సింగిల్ పేరెంట్స్ తమ బిడ్డల పాస్ పోర్టుకు ఎలా అప్లై చేసుకోవాలో తెలుసా?
దేశంలో ఒంటరిగా పిల్లల్ని పెంచుతున్న సింగిల్ పేరెంట్స్ కు ఇది శుభవార్త. తమ పిల్లల కోసం పాస్పోర్ట్ పొందాలనుకునే వారికి ప్రభుత్వం దరఖాస్తు ప్రక్రియను మరింత సులభతరం చేసింది. గతంలో ఎదురయ్యే కొన్ని సంక్లిష్టతలను తొలగించి, స్పష్టమైన మార్గదర్శకాలతో ఆన్లైన్లోనే పాస్పోర్ట్ పొందే అవకాశాన్ని కల్పించింది. సరైన పత్రాలు సమర్పిస్తే సాధారణ లేదా తత్కాల్ పద్ధతిలో వేగంగా పాస్పోర్ట్ పొందవచ్చు.
ఆన్లైన్లో దరఖాస్తు ఇలా...!
ముందుగా పాస్పోర్ట్ సేవా అధికారిక పోర్టల్ (www.passportindia.gov.in)లో రిజిస్టర్ చేసుకోవాలి. లాగిన్ అయ్యాక, ‘ఫ్రెష్ పాస్పోర్ట్’ ఆప్షన్ ఎంచుకుని పిల్లల వివరాలతో ఆన్లైన్ ఫారమ్ నింపాలి. అనంతరం ఆన్లైన్లోనే ఫీజు చెల్లించి, దగ్గరలోని పాస్పోర్ట్ సేవా కేంద్రంలో (PSK) అపాయింట్మెంట్ బుక్ చేసుకోవాలి. నిర్ణీత తేదీన అవసరమైన అన్ని ఒరిజినల్ పత్రాలు, వాటి కాపీలతో హాజరు కావాల్సి ఉంటుంది. 4 సంవత్సరాల లోపు పిల్లలకు తెల్లటి బ్యాక్గ్రౌండ్తో తీసిన పాస్పోర్ట్ సైజ్ ఫోటో (4.5 x 3.5 సెం.మీ.) అవసరం.
అవసరమైన పత్రాలు, అనెక్సర్లు
పాస్పోర్ట్ దరఖాస్తుకు కొన్ని ముఖ్యమైన పత్రాలు తప్పనిసరి.
పుట్టిన తేదీ రుజువు: బర్త్ సర్టిఫికేట్ లేదా స్కూల్ సర్టిఫికేట్.
చిరునామా రుజువు: ఆధార్ కార్డు, ఓటర్ ఐడీ, కరెంట్ బిల్ లేదా అద్దె ఒప్పందం.
అనెక్సర్ సి: తల్లిదండ్రుల్లో ఒకరి సమ్మతి లేకుండా దరఖాస్తు చేస్తున్నప్పుడు ఇది తప్పనిసరి. విడాకులు, విడిపోవడం లేదా భాగస్వామి అందుబాటులో లేకపోవడం వంటి కారణాలను ఇందులో స్పష్టంగా పేర్కొనాలి.
అనెక్సర్ డి: తల్లిదండ్రులిద్దరూ సమ్మతి తెలిపినప్పుడు లేదా ఒకరు మరణించిన సందర్భంలో (మరణ ధృవీకరణ పత్రంతో పాటు) ఇది అవసరం.
ఇతర పత్రాలు: కస్టడీకి సంబంధించి కోర్టు ఉత్తర్వులు ఉంటే వాటి కాపీ, తల్లి/తండ్రి పాస్పోర్ట్ కాపీలు (ఉంటే) జతచేయాలి.
ఫీజు, ప్రాసెసింగ్ సమయం
మైనర్లకు 36 పేజీల పాస్పోర్ట్కు 5 ఏళ్ల కాలపరిమితితో సాధారణ ఫీజు రూ.1,000 కాగా, 10 ఏళ్ల కాలపరిమితికి రూ.1,500 చెల్లించాలి. తత్కాల్ విధానంలో అదనంగా రూ.2,000 చెల్లించాల్సి ఉంటుంది. 8 సంవత్సరాల లోపు పిల్లల దరఖాస్తు ఫీజుపై 10% రాయితీ కూడా లభిస్తుంది. పోలీసు వెరిఫికేషన్ అవసరం లేని తత్కాల్ దరఖాస్తులు ఒక పని దినంలో, సాధారణ దరఖాస్తులు మూడు పని దినాల్లో డిస్పాచ్ అవుతాయి. కొన్ని సంక్లిష్టమైన కేసులలో 30 రోజుల వరకు సమయం పట్టవచ్చు.
