Shreyas Iyer: శ్రేయస్ అయ్యర్ ఆరోగ్య పరిస్థితిపై బీసీసీఐ తాజా కబురు
- ఆస్ట్రేలియాతో మూడో వన్డేలో గాయపడిన శ్రేయస్ అయ్యర్
- కడుపులో అంతర్గత రక్తస్రావంతో ప్లీహంకు గాయం
- ప్రస్తుతం ఆరోగ్యం నిలకడగా ఉందని ప్రకటించిన బీసీసీఐ
- ఐసీయూ నుంచి సాధారణ వార్డుకు తరలించిన వైనం
- అయ్యర్ కోలుకుంటున్నాడన్న టీ20 కెప్టెన్ సూర్యకుమార్ యాదవ్
- సిడ్నీ ఆసుపత్రిలో ప్రత్యేక వైద్య బృందం పర్యవేక్షణ
భారత స్టార్ క్రికెటర్ శ్రేయస్ అయ్యర్ ఆరోగ్య పరిస్థితిపై నెలకొన్న ఆందోళనకు తెరపడింది. ఆస్ట్రేలియాతో మూడో వన్డే సందర్భంగా తీవ్రంగా గాయపడిన ఆయన ఆరోగ్యం ప్రస్తుతం నిలకడగా ఉందని, వేగంగా కోలుకుంటున్నాడని భారత క్రికెట్ నియంత్రణ మండలి (బీసీసీఐ) మంగళవారం అధికారికంగా ప్రకటించింది. కడుపులో తగిలిన బలమైన దెబ్బ కారణంగా అతడి ప్లీహం (spleen) దెబ్బతిని అంతర్గత రక్తస్రావం అయిందని బోర్డు ధృవీకరించింది.
సిడ్నీ వేదికగా శనివారం (అక్టోబర్ 25న) జరిగిన మూడో వన్డేలో ఆస్ట్రేలియా బ్యాటర్ అలెక్స్ క్యారీ క్యాచ్ అందుకునే క్రమంలో శ్రేయస్ అయ్యర్ గాయపడ్డాడు. వెంటనే అతడిని మైదానం నుంచి ఆసుపత్రికి తరలించారు. "శ్రేయస్ అయ్యర్ కడుపులో బలమైన గాయం తగిలింది. దానివల్ల ప్లీహం దెబ్బతిని అంతర్గత రక్తస్రావం అయింది. గాయాన్ని వెంటనే గుర్తించి, రక్తస్రావాన్ని అరికట్టాం. ప్రస్తుతం అతని పరిస్థితి నిలకడగా ఉంది. వైద్యుల పర్యవేక్షణలో ఉన్నాడు. మంగళవారం (అక్టోబర్ 28న) తీసిన స్కానింగ్లో ఆరోగ్యం గణనీయంగా మెరుగుపడినట్లు తేలింది. అతను కోలుకుంటున్నాడు" అని బీసీసీఐ తన ప్రకటనలో వివరించింది. సిడ్నీ, భారత వైద్య నిపుణులతో సంప్రదింపులు జరుపుతూ బీసీసీఐ వైద్య బృందం అయ్యర్ ఆరోగ్యాన్ని నిరంతరం పర్యవేక్షిస్తోందని తెలిపింది.
తొలుత ఈ గాయాన్ని పక్కటెముకల గాయంగా భావించినప్పటికీ, స్కానింగ్లో ప్లీహం దెబ్బతిన్నట్లు తేలడంతో మరింత తీవ్రమైనదిగా నిర్ధారించారు. దీంతో మెరుగైన చికిత్స కోసం సిడ్నీలోని ఓ ఆసుపత్రిలో ఐసీయూలో చేర్చారు. అయితే, ప్రస్తుతం అయ్యర్ ను ఐసీయూ నుంచి సాధారణ వార్డుకు మార్చినట్లు తెలిసింది. జట్టు యాజమాన్యం ఆయనతో నిరంతరం టచ్లో ఉంటూ ఆరోగ్య పరిస్థితిని ఎప్పటికప్పుడు తెలుసుకుంటోంది.
