Bengaluru Techie: టెక్కీకి షాక్.. అమెజాన్లో రూ. 1.87 లక్షల ఫోన్ ఆర్డర్.. డెలివరీలో టైల్ ముక్క!
- బెంగళూరులో వెలుగు చూసిన ఆన్లైన్ మోసం
- డెలివరీలో స్మార్ట్ఫోన్కు బదులుగా టైల్ ముక్క
- అన్బాక్సింగ్ వీడియో తీసి పోలీసులకు ఫిర్యాదు
- దీపావళి పండగ ముందు మోసపోయానంటూ ఆవేదన
- దర్యాప్తు ప్రారంభించిన పోలీసులు.. డబ్బులు తిరిగిచ్చిన అమెజాన్
ఆన్లైన్ షాపింగ్లో జరుగుతున్న మోసాలకు అంతులేకుండా పోతోంది. ఖరీదైన వస్తువులు ఆర్డర్ చేస్తే, డెలివరీలో డమ్మీ వస్తువులు లేదా రాళ్లు రావడం వంటి ఘటనలు తరచూ వెలుగు చూస్తూనే ఉన్నాయి. తాజాగా బెంగళూరుకు చెందిన ఓ సాఫ్ట్వేర్ ఇంజనీర్కు ఇలాంటి ఘోర అనుభవమే ఎదురైంది. ప్రముఖ ఈ-కామర్స్ సంస్థ అమెజాన్లో రూ. 1.87 లక్షల విలువైన స్మార్ట్ఫోన్ ఆర్డర్ చేయగా, అతనికి ఒక టైల్ ముక్క డెలివరీ అయింది.
వివరాల్లోకి వెళితే... బెంగళూరులో నివసించే ప్రేమానంద్ అనే సాఫ్ట్వేర్ ఇంజనీర్ ఈ నెల 14న అమెజాన్ యాప్ ద్వారా రూ. 1.87 లక్షల విలువైన శాంసంగ్ స్మార్ట్ఫోన్ను ఆర్డర్ చేశారు. పూర్తి మొత్తాన్ని తన క్రెడిట్ కార్డ్ ద్వారా చెల్లించారు. 19న అతనికి డెలివరీ ప్యాకేజీ అందింది. అనుమానంతో ప్యాకేజీని తెరిచే ముందు అన్బాక్సింగ్ వీడియోను రికార్డ్ చేశారు. సీల్డ్ ప్యాకేజీని తెరవగా, అందులో స్మార్ట్ఫోన్కు బదులుగా ఒక టైల్ ముక్క ఉండటం చూసి అతను షాక్ అయ్యారు.
ఈ ఘటనపై ప్రేమానంద్ తీవ్ర ఆవేదన వ్యక్తం చేశారు. "నేను రూ. 1.87 లక్షల విలువైన శాంసంగ్ గెలాక్సీ జెడ్ ఫోల్డ్ 7 ఫోన్ను ఆర్డర్ చేశాను. కానీ, దీపావళికి ఒక్కరోజు ముందు ఫోన్కు బదులుగా టైల్ ముక్క రావడం నన్ను తీవ్రంగా నిరాశపరిచింది. ఈ సంఘటన మా పండగ ఉత్సాహాన్ని పూర్తిగా దెబ్బతీసింది. ప్రతి ఒక్కరూ ఆన్లైన్ షాపింగ్ చేసేటప్పుడు, ముఖ్యంగా అమెజాన్లో చాలా జాగ్రత్తగా ఉండాలని కోరుతున్నాను" అని ఆయన తెలిపారు.
వెంటనే స్పందించిన ప్రేమానంద్, ఈ మోసంపై నేషనల్ సైబర్క్రైమ్ రిపోర్టింగ్ పోర్టల్ (NCRP)లో ఫిర్యాదు చేశారు. ఆ తర్వాత కుమారస్వామి లేఅవుట్ పోలీస్ స్టేషన్లో కూడా అధికారికంగా ఫిర్యాదు చేయడంతో పోలీసులు ఎఫ్ఐఆర్ నమోదు చేశారు.
ఈ ఘటనపై దర్యాప్తు కొనసాగుతుండగానే, అమెజాన్ సంస్థ ప్రేమానంద్కు అతను చెల్లించిన పూర్తి మొత్తాన్ని తిరిగి వాపసు చేసింది. పోలీసులు ఈ డెలివరీ స్కామ్పై విచారణ జరుపుతున్నారు.
వివరాల్లోకి వెళితే... బెంగళూరులో నివసించే ప్రేమానంద్ అనే సాఫ్ట్వేర్ ఇంజనీర్ ఈ నెల 14న అమెజాన్ యాప్ ద్వారా రూ. 1.87 లక్షల విలువైన శాంసంగ్ స్మార్ట్ఫోన్ను ఆర్డర్ చేశారు. పూర్తి మొత్తాన్ని తన క్రెడిట్ కార్డ్ ద్వారా చెల్లించారు. 19న అతనికి డెలివరీ ప్యాకేజీ అందింది. అనుమానంతో ప్యాకేజీని తెరిచే ముందు అన్బాక్సింగ్ వీడియోను రికార్డ్ చేశారు. సీల్డ్ ప్యాకేజీని తెరవగా, అందులో స్మార్ట్ఫోన్కు బదులుగా ఒక టైల్ ముక్క ఉండటం చూసి అతను షాక్ అయ్యారు.
ఈ ఘటనపై ప్రేమానంద్ తీవ్ర ఆవేదన వ్యక్తం చేశారు. "నేను రూ. 1.87 లక్షల విలువైన శాంసంగ్ గెలాక్సీ జెడ్ ఫోల్డ్ 7 ఫోన్ను ఆర్డర్ చేశాను. కానీ, దీపావళికి ఒక్కరోజు ముందు ఫోన్కు బదులుగా టైల్ ముక్క రావడం నన్ను తీవ్రంగా నిరాశపరిచింది. ఈ సంఘటన మా పండగ ఉత్సాహాన్ని పూర్తిగా దెబ్బతీసింది. ప్రతి ఒక్కరూ ఆన్లైన్ షాపింగ్ చేసేటప్పుడు, ముఖ్యంగా అమెజాన్లో చాలా జాగ్రత్తగా ఉండాలని కోరుతున్నాను" అని ఆయన తెలిపారు.
వెంటనే స్పందించిన ప్రేమానంద్, ఈ మోసంపై నేషనల్ సైబర్క్రైమ్ రిపోర్టింగ్ పోర్టల్ (NCRP)లో ఫిర్యాదు చేశారు. ఆ తర్వాత కుమారస్వామి లేఅవుట్ పోలీస్ స్టేషన్లో కూడా అధికారికంగా ఫిర్యాదు చేయడంతో పోలీసులు ఎఫ్ఐఆర్ నమోదు చేశారు.
ఈ ఘటనపై దర్యాప్తు కొనసాగుతుండగానే, అమెజాన్ సంస్థ ప్రేమానంద్కు అతను చెల్లించిన పూర్తి మొత్తాన్ని తిరిగి వాపసు చేసింది. పోలీసులు ఈ డెలివరీ స్కామ్పై విచారణ జరుపుతున్నారు.
