Cyclone Montha: మొంథా తుపాను ప్రభావం... ఏపీలోని పలు జిల్లాల్లో విద్యాసంస్థలకు సెలవు
- బంగాళాఖాతంలో 'మొంథా' తుఫాను
- కాకినాడ జిల్లాలో అత్యధికంగా 5 రోజుల సెలవులు
- తీవ్ర తుపానుగా మారే అవకాశం ఉందని హెచ్చరిక
- అధికార యంత్రాంగాన్ని అప్రమత్తం చేసిన ప్రభుత్వం
- అక్టోబర్ 28న తీరం దాటే అవకాశం
'మొంథా' తుపాను ప్రభావం ఆంధ్రప్రదేశ్ పై అత్యధికంగా ఉంటుందని వాతావరణ సంస్థలు హెచ్చరిస్తున్నాయి. దీని ప్రభావంతో రాష్ట్రవ్యాప్తంగా భారీ వర్షాలు, బలమైన గాలులు వీచే అవకాశం ఉండడంతో అధికార యంత్రాంగం అప్రమత్తమైంది. ముందు జాగ్రత్త చర్యగా, విద్యార్థుల భద్రతను దృష్టిలో ఉంచుకుని ప్రభుత్వం పలు జిల్లాల్లోని పాఠశాలలకు సెలవులు ప్రకటించింది.
జిల్లాల వారీగా సెలవుల వివరాలు
తుఫాను తీవ్రత దృష్ట్యా ప్రభుత్వం వివిధ జిల్లాల్లో పాఠశాలలకు సెలవులు ప్రకటించింది. ఆయా జిల్లాల్లో వర్షపాతాన్ని బట్టి సెలవుల సంఖ్యను నిర్ణయించారు.
5 రోజులు: కాకినాడ జిల్లాలో అత్యధికంగా ఐదు రోజుల పాటు (అక్టోబర్ 27 నుంచి 31 వరకు) సెలవులు ఇచ్చారు.
3 రోజులు: కృష్ణా, బాపట్ల, గుంటూరు, అనకాపల్లి జిల్లాల్లో మూడు రోజులు (అక్టోబర్ 27, 28, 29) సెలవులు ప్రకటించారు.
2 రోజులు: తూర్పు గోదావరి, అన్నమయ్య, కడప, ఏలూరు, అంబేద్కర్ కోనసీమ జిల్లాల్లో రెండు రోజుల పాటు (అక్టోబర్ 27, 28) పాఠశాలలకు సెలవులు వర్తిస్తాయి.
1 రోజు: పల్నాడు జిల్లాలో అక్టోబర్ 27న ఒక రోజు సెలవు ప్రకటించారు.
తుపాను గమనాన్ని బట్టి, పరిస్థితులను సమీక్షించి అవసరమైతే సెలవులను పొడిగించే అవకాశం ఉందని అధికారులు స్పష్టం చేశారు.
తీవ్రరూపం దాల్చనున్న తుపాను
ఆగ్నేయ బంగాళాఖాతంలో ఏర్పడిన అల్పపీడనం బలపడి ప్రస్తుతం తీవ్ర వాయుగుండంగా కొనసాగుతోంది. ఇది ఈ రాత్రికి గాని, రేపటికి గాని తుపానుగా మారుతుంది. ఇది మరింత బలపడి తీవ్ర తుపానుగా అక్టోబర్ 28 నాటికి కాకినాడ సమీపంలో తీరం దాటే అవకాశం ఉందని వాతావరణ శాఖ అంచనా వేస్తోంది. తీరం దాటే సమయంలో గంటకు 60 నుంచి 70 కిలోమీటర్ల వేగంతో పెనుగాలులు వీస్తాయని, సముద్రంలో 3 నుంచి 5 మీటర్ల ఎత్తున అలలు ఎగిసిపడతాయని అధికారులు తెలిపారు. ఈ నేపథ్యంలో మత్స్యకారులు సముద్రంలోకి వేటకు వెళ్లవద్దని హెచ్చరికలు జారీ చేశారు.