ఈ విషయంపై భారత టీ20 కెప్టెన్ సూర్యకుమార్ యాదవ్ కూడా స్పందించాడు. "గాయమైన మొదటి రోజే మేము అతనితో మాట్లాడాం. అతని వద్ద ఫోన్ లేకపోవడంతో ఫిజియో కమలేశ్కు కాల్ చేసి వివరాలు తెలుసుకున్నాను. అతని ఆరోగ్యం నిలకడగా ఉన్నట్టు చెప్పారు. గత రెండు రోజులుగా మేం మాట్లాడుకుంటున్నాం. అతను ఫోన్లో రిప్లై ఇస్తున్నాడు. అలా స్పందిస్తున్నాడంటేనే అతను నిలకడగా ఉన్నాడని అర్థం. అంతా సాధారణంగానే ఉంది. మరికొన్ని రోజులు జాగ్రత్తగా ఉంటానని చెప్పాడు" అని సూర్యకుమార్ యాదవ్ భరోసా ఇచ్చాడు.
సిడ్నీ వేదికగా శనివారం (అక్టోబర్ 25న) జరిగిన మూడో వన్డేలో ఆస్ట్రేలియా బ్యాటర్ అలెక్స్ క్యారీ క్యాచ్ అందుకునే క్రమంలో శ్రేయస్ అయ్యర్ గాయపడ్డాడు. వెంటనే అతడిని మైదానం నుంచి ఆసుపత్రికి తరలించారు. "శ్రేయస్ అయ్యర్ కడుపులో బలమైన గాయం తగిలింది. దానివల్ల ప్లీహం దెబ్బతిని అంతర్గత రక్తస్రావం అయింది. గాయాన్ని వెంటనే గుర్తించి, రక్తస్రావాన్ని అరికట్టాం. ప్రస్తుతం అతని పరిస్థితి నిలకడగా ఉంది. వైద్యుల పర్యవేక్షణలో ఉన్నాడు. మంగళవారం (అక్టోబర్ 28న) తీసిన స్కానింగ్లో ఆరోగ్యం గణనీయంగా మెరుగుపడినట్లు తేలింది. అతను కోలుకుంటున్నాడు" అని బీసీసీఐ తన ప్రకటనలో వివరించింది. సిడ్నీ, భారత వైద్య నిపుణులతో సంప్రదింపులు జరుపుతూ బీసీసీఐ వైద్య బృందం అయ్యర్ ఆరోగ్యాన్ని నిరంతరం పర్యవేక్షిస్తోందని తెలిపింది.
తొలుత ఈ గాయాన్ని పక్కటెముకల గాయంగా భావించినప్పటికీ, స్కానింగ్లో ప్లీహం దెబ్బతిన్నట్లు తేలడంతో మరింత తీవ్రమైనదిగా నిర్ధారించారు. దీంతో మెరుగైన చికిత్స కోసం సిడ్నీలోని ఓ ఆసుపత్రిలో ఐసీయూలో చేర్చారు. అయితే, ప్రస్తుతం అయ్యర్ ను ఐసీయూ నుంచి సాధారణ వార్డుకు మార్చినట్లు తెలిసింది. జట్టు యాజమాన్యం ఆయనతో నిరంతరం టచ్లో ఉంటూ ఆరోగ్య పరిస్థితిని ఎప్పటికప్పుడు తెలుసుకుంటోంది.
ఈ విషయంపై భారత టీ20 కెప్టెన్ సూర్యకుమార్ యాదవ్ కూడా స్పందించాడు. "గాయమైన మొదటి రోజే మేము అతనితో మాట్లాడాం. అతని వద్ద ఫోన్ లేకపోవడంతో ఫిజియో కమలేశ్కు కాల్ చేసి వివరాలు తెలుసుకున్నాను. అతని ఆరోగ్యం నిలకడగా ఉన్నట్టు చెప్పారు. గత రెండు రోజులుగా మేం మాట్లాడుకుంటున్నాం. అతను ఫోన్లో రిప్లై ఇస్తున్నాడు. అలా స్పందిస్తున్నాడంటేనే అతను నిలకడగా ఉన్నాడని అర్థం. అంతా సాధారణంగానే ఉంది. మరికొన్ని రోజులు జాగ్రత్తగా ఉంటానని చెప్పాడు" అని సూర్యకుమార్ యాదవ్ భరోసా ఇచ్చాడు.
