Upendra Kushwaha: బీహార్ ఎన్నికలు: ఎన్డీఏలో సీట్ల చిచ్చు.. అమిత్ షాతో భేటీకి సిద్ధమైన కుష్వాహా!
- బీహార్ ఎన్నికల వేళ వేడెక్కిన రాజకీయం
- మహాఘట్బంధన్లో కొలిక్కి వచ్చిన సీట్ల సర్దుబాటు
- వీఐపీ పార్టీకి 18 సీట్లు కేటాయించిన ఆర్జేడీ
- ఎన్డీఏలో బయటపడ్డ అసంతృప్తి.. సీట్లపై కుష్వాహా అలక
- దగ్గర పడుతున్న తొలివిడత నామినేషన్ల గడువు
బీహార్ అసెంబ్లీ ఎన్నికల తొలివిడత పోలింగ్కు నామినేషన్ల గడువు అక్టోబర్ 17తో ముగియనుండటంతో రాష్ట్రంలో రాజకీయ సమీకరణాలు వేగంగా మారుతున్నాయి. ప్రధాన కూటములైన మహాఘట్బంధన్, ఎన్డీఏలలో సీట్ల సర్దుబాటు ప్రక్రియ తీవ్ర ఉత్కంఠ రేపుతోంది. ఒకవైపు ప్రతిపక్ష కూటమిలో సీట్ల పంపకాలపై స్పష్టత వస్తుండగా, అధికార ఎన్డీఏలో మాత్రం అసంతృప్తి సెగలు రాజుకుంటున్నాయి.
తేజస్వి యాదవ్ నేతృత్వంలోని ఆర్జేడీ, ముఖేశ్ సహానీకి చెందిన వికాశీల్ ఇన్సాన్ పార్టీ (వీఐపీ) మధ్య సీట్ల పంపకాలపై ఒప్పందం కుదిరినట్లు విశ్వసనీయ వర్గాలు తెలిపాయి. ఈ ఒప్పందంలో భాగంగా మహాఘట్బంధన్లో వీఐపీ పార్టీకి 18 అసెంబ్లీ స్థానాలు కేటాయించినట్లు సమాచారం. దీంతో ప్రతిపక్ష కూటమిలో సీట్ల పంపకాల ప్రక్రియ దాదాపు కొలిక్కి వచ్చినట్లయింది.
మరోవైపు, అధికార ఎన్డీఏలో పరిస్థితి ఇందుకు భిన్నంగా ఉంది. సీట్ల కేటాయింపు విషయంలో తీవ్ర అసంతృప్తితో ఉన్న ఉపేంద్ర కుష్వాహా తన అసహనాన్ని బహిరంగంగానే వ్యక్తం చేస్తున్నారు. ఈ విషయంపై చర్చించేందుకు ఆయన త్వరలోనే ఢిల్లీలో కేంద్ర హోంమంత్రి అమిత్ షాతో సమావేశం కానున్నారు. ఈ భేటీ తర్వాతే ఎన్డీఏలో సీట్ల పంపకాలపై స్పష్టత వచ్చే అవకాశం ఉంది. నామినేషన్లకు కేవలం రెండు రోజుల సమయం మాత్రమే ఉండటంతో, రానున్న 48 గంటల్లో బీహార్ రాజకీయాలు మరింత రసవత్తరంగా మారనున్నాయని విశ్లేషకులు అంచనా వేస్తున్నారు.
తేజస్వి యాదవ్ నేతృత్వంలోని ఆర్జేడీ, ముఖేశ్ సహానీకి చెందిన వికాశీల్ ఇన్సాన్ పార్టీ (వీఐపీ) మధ్య సీట్ల పంపకాలపై ఒప్పందం కుదిరినట్లు విశ్వసనీయ వర్గాలు తెలిపాయి. ఈ ఒప్పందంలో భాగంగా మహాఘట్బంధన్లో వీఐపీ పార్టీకి 18 అసెంబ్లీ స్థానాలు కేటాయించినట్లు సమాచారం. దీంతో ప్రతిపక్ష కూటమిలో సీట్ల పంపకాల ప్రక్రియ దాదాపు కొలిక్కి వచ్చినట్లయింది.
మరోవైపు, అధికార ఎన్డీఏలో పరిస్థితి ఇందుకు భిన్నంగా ఉంది. సీట్ల కేటాయింపు విషయంలో తీవ్ర అసంతృప్తితో ఉన్న ఉపేంద్ర కుష్వాహా తన అసహనాన్ని బహిరంగంగానే వ్యక్తం చేస్తున్నారు. ఈ విషయంపై చర్చించేందుకు ఆయన త్వరలోనే ఢిల్లీలో కేంద్ర హోంమంత్రి అమిత్ షాతో సమావేశం కానున్నారు. ఈ భేటీ తర్వాతే ఎన్డీఏలో సీట్ల పంపకాలపై స్పష్టత వచ్చే అవకాశం ఉంది. నామినేషన్లకు కేవలం రెండు రోజుల సమయం మాత్రమే ఉండటంతో, రానున్న 48 గంటల్లో బీహార్ రాజకీయాలు మరింత రసవత్తరంగా మారనున్నాయని విశ్లేషకులు అంచనా వేస్తున్నారు.