విడాకుల కేసు కోర్టులో నడుస్తున్నా లేదా భాగస్వామి మరణించినా సరైన పత్రాలు సమర్పించి ఒంటరి తల్లిదండ్రులు తమ పిల్లల పాస్పోర్ట్ను ఎలాంటి ఇబ్బందులు లేకుండా పొందవచ్చు.
ఆన్లైన్లో దరఖాస్తు ఇలా...!
ముందుగా పాస్పోర్ట్ సేవా అధికారిక పోర్టల్ (www.passportindia.gov.in)లో రిజిస్టర్ చేసుకోవాలి. లాగిన్ అయ్యాక, ‘ఫ్రెష్ పాస్పోర్ట్’ ఆప్షన్ ఎంచుకుని పిల్లల వివరాలతో ఆన్లైన్ ఫారమ్ నింపాలి. అనంతరం ఆన్లైన్లోనే ఫీజు చెల్లించి, దగ్గరలోని పాస్పోర్ట్ సేవా కేంద్రంలో (PSK) అపాయింట్మెంట్ బుక్ చేసుకోవాలి. నిర్ణీత తేదీన అవసరమైన అన్ని ఒరిజినల్ పత్రాలు, వాటి కాపీలతో హాజరు కావాల్సి ఉంటుంది. 4 సంవత్సరాల లోపు పిల్లలకు తెల్లటి బ్యాక్గ్రౌండ్తో తీసిన పాస్పోర్ట్ సైజ్ ఫోటో (4.5 x 3.5 సెం.మీ.) అవసరం.
అవసరమైన పత్రాలు, అనెక్సర్లు
పాస్పోర్ట్ దరఖాస్తుకు కొన్ని ముఖ్యమైన పత్రాలు తప్పనిసరి.
పుట్టిన తేదీ రుజువు: బర్త్ సర్టిఫికేట్ లేదా స్కూల్ సర్టిఫికేట్.
చిరునామా రుజువు: ఆధార్ కార్డు, ఓటర్ ఐడీ, కరెంట్ బిల్ లేదా అద్దె ఒప్పందం.
అనెక్సర్ సి: తల్లిదండ్రుల్లో ఒకరి సమ్మతి లేకుండా దరఖాస్తు చేస్తున్నప్పుడు ఇది తప్పనిసరి. విడాకులు, విడిపోవడం లేదా భాగస్వామి అందుబాటులో లేకపోవడం వంటి కారణాలను ఇందులో స్పష్టంగా పేర్కొనాలి.
అనెక్సర్ డి: తల్లిదండ్రులిద్దరూ సమ్మతి తెలిపినప్పుడు లేదా ఒకరు మరణించిన సందర్భంలో (మరణ ధృవీకరణ పత్రంతో పాటు) ఇది అవసరం.
ఇతర పత్రాలు: కస్టడీకి సంబంధించి కోర్టు ఉత్తర్వులు ఉంటే వాటి కాపీ, తల్లి/తండ్రి పాస్పోర్ట్ కాపీలు (ఉంటే) జతచేయాలి.
ఫీజు, ప్రాసెసింగ్ సమయం
మైనర్లకు 36 పేజీల పాస్పోర్ట్కు 5 ఏళ్ల కాలపరిమితితో సాధారణ ఫీజు రూ.1,000 కాగా, 10 ఏళ్ల కాలపరిమితికి రూ.1,500 చెల్లించాలి. తత్కాల్ విధానంలో అదనంగా రూ.2,000 చెల్లించాల్సి ఉంటుంది. 8 సంవత్సరాల లోపు పిల్లల దరఖాస్తు ఫీజుపై 10% రాయితీ కూడా లభిస్తుంది. పోలీసు వెరిఫికేషన్ అవసరం లేని తత్కాల్ దరఖాస్తులు ఒక పని దినంలో, సాధారణ దరఖాస్తులు మూడు పని దినాల్లో డిస్పాచ్ అవుతాయి. కొన్ని సంక్లిష్టమైన కేసులలో 30 రోజుల వరకు సమయం పట్టవచ్చు.
విడాకుల కేసు కోర్టులో నడుస్తున్నా లేదా భాగస్వామి మరణించినా సరైన పత్రాలు సమర్పించి ఒంటరి తల్లిదండ్రులు తమ పిల్లల పాస్పోర్ట్ను ఎలాంటి ఇబ్బందులు లేకుండా పొందవచ్చు.
