Narendra Modi: ఐరాస సమావేశానికి మోదీ దూరం.. ఉక్రెయిన్ పై భారత్ కీలక వైఖరి
- ఐరాస సర్వసభ్య సమావేశంలో రద్దయిన ప్రధాని మోదీ ప్రసంగం
- మొదట సెప్టెంబర్ 26న మాట్లాడాల్సి ఉన్న ప్రధాని
- సవరించిన వక్తల జాబితాను విడుదల చేసిన ఐక్యరాజ్యసమితి
- యుద్ధంతో ఉక్రెయిన్ సమస్యకు పరిష్కారం దొరకదన్న భారత్
- ఇది యుద్ధాల శకం కాదన్న మోదీ మాటలను గుర్తుచేసిన భారత ప్రతినిధి
ఈ నెలలో జరగనున్న ఐక్యరాజ్యసమితి 80వ సర్వసభ్య సమావేశంలో (UNGA) భారత ప్రధాని మోదీ ప్రసంగించడం లేదు. తొలుత ప్రకటించిన షెడ్యూల్ ప్రకారం సెప్టెంబర్ 26న మోదీ ఉన్నతస్థాయి చర్చల్లో ప్రసంగించాల్సి ఉండగా, తాజాగా ఐరాస విడుదల చేసిన సవరించిన వక్తల జాబితాలో ఆయన పేరు లేదు. దీంతో ఆయన ప్రసంగం రద్దయినట్లు స్పష్టమైంది.
ఐక్యరాజ్యసమితి 80వ సర్వసభ్య సమావేశాలు సెప్టెంబర్ 9న ప్రారంభం కానున్నాయి. ఇందులో భాగంగా సెప్టెంబర్ 23 నుంచి 27 వరకు ఉన్నతస్థాయి చర్చలు జరుగుతాయి. ఐక్యరాజ్యసమితి సమావేశాలు సెప్టెంబర్ 29న ముగుస్తాయి. అయితే, ప్రధాని మోదీ తన ప్రసంగాన్ని ఎందుకు రద్దు చేసుకున్నారనే దానిపై ఎలాంటి అధికారిక ప్రకటన వెలువడలేదు.
ఉక్రెయిన్ పై భారత్ వైఖరి ఇదే:
ఇదే సమయంలో, ఉక్రెయిన్లోని తాత్కాలిక ఆక్రమిత ప్రాంతాల పరిస్థితిపై జరిగిన చర్చలో ఐరాసలో భారత శాశ్వత ప్రతినిధి పి. హరీశ్ పాల్గొన్నారు. ఈ సందర్భంగా ఆయన మాట్లాడుతూ, ఉక్రెయిన్ వివాదాన్ని యుద్ధ క్షేత్రంలో పరిష్కరించలేమని స్పష్టం చేశారు. చర్చలు, దౌత్య మార్గాలే దీనికి ఏకైక పరిష్కారమని భారత్ బలంగా విశ్వసిస్తోందని పునరుద్ఘాటించారు.
"ఇది యుద్ధాల శకం కాదు" అని ప్రధాని నరేంద్ర మోదీ పలు సందర్భాల్లో చెప్పిన మాటలను హరీశ్ గుర్తుచేశారు. ఈ వివాదానికి త్వరగా ముగింపు పలికేందుకు చేపట్టే దౌత్యపరమైన ప్రయత్నాలకు భారత్ మద్దతు ఇవ్వడానికి సిద్ధంగా ఉందని ఆయన తెలిపారు. "ఉక్రెయిన్లోని పరిస్థితులపై భారత్ ఆందోళన చెందుతోంది. అమాయక ప్రజల ప్రాణాలు కోల్పోవడాన్ని అంగీకరించలేం. యుద్ధభూమిలో ఎలాంటి పరిష్కారం లభించదు" అని ఆయన అన్నారు. శాశ్వత శాంతి స్థాపనకు అన్ని వర్గాల భాగస్వామ్యం, నిజమైన నిబద్ధత అవసరమని హరీశ్ అభిప్రాయపడ్డారు.
ఐక్యరాజ్యసమితి 80వ సర్వసభ్య సమావేశాలు సెప్టెంబర్ 9న ప్రారంభం కానున్నాయి. ఇందులో భాగంగా సెప్టెంబర్ 23 నుంచి 27 వరకు ఉన్నతస్థాయి చర్చలు జరుగుతాయి. ఐక్యరాజ్యసమితి సమావేశాలు సెప్టెంబర్ 29న ముగుస్తాయి. అయితే, ప్రధాని మోదీ తన ప్రసంగాన్ని ఎందుకు రద్దు చేసుకున్నారనే దానిపై ఎలాంటి అధికారిక ప్రకటన వెలువడలేదు.
ఉక్రెయిన్ పై భారత్ వైఖరి ఇదే:
ఇదే సమయంలో, ఉక్రెయిన్లోని తాత్కాలిక ఆక్రమిత ప్రాంతాల పరిస్థితిపై జరిగిన చర్చలో ఐరాసలో భారత శాశ్వత ప్రతినిధి పి. హరీశ్ పాల్గొన్నారు. ఈ సందర్భంగా ఆయన మాట్లాడుతూ, ఉక్రెయిన్ వివాదాన్ని యుద్ధ క్షేత్రంలో పరిష్కరించలేమని స్పష్టం చేశారు. చర్చలు, దౌత్య మార్గాలే దీనికి ఏకైక పరిష్కారమని భారత్ బలంగా విశ్వసిస్తోందని పునరుద్ఘాటించారు.
"ఇది యుద్ధాల శకం కాదు" అని ప్రధాని నరేంద్ర మోదీ పలు సందర్భాల్లో చెప్పిన మాటలను హరీశ్ గుర్తుచేశారు. ఈ వివాదానికి త్వరగా ముగింపు పలికేందుకు చేపట్టే దౌత్యపరమైన ప్రయత్నాలకు భారత్ మద్దతు ఇవ్వడానికి సిద్ధంగా ఉందని ఆయన తెలిపారు. "ఉక్రెయిన్లోని పరిస్థితులపై భారత్ ఆందోళన చెందుతోంది. అమాయక ప్రజల ప్రాణాలు కోల్పోవడాన్ని అంగీకరించలేం. యుద్ధభూమిలో ఎలాంటి పరిష్కారం లభించదు" అని ఆయన అన్నారు. శాశ్వత శాంతి స్థాపనకు అన్ని వర్గాల భాగస్వామ్యం, నిజమైన నిబద్ధత అవసరమని హరీశ్ అభిప్రాయపడ్డారు.
