Nikki: నిక్కీ వాంగ్మూలంపై స్పందించిన పోలీసులు.. సిలిండర్ పేలుడే జరగలేదట!
దేశవ్యాప్తంగా సంచలనం సృష్టించిన గ్రేటర్ నోయిడా మహిళ నిక్కీ భాటి (28) మృతి కేసులో పోలీసులు కీలక విషయాలు వెల్లడించారు. ఇది గ్యాస్ సిలిండర్ పేలుడు వల్ల జరిగిన ప్రమాదం కాదని, పక్కా ప్రణాళికతో చేసిన హత్య అనీ తేల్చారు. ఘటనా స్థలంలో లభించిన ఖాళీ థిన్నర్ డబ్బా, లైటర్ ఈ కేసులో కీలక ఆధారాలుగా మారాయి.
ఈ నెల 21న గ్రేటర్ నోయిడాలోని సిర్సా ప్రాంతంలో నిక్కీ భాటి కాలిన గాయాలతో మృతి చెందింది. వరకట్న వేధింపుల కారణంగా భర్త విపిన్, అతడి కుటుంబ సభ్యులే ఆమెను హత్య చేశారని ఆరోపణలు వచ్చాయి. అయితే, ఆసుపత్రిలో చేర్పించినప్పుడు సిలిండర్ పేలడం వల్లే తనకు గాయాలయ్యాయని నిక్కీ చెప్పినట్లు రికార్డుల్లో నమోదైంది. దీంతో ఈ కేసు గందరగోళంగా మారింది.
పోలీసులు జరిపిన లోతైన దర్యాప్తులో సిలిండర్ పేలుడు కథనం అవాస్తవమని తేలింది. నిక్కీ వంటగదిని పరిశీలించగా, అక్కడ ఎలాంటి పేలుడు జరిగిన ఆనవాళ్లు లేవని కాస్నా ఎస్హెచ్వో ధర్మేంద్ర శుక్లా తెలిపారు. అదే ఇంట్లోకి నిక్కీ సోదరి కంచన్ కూడా వివాహం చేసుకొని వచ్చింది. తన అత్తవారింటి వారిని జైలుకు పంపిస్తే సోదరి భవిష్యత్తు ఏమవుతుందోనన్న ఆందోళనతోనే నిక్కీ అలా అబద్ధం చెప్పి ఉండవచ్చని పోలీసులు అనుమానిస్తున్నారు.
ఘటనా స్థలం నుంచి స్వాధీనం చేసుకున్న థిన్నర్ డబ్బా, లైటర్ను ఫోరెన్సిక్ పరీక్షలకు పంపారు. నిక్కీ ఒంటిపై మంటలు వ్యాపించి ఉండగా, ఆమె సోదరి కంచన్ కేకలు విని పరుగున వచ్చి తన మొబైల్ ఫోన్లో కొంత దృశ్యాన్ని రికార్డ్ చేసింది. ఈ వీడియో కూడా కేసు దర్యాప్తులో కీలకంగా మారింది. ఈ కేసులో నిక్కీ భర్త విపిన్ భాటి, అతని తల్లి దయ, తండ్రి సత్వీర్, సోదరుడు రోహిత్ను పోలీసులు అరెస్టు చేశారు.
ఈ నెల 21న గ్రేటర్ నోయిడాలోని సిర్సా ప్రాంతంలో నిక్కీ భాటి కాలిన గాయాలతో మృతి చెందింది. వరకట్న వేధింపుల కారణంగా భర్త విపిన్, అతడి కుటుంబ సభ్యులే ఆమెను హత్య చేశారని ఆరోపణలు వచ్చాయి. అయితే, ఆసుపత్రిలో చేర్పించినప్పుడు సిలిండర్ పేలడం వల్లే తనకు గాయాలయ్యాయని నిక్కీ చెప్పినట్లు రికార్డుల్లో నమోదైంది. దీంతో ఈ కేసు గందరగోళంగా మారింది.
పోలీసులు జరిపిన లోతైన దర్యాప్తులో సిలిండర్ పేలుడు కథనం అవాస్తవమని తేలింది. నిక్కీ వంటగదిని పరిశీలించగా, అక్కడ ఎలాంటి పేలుడు జరిగిన ఆనవాళ్లు లేవని కాస్నా ఎస్హెచ్వో ధర్మేంద్ర శుక్లా తెలిపారు. అదే ఇంట్లోకి నిక్కీ సోదరి కంచన్ కూడా వివాహం చేసుకొని వచ్చింది. తన అత్తవారింటి వారిని జైలుకు పంపిస్తే సోదరి భవిష్యత్తు ఏమవుతుందోనన్న ఆందోళనతోనే నిక్కీ అలా అబద్ధం చెప్పి ఉండవచ్చని పోలీసులు అనుమానిస్తున్నారు.
ఘటనా స్థలం నుంచి స్వాధీనం చేసుకున్న థిన్నర్ డబ్బా, లైటర్ను ఫోరెన్సిక్ పరీక్షలకు పంపారు. నిక్కీ ఒంటిపై మంటలు వ్యాపించి ఉండగా, ఆమె సోదరి కంచన్ కేకలు విని పరుగున వచ్చి తన మొబైల్ ఫోన్లో కొంత దృశ్యాన్ని రికార్డ్ చేసింది. ఈ వీడియో కూడా కేసు దర్యాప్తులో కీలకంగా మారింది. ఈ కేసులో నిక్కీ భర్త విపిన్ భాటి, అతని తల్లి దయ, తండ్రి సత్వీర్, సోదరుడు రోహిత్ను పోలీసులు అరెస్టు చేశారు.
