Salman Khan: తన బ్రేకప్లపై తానే సెటైర్ వేసుకున్న సల్మాన్ ఖాన్!
- తన ప్రేమ వైఫల్యాలపై బిగ్ బాస్ షోలో సల్మాన్ సరదా వ్యాఖ్యలు
- మాజీ ప్రియురాళ్లు హ్యాండిచ్చిన విషయాన్ని పరోక్షంగా ప్రస్తావన
- సన్నీ సంస్కారీ కీ తులసి కుమారి' చిత్ర యూనిట్తో సందడి
- సంబంధాలు, బ్రేకప్ల గురించే తమ సినిమా అని చెప్పిన వరుణ్ ధావన్
- దాంతో 'నా జీవితాన్ని సినిమాగా తీస్తున్నారా?' అంటూ సల్మాన్ ఫన్నీ కామెంట్
బాలీవుడ్ కండల వీరుడు, ప్రముఖ నటుడు సల్మాన్ ఖాన్ మరోసారి తన ప్రేమ వైఫల్యాలపై సరదాగా స్పందించారు. తన మాజీ ప్రియురాళ్ల గురించి పరోక్షంగా ప్రస్తావిస్తూ, తనపై తానే సెటైర్లు వేసుకుని నవ్వులు పూయించారు. తాను హోస్ట్గా వ్యవహరిస్తున్న ప్రముఖ రియాలిటీ షో 'బిగ్ బాస్ 19' తాజా 'వీకెండ్ కా వార్' ఎపిసోడ్లో ఈ ఆసక్తికర ఘటన చోటుచేసుకుంది.
వివరాల్లోకి వెళితే, త్వరలో విడుదల కానున్న 'సన్నీ సంస్కారీ కీ తులసి కుమారి' సినిమా ప్రమోషన్ కోసం చిత్రబృందం బిగ్ బాస్ వేదికపైకి వచ్చింది. ఈ కార్యక్రమంలో వరుణ్ ధావన్, జాన్వీ కపూర్, సన్యా మల్హోత్రా, రోహిత్ షరాఫ్, మనీశ్ పాల్ పాల్గొన్నారు. ఈ సందర్భంగా సల్మాన్ ఖాన్ సినిమా కథ గురించి వారిని అడిగారు.
దీనికి వరుణ్ ధావన్ బదులిస్తూ, తమ సినిమా పూర్తిగా సంబంధాల చుట్టూ తిరుగుతుందని, సినిమాలో తనను చాలాసార్లు అమ్మాయిలు వదిలేసి వెళ్లిపోతారని చెప్పారు. వెంటనే జాన్వీ, సన్యా, రోహిత్ కూడా సినిమాలో తమ పాత్రలకు కూడా అదే గతి పడుతుందని తెలిపారు.
వారి మాటలు విన్న సల్మాన్ ఖాన్ వెంటనే స్పందిస్తూ, "ఏంటి? మీరందరూ కలిసి నా జీవితాన్నే సినిమాగా తీస్తున్నారా?" అని నవ్వుతూ ప్రశ్నించారు. దీంతో అక్కడున్న వారంతా ఒక్కసారిగా నవ్వేశారు. గతంలో సల్మాన్ ఖాన్ ప్రేమలో విఫలమైన సంగతి తెలిసిందే. సోమీ అలీ, కత్రినా కైఫ్, ఐశ్వర్య రాయ్, సంగీతా బిజ్లానీ వంటి ప్రముఖ నటీమణులతో ఆయన ప్రేమాయణం సాగించినా, ఏదీ పెళ్లి వరకు వెళ్లలేదు. ఈ నేపథ్యంలోనే సల్మాన్ తన గతాన్ని గుర్తుచేసుకుంటూ ఈ వ్యాఖ్యలు చేశారు.
శశాంక్ ఖైతాన్ దర్శకత్వంలో తెరకెక్కిన 'సన్నీ సంస్కారీ కీ తులసి కుమారి' చిత్రంలో వరుణ్ ధావన్ (సన్నీ) తన మాజీ ప్రియురాలిని, జాన్వీ కపూర్ (తులసి) తన మాజీ ప్రియుడ్ని దక్కించుకోవడానికి ప్రయత్నిస్తుంటారు. ఈ క్రమంలో తమ మాజీలకు కుళ్లు పుట్టించడానికి ఇద్దరూ ప్రేమలో ఉన్నట్లు నటిస్తారు. ఈ డ్రామా అనేక గందరగోళాలకు దారితీస్తుంది. ఈ చిత్రాన్ని దసరా కానుకగా అక్టోబర్ 2న థియేటర్లలో విడుదల చేయనున్నారు.
వివరాల్లోకి వెళితే, త్వరలో విడుదల కానున్న 'సన్నీ సంస్కారీ కీ తులసి కుమారి' సినిమా ప్రమోషన్ కోసం చిత్రబృందం బిగ్ బాస్ వేదికపైకి వచ్చింది. ఈ కార్యక్రమంలో వరుణ్ ధావన్, జాన్వీ కపూర్, సన్యా మల్హోత్రా, రోహిత్ షరాఫ్, మనీశ్ పాల్ పాల్గొన్నారు. ఈ సందర్భంగా సల్మాన్ ఖాన్ సినిమా కథ గురించి వారిని అడిగారు.
దీనికి వరుణ్ ధావన్ బదులిస్తూ, తమ సినిమా పూర్తిగా సంబంధాల చుట్టూ తిరుగుతుందని, సినిమాలో తనను చాలాసార్లు అమ్మాయిలు వదిలేసి వెళ్లిపోతారని చెప్పారు. వెంటనే జాన్వీ, సన్యా, రోహిత్ కూడా సినిమాలో తమ పాత్రలకు కూడా అదే గతి పడుతుందని తెలిపారు.
వారి మాటలు విన్న సల్మాన్ ఖాన్ వెంటనే స్పందిస్తూ, "ఏంటి? మీరందరూ కలిసి నా జీవితాన్నే సినిమాగా తీస్తున్నారా?" అని నవ్వుతూ ప్రశ్నించారు. దీంతో అక్కడున్న వారంతా ఒక్కసారిగా నవ్వేశారు. గతంలో సల్మాన్ ఖాన్ ప్రేమలో విఫలమైన సంగతి తెలిసిందే. సోమీ అలీ, కత్రినా కైఫ్, ఐశ్వర్య రాయ్, సంగీతా బిజ్లానీ వంటి ప్రముఖ నటీమణులతో ఆయన ప్రేమాయణం సాగించినా, ఏదీ పెళ్లి వరకు వెళ్లలేదు. ఈ నేపథ్యంలోనే సల్మాన్ తన గతాన్ని గుర్తుచేసుకుంటూ ఈ వ్యాఖ్యలు చేశారు.
శశాంక్ ఖైతాన్ దర్శకత్వంలో తెరకెక్కిన 'సన్నీ సంస్కారీ కీ తులసి కుమారి' చిత్రంలో వరుణ్ ధావన్ (సన్నీ) తన మాజీ ప్రియురాలిని, జాన్వీ కపూర్ (తులసి) తన మాజీ ప్రియుడ్ని దక్కించుకోవడానికి ప్రయత్నిస్తుంటారు. ఈ క్రమంలో తమ మాజీలకు కుళ్లు పుట్టించడానికి ఇద్దరూ ప్రేమలో ఉన్నట్లు నటిస్తారు. ఈ డ్రామా అనేక గందరగోళాలకు దారితీస్తుంది. ఈ చిత్రాన్ని దసరా కానుకగా అక్టోబర్ 2న థియేటర్లలో విడుదల చేయనున్నారు.
