Elon Musk: అంతరిక్షంలో స్పేస్ఎక్స్ సరికొత్త మైలురాయి.. అందరినీ మించిపోయామన్న ఎలాన్ మస్క్
- 10,000 స్టార్లింక్ శాటిలైట్లను ప్రయోగించిన సంస్థ
- అన్ని సంస్థల కంటే మావే ఎక్కువ శాటిలైట్లు అన్న మస్క్
- ఈ ఏడాదే 132 ఫాల్కన్-9 రాకెట్ ప్రయోగాలు పూర్తి
- ప్రపంచవ్యాప్తంగా లక్షలాది మందికి హై-స్పీడ్ ఇంటర్నెట్
- భారత్లోనూ స్టార్లింక్ సేవలకు లభించిన అనుమతి
ఎలాన్ మస్క్ నేతృత్వంలోని స్పేస్ఎక్స్ సంస్థ అంతరిక్షంలో మరో అరుదైన మైలురాయిని అందుకుంది. తన శాటిలైట్ ఇంటర్నెట్ సర్వీస్ అయిన స్టార్లింక్ 10,000 శాటిలైట్లను విజయవంతంగా ప్రయోగించినట్లు సోమవారం ప్రకటించింది. ఈ ఘనత సాధించిన స్టార్లింక్, ఫాల్కన్ బృందాలకు మస్క్ అభినందనలు తెలిపారు. "ఇప్పుడు కక్ష్యలో ఉన్న అన్ని సంస్థల శాటిలైట్లను కలిపినా, వాటి కంటే ఎన్నో రెట్లు ఎక్కువ శాటిలైట్లు మనవే" అని ఆయన తన ఎక్స్ ఖాతాలో పేర్కొన్నారు.
నిన్న కాలిఫోర్నియాలోని వాండెన్బర్గ్ స్పేస్ ఫోర్స్ బేస్ నుంచి ఫాల్కన్-9 రాకెట్ ద్వారా 28 స్టార్లింక్ శాటిలైట్లను ప్రయోగించారు. ఈ ప్రయోగంతో స్పేస్ఎక్స్ 10,000 శాటిలైట్ల మార్కును దాటింది. అంతేకాకుండా ఇది 2025 సంవత్సరంలో స్పేస్ఎక్స్ నిర్వహించిన 132వ ఫాల్కన్-9 ప్రయోగం కావడం విశేషం. దీంతో ఇంకా రెండు నెలల సమయం ఉండగానే గత ఏడాది రికార్డును సంస్థ సమం చేసింది.
ప్రపంచవ్యాప్తంగా మారుమూల ప్రాంతాలకు కూడా హై-స్పీడ్ ఇంటర్నెట్ అందించడమే లక్ష్యంగా స్టార్లింక్ పనిచేస్తోంది. 2018లో కేవలం రెండు ప్రోటోటైప్ శాటిలైట్లతో ప్రారంభమైన ఈ నెట్వర్క్ ఇప్పుడు 150కి పైగా దేశాల్లో లక్షలాది మందికి సేవలు అందిస్తోంది. ఇప్పటివరకు ప్రయోగించిన వాటిలో 8,000కు పైగా శాటిలైట్లు ప్రస్తుతం చురుకుగా పనిచేస్తున్నాయి. స్టార్లింక్ సేవలకు భారత్లోనూ అనుమతి లభించింది.
భవిష్యత్తులో ఈ నెట్వర్క్ను 12,000 శాటిలైట్లకు, ఆ తర్వాత 30,000కు పైగా విస్తరించాలని స్పేస్ఎక్స్ ప్రణాళికలు రచిస్తోంది. ఇదిలా ఉండగా, స్పేస్ఎక్స్ ఇటీవల తన భారీ స్టార్షిప్ రాకెట్ 11వ పరీక్షను కూడా విజయవంతంగా పూర్తి చేసింది. అంగారకుడిపై మానవ ఆవాసాలను ఏర్పాటు చేయాలనే లక్ష్యంతో పాటు నాసా ప్రతిష్ఠాత్మక ఆర్టెమిస్-3 మూన్ మిషన్ కోసం కూడా ఈ స్టార్షిప్ రాకెట్ను వినియోగించనున్నారు.
నిన్న కాలిఫోర్నియాలోని వాండెన్బర్గ్ స్పేస్ ఫోర్స్ బేస్ నుంచి ఫాల్కన్-9 రాకెట్ ద్వారా 28 స్టార్లింక్ శాటిలైట్లను ప్రయోగించారు. ఈ ప్రయోగంతో స్పేస్ఎక్స్ 10,000 శాటిలైట్ల మార్కును దాటింది. అంతేకాకుండా ఇది 2025 సంవత్సరంలో స్పేస్ఎక్స్ నిర్వహించిన 132వ ఫాల్కన్-9 ప్రయోగం కావడం విశేషం. దీంతో ఇంకా రెండు నెలల సమయం ఉండగానే గత ఏడాది రికార్డును సంస్థ సమం చేసింది.
ప్రపంచవ్యాప్తంగా మారుమూల ప్రాంతాలకు కూడా హై-స్పీడ్ ఇంటర్నెట్ అందించడమే లక్ష్యంగా స్టార్లింక్ పనిచేస్తోంది. 2018లో కేవలం రెండు ప్రోటోటైప్ శాటిలైట్లతో ప్రారంభమైన ఈ నెట్వర్క్ ఇప్పుడు 150కి పైగా దేశాల్లో లక్షలాది మందికి సేవలు అందిస్తోంది. ఇప్పటివరకు ప్రయోగించిన వాటిలో 8,000కు పైగా శాటిలైట్లు ప్రస్తుతం చురుకుగా పనిచేస్తున్నాయి. స్టార్లింక్ సేవలకు భారత్లోనూ అనుమతి లభించింది.
భవిష్యత్తులో ఈ నెట్వర్క్ను 12,000 శాటిలైట్లకు, ఆ తర్వాత 30,000కు పైగా విస్తరించాలని స్పేస్ఎక్స్ ప్రణాళికలు రచిస్తోంది. ఇదిలా ఉండగా, స్పేస్ఎక్స్ ఇటీవల తన భారీ స్టార్షిప్ రాకెట్ 11వ పరీక్షను కూడా విజయవంతంగా పూర్తి చేసింది. అంగారకుడిపై మానవ ఆవాసాలను ఏర్పాటు చేయాలనే లక్ష్యంతో పాటు నాసా ప్రతిష్ఠాత్మక ఆర్టెమిస్-3 మూన్ మిషన్ కోసం కూడా ఈ స్టార్షిప్ రాకెట్ను వినియోగించనున్నారు.
