Tammineni Bharat: తొలి భారతీయుడిగా తెలుగు తేజం రికార్డు.. 9వ శిఖరాన్నీ అధిరోహించిన కర్నూలు వాసి
- ప్రపంచంలోని 14 ఎత్తైన శిఖరాల్లో 9వ దాన్ని అధిరోహించిన తమ్మినేని భరత్
- ఈ ఘనత సాధించిన తొలి భారతీయుడిగా కర్నూలు వాసి రికార్డు
- చైనాలోని చో ఓయూ పర్వతాన్ని మంగళవారం విజయవంతంగా అధిరోహణ
- ఈ విజయం యువతకు అంకితమన్న పర్వతారోహకుడు భరత్
- కొడుకు విజయంపై కుటుంబ సభ్యుల ఆనందోత్సాహాలు
కర్నూలుకు చెందిన పర్వతారోహకుడు తమ్మినేని భరత్ (36) భారత పర్వతారోహణ చరిత్రలో సరికొత్త అధ్యాయాన్ని లిఖించారు. ప్రపంచంలో అత్యంత ఎత్తైన 14 పర్వత శిఖరాలలో తొమ్మిదింటిని విజయవంతంగా అధిరోహించి, ఈ ఘనత సాధించిన తొలి భారతీయుడిగా ఆయన రికార్డు సృష్టించారు.
చైనాలో ఉన్న, ప్రపంచంలో ఆరవ ఎత్తైన పర్వతమైన ‘చో ఓయూ’ (8,188 మీటర్లు) శిఖరాన్ని మంగళవారం ఉదయం 8:55 గంటలకు (భారత కాలమానం ప్రకారం) ఆయన అధిరోహించారు. ఈ విజయంతో తొమ్మిది 8,000 మీటర్ల శిఖరాలను పూర్తి చేసినట్లు ఆయన కుటుంబ సభ్యులు తెలిపారు. 2017లో ఎవరెస్ట్తో మొదలైన భరత్ ప్రస్థానం, మనస్లు, లోట్సే, అన్నపూర్ణ, కాంచనగంగ వంటి పలు శిఖరాలను అధిగమించి నేడు ఈ స్థాయికి చేరింది.
బేస్ క్యాంప్ నుంచి పంపిన సందేశంలో భరత్ తన అనుభవాలను పంచుకున్నారు. "సెప్టెంబరు 30న బేస్ క్యాంపునకు చేరుకున్నా, కానీ తీవ్రమైన ప్రతికూల వాతావరణం వల్ల ముందుకు వెళ్లలేకపోయాం. ఈ నెల 12న వేగంగా శిఖరాగ్రానికి పయనమయ్యాం" అని ఆయన వివరించారు. "ఇది కేవలం నా వ్యక్తిగత విజయం కాదు, భారత సాహస క్రీడల సత్తాకు నిదర్శనం. ఈ విజయాన్ని దేశంలోని యువ సాహస క్రీడాకారులకు అంకితం చేస్తున్నాను" అని భరత్ పేర్కొన్నారు.
కేవలం వ్యక్తిగత రికార్డులకే పరిమితం కాకుండా, భరత్ ఎందరో యువ పర్వతారోహకులకు స్ఫూర్తిగా నిలుస్తున్నారు. ఆయన మిత్రుడు దీపాంజన్ దాస్ మాట్లాడుతూ, "గత దశాబ్ద కాలంగా భరత్ కొత్త తరం పర్వతారోహకులకు మార్గదర్శకుడిగా ఉన్నారు. ఆయన నేతృత్వంలోనే అంధురాలైన చోన్జిన్ అంగ్మో ఎవరెస్ట్ను అధిరోహించి ప్రపంచ రికార్డు సృష్టించారు" అని తెలిపారు.
