అమెరికాలో స్తంభించిన విమాన రాకపోకలు.. తీవ్రమవుతున్న షట్డౌన్ ప్రభావం
అమెరికాలో ప్రభుత్వ షట్డౌన్ నెల రోజులు దాటిన నేపథ్యంలో విమానయాన రంగంపై దాని ప్రభావం తీవ్రంగా పడుతోంది. సిబ్బంది కొరత కారణంగా దేశవ్యాప్తంగా వేలాది విమానాలు ఆలస్యమవుతుండగా, ఎయిర్పోర్టుల్లో భద్రతా తనిఖీల కోసం ప్రయాణికులు గంటల తరబడి వేచి చూడాల్సి వస్తోంది.
షట్డౌన్ మొదలైనప్పటి నుంచి వారాంతంలోనే అత్యంత దారుణమైన పరిస్థితులు కనిపించాయి. ఒక్క ఆదివారం రోజే 5,000కు పైగా విమానాలు ఆలస్యంగా నడిచాయి. సోమవారం మధ్యాహ్నానికి 2,530కి పైగా విమానాలు ఆలస్యం కాగా, 60కి పైగా సర్వీసులు రద్దయ్యాయని ఫ్లైట్ అవేర్ డేటా వెల్లడించింది. చికాగో ఓ'హేర్, నెవార్క్ లిబర్టీ, జాన్ ఎఫ్. కెన్నడీ, అట్లాంటా వంటి ప్రధాన విమానాశ్రయాల్లోనే 800కు పైగా విమానాలు ఆలస్యమయ్యాయి.
షట్డౌన్ కారణంగా ఎయిర్ ట్రాఫిక్ కంట్రోలర్లు, భద్రతా సిబ్బంది వంటి అత్యవసర ఉద్యోగులు జీతాలు లేకుండానే పనిచేయాల్సి వస్తోంది. దీనివల్ల వారిపై ఆర్థిక భారం పెరిగిందని, చాలామంది రెండో ఉద్యోగం చూసుకోవడమో లేదా ఈ వృత్తినే వదిలేయడమో చేసే ప్రమాదం ఉందని రవాణా శాఖ మంత్రి సీన్ డఫీ ఆందోళన వ్యక్తం చేశారు. ఇప్పటికే దేశంలో 2,000 నుంచి 3,000 మంది కంట్రోలర్ల కొరత ఉందని ఆయన గుర్తుచేశారు. హ్యూస్టన్ ఎయిర్పోర్టులో భద్రతా తనిఖీలకు మూడు గంటలకు పైగా సమయం పట్టవచ్చని అధికారులు హెచ్చరించారు. న్యూయార్క్, చికాగో, లాస్ ఏంజిల్స్ వంటి నగరాల్లోనూ ఇదే పరిస్థితి నెలకొంది.
ఈ సంక్షోభానికి డెమోక్రాట్ల రాజకీయ క్రీడలే కారణమని, వారి వల్లే లక్షలాది మంది ప్రయాణికులు ఇబ్బందులు పడుతున్నారని వైట్హౌస్ సోమవారం ఒక ప్రకటనలో ఆరోపించింది. అయితే, ట్రంప్ ప్రభుత్వం అబద్ధాలను ప్రచారం చేస్తోందని డెమోక్రాట్లు ఈ ఆరోపణలను తిప్పికొడుతున్నారు. షట్డౌన్కు పరిష్కారం కనిపించకపోవడంతో రానున్న రోజుల్లో మరిన్ని విమానాలు ఆలస్యం కావొచ్చని, రద్దయ్యే అవకాశాలున్నాయని అధికారులు హెచ్చరిస్తున్నారు.
షట్డౌన్ మొదలైనప్పటి నుంచి వారాంతంలోనే అత్యంత దారుణమైన పరిస్థితులు కనిపించాయి. ఒక్క ఆదివారం రోజే 5,000కు పైగా విమానాలు ఆలస్యంగా నడిచాయి. సోమవారం మధ్యాహ్నానికి 2,530కి పైగా విమానాలు ఆలస్యం కాగా, 60కి పైగా సర్వీసులు రద్దయ్యాయని ఫ్లైట్ అవేర్ డేటా వెల్లడించింది. చికాగో ఓ'హేర్, నెవార్క్ లిబర్టీ, జాన్ ఎఫ్. కెన్నడీ, అట్లాంటా వంటి ప్రధాన విమానాశ్రయాల్లోనే 800కు పైగా విమానాలు ఆలస్యమయ్యాయి.
షట్డౌన్ కారణంగా ఎయిర్ ట్రాఫిక్ కంట్రోలర్లు, భద్రతా సిబ్బంది వంటి అత్యవసర ఉద్యోగులు జీతాలు లేకుండానే పనిచేయాల్సి వస్తోంది. దీనివల్ల వారిపై ఆర్థిక భారం పెరిగిందని, చాలామంది రెండో ఉద్యోగం చూసుకోవడమో లేదా ఈ వృత్తినే వదిలేయడమో చేసే ప్రమాదం ఉందని రవాణా శాఖ మంత్రి సీన్ డఫీ ఆందోళన వ్యక్తం చేశారు. ఇప్పటికే దేశంలో 2,000 నుంచి 3,000 మంది కంట్రోలర్ల కొరత ఉందని ఆయన గుర్తుచేశారు. హ్యూస్టన్ ఎయిర్పోర్టులో భద్రతా తనిఖీలకు మూడు గంటలకు పైగా సమయం పట్టవచ్చని అధికారులు హెచ్చరించారు. న్యూయార్క్, చికాగో, లాస్ ఏంజిల్స్ వంటి నగరాల్లోనూ ఇదే పరిస్థితి నెలకొంది.
ఈ సంక్షోభానికి డెమోక్రాట్ల రాజకీయ క్రీడలే కారణమని, వారి వల్లే లక్షలాది మంది ప్రయాణికులు ఇబ్బందులు పడుతున్నారని వైట్హౌస్ సోమవారం ఒక ప్రకటనలో ఆరోపించింది. అయితే, ట్రంప్ ప్రభుత్వం అబద్ధాలను ప్రచారం చేస్తోందని డెమోక్రాట్లు ఈ ఆరోపణలను తిప్పికొడుతున్నారు. షట్డౌన్కు పరిష్కారం కనిపించకపోవడంతో రానున్న రోజుల్లో మరిన్ని విమానాలు ఆలస్యం కావొచ్చని, రద్దయ్యే అవకాశాలున్నాయని అధికారులు హెచ్చరిస్తున్నారు.
