భారత్, పాకిస్థాన్ మధ్య గత మే నెలలో జరిగిన సైనిక ఘర్షణను చైనా తనకు అనుకూలంగా వాడుకుందని అమెరికాకు చెందిన ఓ ద్వైపాక్షిక కమిషన్ సంచలన నివేదిక వెల్లడించింది. తన రక్షణ సామర్థ్యాలను వాస్తవ పరిస్థితుల్లో పరీక్షించుకోవడానికి, ఆయుధాల అమ్మకాలను ప్రోత్సహించుకోవడానికి ఈ సంక్షోభాన్ని చైనా ఒక అవకాశంగా చూసిందని ఆరోపించింది.
అమెరికా-చైనా ఆర్థిక, భద్రతా సమీక్ష కమిషన్ విడుదల చేసిన వార్షిక నివేదిక ప్రకారం... ఈ ఘర్షణను చైనా తన ఆయుధాల సామర్థ్యాన్ని ప్రపంచానికి ప్రచారం చేసుకోవడానికి ఉపయోగించుకుంది. HQ-9 వాయు రక్షణ వ్యవస్థ, PL-15 గగనతల క్షిపణులు, J-10 యుద్ధ విమానాలు వంటి ఆధునిక ఆయుధాలను చైనా ఈ ఘర్షణలోనే తొలిసారిగా వాస్తవ పోరాటంలో పరీక్షించిందని నివేదిక పేర్కొంది. ఇది చైనాకు ఒక "రియల్-వరల్డ్ ఫీల్డ్ ఎక్స్పెరిమెంట్"గా ఉపయోగపడిందని తెలిపింది.
ఈ ఘర్షణ ముగిసిన తర్వాత, జూన్లో పాకిస్థాన్కు 40 J-35 ఐదో తరం యుద్ధ విమానాలు, KJ-500 ఎయిర్క్రాఫ్ట్లు, బాలిస్టిక్ క్షిపణి రక్షణ వ్యవస్థలను విక్రయించడానికి చైనా ముందుకొచ్చినట్లు తెలిపింది. వివిధ దేశాల్లోని చైనా రాయబార కార్యాలయాలు కూడా భారత్-పాక్ ఘర్షణలో తమ ఆయుధాల 'విజయం' గురించి గొప్పగా ప్రచారం చేసుకుని, అమ్మకాలు పెంచుకునే ప్రయత్నం చేశాయని ఆరోపించింది.
ఇదే సమయంలో ఫ్రాన్స్కు చెందిన రఫేల్ యుద్ధ విమానాల ప్రతిష్టను దెబ్బతీసేందుకు చైనా ఓ తప్పుడు ప్రచార కార్యక్రమాన్ని కూడా నడిపిందని నివేదికలో పేర్కొన్నారు. తమ ఆయుధాలు ధ్వంసం చేసిన రఫేల్ జెట్ శకలాలంటూ ఏఐ, వీడియో గేమ్ చిత్రాలను నకిలీ సోషల్ మీడియా ఖాతాల ద్వారా ప్రచారం చేసిందని ఫ్రెంచ్ నిఘా వర్గాలు చెప్పినట్లు నివేదిక వివరించింది. ఈ ప్రచారంతో ఇండోనేషియాను సైతం రఫేల్ కొనుగోలు ఒప్పందం నుంచి వెనక్కి తగ్గేలా చైనా చేసిందని తెలిపింది.
అయితే, ఈ నివేదికలోని ఆరోపణలను చైనా తీవ్రంగా ఖండించింది. ఈ కమిషన్ విడుదల చేసిన నివేదిక పూర్తిగా అవాస్తవమని చైనా విదేశాంగ శాఖ ప్రతినిధి మావో నింగ్ తెలిపారు. ఈ కమిషన్కు ఎప్పుడూ చైనా పట్ల సైద్ధాంతిక పక్షపాతం ఉందని, దానికి ఎలాంటి విశ్వసనీయత లేదని ఆమె అన్నారు.