భరత్ ఘనత దేశానికే గర్వకారణం: తల్లి సుశీల
కర్నూలుకు చెందిన వ్యాపారి స్వర్గీయ నాగరాజు, సుశీల దంపతుల కుమారుడే భరత్. తన కొడుకు సాధించిన ఘనత దేశానికే గర్వకారణమని తల్లి సుశీల, అక్కలు రాజీ, బిందు ఆనందం వ్యక్తం చేశారు. ఊటీలో బీటెక్ పూర్తి చేసిన భరత్, చిన్నప్పటి నుంచి ఉన్న ఆసక్తితో 2012 నుంచి పర్వతారోహణలో శిక్షణ తీసుకుంటున్నారని, తమ ప్రోత్సాహం ఎప్పుడూ ఉంటుందని వారు తెలిపారు. మిగిలిన ఐదు శిఖరాలు పాకిస్తాన్లో ఉండటంతో, ప్రస్తుతం అవి భారత పర్వతారోహకులకు అందుబాటులో లేవు.
చైనాలో ఉన్న, ప్రపంచంలో ఆరవ ఎత్తైన పర్వతమైన ‘చో ఓయూ’ (8,188 మీటర్లు) శిఖరాన్ని మంగళవారం ఉదయం 8:55 గంటలకు (భారత కాలమానం ప్రకారం) ఆయన అధిరోహించారు. ఈ విజయంతో తొమ్మిది 8,000 మీటర్ల శిఖరాలను పూర్తి చేసినట్లు ఆయన కుటుంబ సభ్యులు తెలిపారు. 2017లో ఎవరెస్ట్తో మొదలైన భరత్ ప్రస్థానం, మనస్లు, లోట్సే, అన్నపూర్ణ, కాంచనగంగ వంటి పలు శిఖరాలను అధిగమించి నేడు ఈ స్థాయికి చేరింది.
బేస్ క్యాంప్ నుంచి పంపిన సందేశంలో భరత్ తన అనుభవాలను పంచుకున్నారు. "సెప్టెంబరు 30న బేస్ క్యాంపునకు చేరుకున్నా, కానీ తీవ్రమైన ప్రతికూల వాతావరణం వల్ల ముందుకు వెళ్లలేకపోయాం. ఈ నెల 12న వేగంగా శిఖరాగ్రానికి పయనమయ్యాం" అని ఆయన వివరించారు. "ఇది కేవలం నా వ్యక్తిగత విజయం కాదు, భారత సాహస క్రీడల సత్తాకు నిదర్శనం. ఈ విజయాన్ని దేశంలోని యువ సాహస క్రీడాకారులకు అంకితం చేస్తున్నాను" అని భరత్ పేర్కొన్నారు.
కేవలం వ్యక్తిగత రికార్డులకే పరిమితం కాకుండా, భరత్ ఎందరో యువ పర్వతారోహకులకు స్ఫూర్తిగా నిలుస్తున్నారు. ఆయన మిత్రుడు దీపాంజన్ దాస్ మాట్లాడుతూ, "గత దశాబ్ద కాలంగా భరత్ కొత్త తరం పర్వతారోహకులకు మార్గదర్శకుడిగా ఉన్నారు. ఆయన నేతృత్వంలోనే అంధురాలైన చోన్జిన్ అంగ్మో ఎవరెస్ట్ను అధిరోహించి ప్రపంచ రికార్డు సృష్టించారు" అని తెలిపారు.
భరత్ ఘనత దేశానికే గర్వకారణం: తల్లి సుశీల
కర్నూలుకు చెందిన వ్యాపారి స్వర్గీయ నాగరాజు, సుశీల దంపతుల కుమారుడే భరత్. తన కొడుకు సాధించిన ఘనత దేశానికే గర్వకారణమని తల్లి సుశీల, అక్కలు రాజీ, బిందు ఆనందం వ్యక్తం చేశారు. ఊటీలో బీటెక్ పూర్తి చేసిన భరత్, చిన్నప్పటి నుంచి ఉన్న ఆసక్తితో 2012 నుంచి పర్వతారోహణలో శిక్షణ తీసుకుంటున్నారని, తమ ప్రోత్సాహం ఎప్పుడూ ఉంటుందని వారు తెలిపారు. మిగిలిన ఐదు శిఖరాలు పాకిస్తాన్లో ఉండటంతో, ప్రస్తుతం అవి భారత పర్వతారోహకులకు అందుబాటులో లేవు.