ప్రభుత్వ యంత్రాంగం అప్రమత్తం
ముఖ్యమంత్రి చంద్రబాబు, ఉప ముఖ్యమంత్రి పవన్ కల్యాణ్ ఆదేశాల మేరకు అధికార యంత్రాంగం సహాయక చర్యలకు సిద్ధమైంది. ప్రభావిత ప్రాంతాల్లో ఎన్డీఆర్ఎఫ్ బృందాలను మోహరించారు. పునరావాస కేంద్రాలు, విద్యుత్ బ్యాకప్, వైద్య సదుపాయాలను సిద్ధం చేశారు. ముఖ్యమంత్రి కార్యాలయంలో 24/7 కంట్రోల్ రూమ్ను ఏర్పాటు చేసి పరిస్థితిని ఎప్పటికప్పుడు సమీక్షిస్తున్నారు. ప్రజలు అప్రమత్తంగా ఉండాలని, అనవసరంగా బయటకు రావొద్దని అధికారులు సూచిస్తున్నారు.
జిల్లాల వారీగా సెలవుల వివరాలు
తుఫాను తీవ్రత దృష్ట్యా ప్రభుత్వం వివిధ జిల్లాల్లో పాఠశాలలకు సెలవులు ప్రకటించింది. ఆయా జిల్లాల్లో వర్షపాతాన్ని బట్టి సెలవుల సంఖ్యను నిర్ణయించారు.
5 రోజులు: కాకినాడ జిల్లాలో అత్యధికంగా ఐదు రోజుల పాటు (అక్టోబర్ 27 నుంచి 31 వరకు) సెలవులు ఇచ్చారు.
3 రోజులు: కృష్ణా, బాపట్ల, గుంటూరు, అనకాపల్లి జిల్లాల్లో మూడు రోజులు (అక్టోబర్ 27, 28, 29) సెలవులు ప్రకటించారు.
2 రోజులు: తూర్పు గోదావరి, అన్నమయ్య, కడప, ఏలూరు, అంబేద్కర్ కోనసీమ జిల్లాల్లో రెండు రోజుల పాటు (అక్టోబర్ 27, 28) పాఠశాలలకు సెలవులు వర్తిస్తాయి.
1 రోజు: పల్నాడు జిల్లాలో అక్టోబర్ 27న ఒక రోజు సెలవు ప్రకటించారు.
తుపాను గమనాన్ని బట్టి, పరిస్థితులను సమీక్షించి అవసరమైతే సెలవులను పొడిగించే అవకాశం ఉందని అధికారులు స్పష్టం చేశారు.
తీవ్రరూపం దాల్చనున్న తుపాను
ఆగ్నేయ బంగాళాఖాతంలో ఏర్పడిన అల్పపీడనం బలపడి ప్రస్తుతం తీవ్ర వాయుగుండంగా కొనసాగుతోంది. ఇది ఈ రాత్రికి గాని, రేపటికి గాని తుపానుగా మారుతుంది. ఇది మరింత బలపడి తీవ్ర తుపానుగా అక్టోబర్ 28 నాటికి కాకినాడ సమీపంలో తీరం దాటే అవకాశం ఉందని వాతావరణ శాఖ అంచనా వేస్తోంది. తీరం దాటే సమయంలో గంటకు 60 నుంచి 70 కిలోమీటర్ల వేగంతో పెనుగాలులు వీస్తాయని, సముద్రంలో 3 నుంచి 5 మీటర్ల ఎత్తున అలలు ఎగిసిపడతాయని అధికారులు తెలిపారు. ఈ నేపథ్యంలో మత్స్యకారులు సముద్రంలోకి వేటకు వెళ్లవద్దని హెచ్చరికలు జారీ చేశారు.
ప్రభుత్వ యంత్రాంగం అప్రమత్తం
ముఖ్యమంత్రి చంద్రబాబు, ఉప ముఖ్యమంత్రి పవన్ కల్యాణ్ ఆదేశాల మేరకు అధికార యంత్రాంగం సహాయక చర్యలకు సిద్ధమైంది. ప్రభావిత ప్రాంతాల్లో ఎన్డీఆర్ఎఫ్ బృందాలను మోహరించారు. పునరావాస కేంద్రాలు, విద్యుత్ బ్యాకప్, వైద్య సదుపాయాలను సిద్ధం చేశారు. ముఖ్యమంత్రి కార్యాలయంలో 24/7 కంట్రోల్ రూమ్ను ఏర్పాటు చేసి పరిస్థితిని ఎప్పటికప్పుడు సమీక్షిస్తున్నారు. ప్రజలు అప్రమత్తంగా ఉండాలని, అనవసరంగా బయటకు రావొద్దని అధికారులు సూచిస్తున్నారు.
