Neha Dhupia: పెళ్లికి ముందే ప్రెగ్నెన్సీ.. అలియాభట్ తో పోలుస్తూ విమర్శలపై వివరణ ఇచ్చిన నేహా ధూపియా
- పెళ్లికి ముందే గర్భంపై విమర్శలకు స్పందించిన నటి నేహా ధూపియా
- తనలాగే అలియా భట్, నీనా గుప్తా కూడా ఉన్నారని గుర్తు చేసిన నటి
- నెటిజన్లు తననే ఎక్కువగా టార్గెట్ చేస్తున్నారంటూ ఆవేదన
పెళ్లికి ముందే గర్భం దాల్చిన విషయంపై కొన్నేళ్లుగా ఎదుర్కొంటున్న సోషల్ మీడియా ట్రోలింగ్కు బాలీవుడ్ నటి నేహా ధూపియా ఘాటుగా సమాధానమిచ్చారు. అది తప్పేమీ కాదని, తనలాంటి పరిస్థితులను ఎదుర్కొన్న వారు ఇండస్ట్రీలో చాలా మంది ఉన్నారని ఆమె స్పష్టం చేశారు. ఇటీవల ఓ ఇంటర్వ్యూలో పాల్గొన్న ఆమె, తనపై వస్తున్న నెగటివ్ కామెంట్స్పై స్పందిస్తూ ఈ వ్యాఖ్యలు చేశారు.
"అవును, నేను పెళ్లికి ముందే గర్భవతిని అయ్యాను. కానీ అది తప్పు అని నేను అనుకోవడం లేదు. అయినా ఈ పరిస్థితిని ఎదుర్కొన్నది నేను ఒక్కదాన్నే కాదు. అలియా భట్, నీనా గుప్తా లాంటి నటీమణులు కూడా ఉన్నారు. అయినప్పటికీ, చాలా మంది నెటిజన్లు నన్నే లక్ష్యంగా చేసుకుని విమర్శిస్తున్నారు" అని నేహా తన ఆవేదన వ్యక్తం చేశారు. నటుడు అంగద్ బేడీతో ప్రేమలో ఉన్నప్పుడే గర్భం దాల్చడంతో తాము హడావిడిగా వివాహం చేసుకోవాల్సి వచ్చిందని ఆమె గుర్తుచేసుకున్నారు.
ఆ సమయంలో తాను మానసికంగా తీవ్ర ఒత్తిడికి గురయ్యానని నేహా తెలిపారు. "పెళ్లి కాకుండానే గర్భవతినయ్యాననే విషయాన్ని కుటుంబ సభ్యులకు చెప్పడం చాలా కష్టంగా అనిపించింది. అది సంప్రదాయ కుటుంబమైనా, కాకపోయినా ఇబ్బందికరమైన విషయమే. ఆ పరిస్థితుల్లో నేను పడిన వేదన అంతా ఇంతా కాదు" అని ఆమె వివరించారు. ఈ కారణంగానే తమ వివాహానికి అత్యంత సన్నిహితులను కూడా పిలవలేకపోయినట్లు ఆమె పేర్కొన్నారు.
నటుడు అంగద్ బేడీ, నేహా ధూపియా కన్నా వయసులో మూడేళ్లు చిన్నవాడు. వీరిద్దరూ ప్రేమించి పెళ్లి చేసుకున్నారు. వివాహం జరిగిన ఆరు నెలలకే నేహా ఓ పాపకు జన్మనిచ్చారు. ప్రస్తుతం 45 ఏళ్ల వయసులో ఉన్న ఆమె, విమర్శలను ఎదుర్కొంటూనే తన కుటుంబ జీవితాన్ని ఆనందంగా గడుపుతున్నారు.
"అవును, నేను పెళ్లికి ముందే గర్భవతిని అయ్యాను. కానీ అది తప్పు అని నేను అనుకోవడం లేదు. అయినా ఈ పరిస్థితిని ఎదుర్కొన్నది నేను ఒక్కదాన్నే కాదు. అలియా భట్, నీనా గుప్తా లాంటి నటీమణులు కూడా ఉన్నారు. అయినప్పటికీ, చాలా మంది నెటిజన్లు నన్నే లక్ష్యంగా చేసుకుని విమర్శిస్తున్నారు" అని నేహా తన ఆవేదన వ్యక్తం చేశారు. నటుడు అంగద్ బేడీతో ప్రేమలో ఉన్నప్పుడే గర్భం దాల్చడంతో తాము హడావిడిగా వివాహం చేసుకోవాల్సి వచ్చిందని ఆమె గుర్తుచేసుకున్నారు.
ఆ సమయంలో తాను మానసికంగా తీవ్ర ఒత్తిడికి గురయ్యానని నేహా తెలిపారు. "పెళ్లి కాకుండానే గర్భవతినయ్యాననే విషయాన్ని కుటుంబ సభ్యులకు చెప్పడం చాలా కష్టంగా అనిపించింది. అది సంప్రదాయ కుటుంబమైనా, కాకపోయినా ఇబ్బందికరమైన విషయమే. ఆ పరిస్థితుల్లో నేను పడిన వేదన అంతా ఇంతా కాదు" అని ఆమె వివరించారు. ఈ కారణంగానే తమ వివాహానికి అత్యంత సన్నిహితులను కూడా పిలవలేకపోయినట్లు ఆమె పేర్కొన్నారు.
నటుడు అంగద్ బేడీ, నేహా ధూపియా కన్నా వయసులో మూడేళ్లు చిన్నవాడు. వీరిద్దరూ ప్రేమించి పెళ్లి చేసుకున్నారు. వివాహం జరిగిన ఆరు నెలలకే నేహా ఓ పాపకు జన్మనిచ్చారు. ప్రస్తుతం 45 ఏళ్ల వయసులో ఉన్న ఆమె, విమర్శలను ఎదుర్కొంటూనే తన కుటుంబ జీవితాన్ని ఆనందంగా గడుపుతున్నారు.
