Unnikrishnan Potti: శబరిమల బంగారం కేసులో సంచలనం.. టీడీబీ అధికారులకూ వాటా!
- శబరిమల బంగారం చోరీ కేసులో ప్రధాన నిందితుడు ఉన్నికృష్ణన్ పొట్టి అరెస్ట్
- విచారణలో సంచలన విషయాలు వెల్లడించిన నిందితుడు
- టీడీబీ అధికారుల ప్రమేయంతోనే చోరీ జరిగిందని అంగీకారం
- దొంగిలించిన బంగారంలో అధికారులకూ వాటాలు ఉన్నాయని ఆరోపణ
- దేవస్వం మంత్రి రాజీనామా చేయాలని కేరళ బీజేపీ డిమాండ్
దేశవ్యాప్తంగా సంచలనం సృష్టించిన శబరిమల బంగారం మాయం కేసు విచారణలో కీలక పరిణామం చోటుచేసుకుంది. ఈ కేసులో ప్రధాన నిందితుడిగా ఉన్న ఉన్నికృష్ణన్ పొట్టిని ప్రత్యేక దర్యాప్తు బృందం (సిట్) అరెస్ట్ చేసింది. విచారణలో భాగంగా ఉన్నికృష్ణన్ చెప్పిన విషయాలు ఇప్పుడు కేరళలో ప్రకంపనలు సృష్టిస్తున్నాయి. బంగారం చోరీ పథకం ప్రకారమే జరిగిందని, ట్రావెన్కోర్ దేవస్వం బోర్డు (టీడీబీ) అధికారులకు దీని గురించి ముందే తెలుసని ఆయన అంగీకరించినట్లు సమాచారం.
కేరళ హైకోర్టు ఆదేశాలతో ఏర్పాటైన సిట్ బృందం, ఎస్పీ బిజోయ్ నేతృత్వంలో విచారించింది. అనంతరం ఈ ఉదయం ఆయనను అదుపులోకి తీసుకున్నారు. తిరువనంతపురం జనరల్ ఆసుపత్రిలో వైద్య పరీక్షలు నిర్వహించారు. కోర్టులో హాజరుపరిచేంత వరకు ఆయన సిట్ కస్టడీలోనే ఉండనున్నారు.
కేసు నేపథ్యం ఏమిటంటే..
శబరిమల ఆలయ గర్భగుడి (శ్రీకోవిల్) ద్వారపాలకుల విగ్రహాలు, గడపకు బంగారు తాపడం చేయించే పనుల్లో భారీగా అవకతవకలు జరిగాయి. స్పాన్సర్ ముసుగులో ఉన్నికృష్ణన్ పొట్టి దాదాపు 475 గ్రాముల (సుమారు 56 సవర్లు) బంగారాన్ని అపహరించినట్లు ఆరోపణలు ఉన్నాయి. తాపడం కోసం కేవలం మూడు గ్రాముల బంగారం మాత్రమే వాడి, మిగిలినదంతా పక్కదారి పట్టించాడని దర్యాప్తులో తేలింది. ఇదే పని కోసం బెంగళూరుకు చెందిన ఇద్దరు వ్యక్తుల నుంచి కూడా పొట్టి డబ్బులు వసూలు చేసినట్లు గుర్తించారు.
ఈ కేసులో సిట్ అధికారులు రెండు వేర్వేరు ఎఫ్ఐఆర్లు నమోదు చేసి మొత్తం 10 మందిని నిందితులుగా చేర్చారు. రెండు ఎఫ్ఐఆర్లలోనూ ఉన్నికృష్ణన్ పొట్టి పేరు ఉంది.
విచారణలో పొట్టి మరిన్ని కీలక విషయాలు వెల్లడించినట్లు తెలుస్తోంది. దొంగిలించిన బంగారాన్ని టీడీబీ సభ్యులు పంచుకున్నారని అతడు ఆరోపించినట్లు సమాచారం. ఈ కుట్రలో కల్పేశ్ అనే మధ్యవర్తి పాత్ర కూడా ఉందని అధికారులు అనుమానిస్తున్నారు. తాపడం పనులు చేపట్టిన 'స్మార్ట్ క్రియేషన్స్' అనే సంస్థ ప్రమేయం పైనా దర్యాప్తు జరుగుతోంది. ఈ పనులకు సంబంధించిన కొన్ని కీలక రికార్డులు కనిపించకుండా పోయినట్లు సిట్ గుర్తించింది.
