డెలివరీ బాయ్స్కు స్వీట్ సర్ప్రైజ్.. హైదరాబాదీ యువకుడిపై ప్రశంసల వర్షం!
- హైదరాబాద్లో డెలివరీ ఏజెంట్లకు వినూత్న దీపావళి కానుక
- డిజిటల్ క్రియేటర్ గుండేటి మహేందర్ రెడ్డి ప్రత్యేక బహుమానం
- స్విగ్గీ, జెప్టో వంటి యాప్స్లో స్వీట్స్ ఆర్డర్
- ఆర్డర్ తీసుకొచ్చిన సిబ్బందికే తిరిగి బహుమతిగా అందజేత
- సోషల్ మీడియాలో వీడియో వైరల్.. నెటిజన్ల ప్రశంసల వెల్లువ
పండగ రోజుల్లోనూ తీరిక లేకుండా పనిచేసే డెలివరీ సిబ్బందికి ఓ యువకుడు ఊహించని కానుక ఇచ్చి వారి ముఖాల్లో ఆనందం నింపాడు. హైదరాబాద్కు చెందిన ఈ డిజిటల్ క్రియేటర్ చేసిన పని ఇప్పుడు సోషల్ మీడియాలో అందరి మనసుల్నీ గెలుచుకుంటోంది.
వివరాల్లోకి వెళితే... హైదరాబాద్కు చెందిన గుండేటి మహేందర్ రెడ్డి అనే డిజిటల్ క్రియేటర్, దీపావళి సందర్భంగా స్విగ్గీ, బ్లింకిట్, జెప్టో, బిగ్బాస్కెట్ వంటి పలు యాప్ల నుంచి స్వీట్ బాక్సులను ఆర్డర్ చేశారు. ఆర్డర్ డెలివరీ చేసేందుకు వచ్చిన సిబ్బందికి అవే స్వీట్ బాక్సులను తిరిగి బహుమతిగా అందించి, వారికి దీపావళి శుభాకాంక్షలు తెలిపారు.
ఈ మొత్తం దృశ్యాన్ని వీడియో తీసి తన ఇన్స్టాగ్రామ్లో పంచుకున్నారు. "ఈ దీపావళికి, మా డెలివరీలను ప్రత్యేకంగా మార్చే చిరునవ్వులను మరింత తియ్యగా మార్చాలని నిర్ణయించుకున్నాం" అంటూ ఆయన క్యాప్షన్ జోడించారు. ఈ వీడియో క్షణాల్లో వైరల్ అవ్వగా, నెటిజన్ల నుంచి ప్రశంసలు వెల్లువెత్తాయి. "వారి శ్రమను గుర్తించినందుకు ధన్యవాదాలు" "ఇది చాలా మంచి పని" అంటూ పలువురు కామెంట్లు చేశారు. మరొక యూజర్, "తాను కూడా పండగలకు ఇలాగే చేస్తానని, స్వీట్లతో పాటు కొంత నగదు కూడా ఇస్తానని, వారి ముఖాల్లో చిరునవ్వు చూడటం ఎంతో సంతృప్తినిస్తుంది" అని పేర్కొన్నారు.
అయితే, కేవలం వ్యూస్ కోసమే ఈ వీడియో చేశారంటూ వచ్చిన కొన్ని విమర్శలపై మహేందర్ రెడ్డి స్పందించారు. "ఇతరులకు స్ఫూర్తినిచ్చేందుకే ఈ వీడియో చేశానని, దీన్ని తప్పుగా అర్థం చేసుకుంటే పండగ తర్వాత కచ్చితంగా తొలగిస్తానని" ఆయన స్పష్టం చేశారు. "వ్యూస్ కోసం అంటున్న వారు, దయచేసి కనీసం 10 మంది ముఖాల్లోనైనా చిరునవ్వు తీసుకువచ్చి మాట్లాడండి" అని ఆయన బదులిచ్చారు. గతంలోనూ హైదరాబాద్కు చెందిన ఇద్దరు వ్లాగర్లు ఇలాగే డెలివరీ ఏజెంట్లకు బహుమతులు ఇచ్చి సర్ప్రైజ్ చేసిన వీడియోలు వైరల్ అయిన విషయం తెలిసిందే.
వివరాల్లోకి వెళితే... హైదరాబాద్కు చెందిన గుండేటి మహేందర్ రెడ్డి అనే డిజిటల్ క్రియేటర్, దీపావళి సందర్భంగా స్విగ్గీ, బ్లింకిట్, జెప్టో, బిగ్బాస్కెట్ వంటి పలు యాప్ల నుంచి స్వీట్ బాక్సులను ఆర్డర్ చేశారు. ఆర్డర్ డెలివరీ చేసేందుకు వచ్చిన సిబ్బందికి అవే స్వీట్ బాక్సులను తిరిగి బహుమతిగా అందించి, వారికి దీపావళి శుభాకాంక్షలు తెలిపారు.
ఈ మొత్తం దృశ్యాన్ని వీడియో తీసి తన ఇన్స్టాగ్రామ్లో పంచుకున్నారు. "ఈ దీపావళికి, మా డెలివరీలను ప్రత్యేకంగా మార్చే చిరునవ్వులను మరింత తియ్యగా మార్చాలని నిర్ణయించుకున్నాం" అంటూ ఆయన క్యాప్షన్ జోడించారు. ఈ వీడియో క్షణాల్లో వైరల్ అవ్వగా, నెటిజన్ల నుంచి ప్రశంసలు వెల్లువెత్తాయి. "వారి శ్రమను గుర్తించినందుకు ధన్యవాదాలు" "ఇది చాలా మంచి పని" అంటూ పలువురు కామెంట్లు చేశారు. మరొక యూజర్, "తాను కూడా పండగలకు ఇలాగే చేస్తానని, స్వీట్లతో పాటు కొంత నగదు కూడా ఇస్తానని, వారి ముఖాల్లో చిరునవ్వు చూడటం ఎంతో సంతృప్తినిస్తుంది" అని పేర్కొన్నారు.
అయితే, కేవలం వ్యూస్ కోసమే ఈ వీడియో చేశారంటూ వచ్చిన కొన్ని విమర్శలపై మహేందర్ రెడ్డి స్పందించారు. "ఇతరులకు స్ఫూర్తినిచ్చేందుకే ఈ వీడియో చేశానని, దీన్ని తప్పుగా అర్థం చేసుకుంటే పండగ తర్వాత కచ్చితంగా తొలగిస్తానని" ఆయన స్పష్టం చేశారు. "వ్యూస్ కోసం అంటున్న వారు, దయచేసి కనీసం 10 మంది ముఖాల్లోనైనా చిరునవ్వు తీసుకువచ్చి మాట్లాడండి" అని ఆయన బదులిచ్చారు. గతంలోనూ హైదరాబాద్కు చెందిన ఇద్దరు వ్లాగర్లు ఇలాగే డెలివరీ ఏజెంట్లకు బహుమతులు ఇచ్చి సర్ప్రైజ్ చేసిన వీడియోలు వైరల్ అయిన విషయం తెలిసిందే.