ఏప్రిల్ 22న జమ్మూకశ్మీర్లోని పహల్గామ్లో జరిగిన ఉగ్రదాడిలో 26 మంది మరణించడంతో భారత్, పాక్ మధ్య ఉద్రిక్తతలు పెరిగాయి. దీనికి ప్రతీకారంగా మే 7న భారత్ 'ఆపరేషన్ సిందూర్' చేపట్టి, పీవోకేలోని ఉగ్ర స్థావరాలపై దాడులు చేసింది. మే 10న కాల్పుల విరమణతో ఈ ఘర్షణ ముగిసింది.
అమెరికా-చైనా ఆర్థిక, భద్రతా సమీక్ష కమిషన్ విడుదల చేసిన వార్షిక నివేదిక ప్రకారం... ఈ ఘర్షణను చైనా తన ఆయుధాల సామర్థ్యాన్ని ప్రపంచానికి ప్రచారం చేసుకోవడానికి ఉపయోగించుకుంది. HQ-9 వాయు రక్షణ వ్యవస్థ, PL-15 గగనతల క్షిపణులు, J-10 యుద్ధ విమానాలు వంటి ఆధునిక ఆయుధాలను చైనా ఈ ఘర్షణలోనే తొలిసారిగా వాస్తవ పోరాటంలో పరీక్షించిందని నివేదిక పేర్కొంది. ఇది చైనాకు ఒక "రియల్-వరల్డ్ ఫీల్డ్ ఎక్స్పెరిమెంట్"గా ఉపయోగపడిందని తెలిపింది.
ఈ ఘర్షణ ముగిసిన తర్వాత, జూన్లో పాకిస్థాన్కు 40 J-35 ఐదో తరం యుద్ధ విమానాలు, KJ-500 ఎయిర్క్రాఫ్ట్లు, బాలిస్టిక్ క్షిపణి రక్షణ వ్యవస్థలను విక్రయించడానికి చైనా ముందుకొచ్చినట్లు తెలిపింది. వివిధ దేశాల్లోని చైనా రాయబార కార్యాలయాలు కూడా భారత్-పాక్ ఘర్షణలో తమ ఆయుధాల 'విజయం' గురించి గొప్పగా ప్రచారం చేసుకుని, అమ్మకాలు పెంచుకునే ప్రయత్నం చేశాయని ఆరోపించింది.
ఇదే సమయంలో ఫ్రాన్స్కు చెందిన రఫేల్ యుద్ధ విమానాల ప్రతిష్టను దెబ్బతీసేందుకు చైనా ఓ తప్పుడు ప్రచార కార్యక్రమాన్ని కూడా నడిపిందని నివేదికలో పేర్కొన్నారు. తమ ఆయుధాలు ధ్వంసం చేసిన రఫేల్ జెట్ శకలాలంటూ ఏఐ, వీడియో గేమ్ చిత్రాలను నకిలీ సోషల్ మీడియా ఖాతాల ద్వారా ప్రచారం చేసిందని ఫ్రెంచ్ నిఘా వర్గాలు చెప్పినట్లు నివేదిక వివరించింది. ఈ ప్రచారంతో ఇండోనేషియాను సైతం రఫేల్ కొనుగోలు ఒప్పందం నుంచి వెనక్కి తగ్గేలా చైనా చేసిందని తెలిపింది.
అయితే, ఈ నివేదికలోని ఆరోపణలను చైనా తీవ్రంగా ఖండించింది. ఈ కమిషన్ విడుదల చేసిన నివేదిక పూర్తిగా అవాస్తవమని చైనా విదేశాంగ శాఖ ప్రతినిధి మావో నింగ్ తెలిపారు. ఈ కమిషన్కు ఎప్పుడూ చైనా పట్ల సైద్ధాంతిక పక్షపాతం ఉందని, దానికి ఎలాంటి విశ్వసనీయత లేదని ఆమె అన్నారు.
ఏప్రిల్ 22న జమ్మూకశ్మీర్లోని పహల్గామ్లో జరిగిన ఉగ్రదాడిలో 26 మంది మరణించడంతో భారత్, పాక్ మధ్య ఉద్రిక్తతలు పెరిగాయి. దీనికి ప్రతీకారంగా మే 7న భారత్ 'ఆపరేషన్ సిందూర్' చేపట్టి, పీవోకేలోని ఉగ్ర స్థావరాలపై దాడులు చేసింది. మే 10న కాల్పుల విరమణతో ఈ ఘర్షణ ముగిసింది.