మరోవైపు ఈ అరెస్టుతో కేరళ రాజకీయాలు వేడెక్కాయి. రాష్ట్ర దేవస్వం శాఖ మంత్రి వీఎన్ వాసవన్ వెంటనే తన పదవికి రాజీనామా చేయాలని కేరళ బీజేపీ అధ్యక్షుడు రాజీవ్ చంద్రశేఖర్ డిమాండ్ చేశారు. ఈ వ్యవహారంపై సీబీఐ లేదా ఈడీతో విచారణ జరిపించాలని కేంద్రాన్ని కోరతామని ఆయన స్పష్టం చేశారు.
కేరళ హైకోర్టు ఆదేశాలతో ఏర్పాటైన సిట్ బృందం, ఎస్పీ బిజోయ్ నేతృత్వంలో విచారించింది. అనంతరం ఈ ఉదయం ఆయనను అదుపులోకి తీసుకున్నారు. తిరువనంతపురం జనరల్ ఆసుపత్రిలో వైద్య పరీక్షలు నిర్వహించారు. కోర్టులో హాజరుపరిచేంత వరకు ఆయన సిట్ కస్టడీలోనే ఉండనున్నారు.
కేసు నేపథ్యం ఏమిటంటే..
శబరిమల ఆలయ గర్భగుడి (శ్రీకోవిల్) ద్వారపాలకుల విగ్రహాలు, గడపకు బంగారు తాపడం చేయించే పనుల్లో భారీగా అవకతవకలు జరిగాయి. స్పాన్సర్ ముసుగులో ఉన్నికృష్ణన్ పొట్టి దాదాపు 475 గ్రాముల (సుమారు 56 సవర్లు) బంగారాన్ని అపహరించినట్లు ఆరోపణలు ఉన్నాయి. తాపడం కోసం కేవలం మూడు గ్రాముల బంగారం మాత్రమే వాడి, మిగిలినదంతా పక్కదారి పట్టించాడని దర్యాప్తులో తేలింది. ఇదే పని కోసం బెంగళూరుకు చెందిన ఇద్దరు వ్యక్తుల నుంచి కూడా పొట్టి డబ్బులు వసూలు చేసినట్లు గుర్తించారు.
ఈ కేసులో సిట్ అధికారులు రెండు వేర్వేరు ఎఫ్ఐఆర్లు నమోదు చేసి మొత్తం 10 మందిని నిందితులుగా చేర్చారు. రెండు ఎఫ్ఐఆర్లలోనూ ఉన్నికృష్ణన్ పొట్టి పేరు ఉంది.
విచారణలో పొట్టి మరిన్ని కీలక విషయాలు వెల్లడించినట్లు తెలుస్తోంది. దొంగిలించిన బంగారాన్ని టీడీబీ సభ్యులు పంచుకున్నారని అతడు ఆరోపించినట్లు సమాచారం. ఈ కుట్రలో కల్పేశ్ అనే మధ్యవర్తి పాత్ర కూడా ఉందని అధికారులు అనుమానిస్తున్నారు. తాపడం పనులు చేపట్టిన 'స్మార్ట్ క్రియేషన్స్' అనే సంస్థ ప్రమేయం పైనా దర్యాప్తు జరుగుతోంది. ఈ పనులకు సంబంధించిన కొన్ని కీలక రికార్డులు కనిపించకుండా పోయినట్లు సిట్ గుర్తించింది.
మరోవైపు ఈ అరెస్టుతో కేరళ రాజకీయాలు వేడెక్కాయి. రాష్ట్ర దేవస్వం శాఖ మంత్రి వీఎన్ వాసవన్ వెంటనే తన పదవికి రాజీనామా చేయాలని కేరళ బీజేపీ అధ్యక్షుడు రాజీవ్ చంద్రశేఖర్ డిమాండ్ చేశారు. ఈ వ్యవహారంపై సీబీఐ లేదా ఈడీతో విచారణ జరిపించాలని కేంద్రాన్ని కోరతామని ఆయన స్పష్టం చేశారు.
