Raza Murad: నేను బతికే ఉన్నా.. పోలీసులను ఆశ్రయించిన ప్రముఖ నటుడు
- తన మరణంపై సోషల్ మీడియాలో ఫేక్ న్యూస్
- ముంబై పోలీసులకు ఫిర్యాదు చేసిన నటుడు రజా మురాద్
- నేను బతికే ఉన్నానని చెప్పి అలసిపోయానన్న నటుడు
- ఇది చాలా నీచమైన, సిగ్గుచేటైన పని అని ఆగ్రహం
- బాధ్యులపై కఠిన చర్యలు తీసుకుంటామన్న పోలీసులు
ప్రముఖ విలక్షణ నటుడు రజా మురాద్ తాను బతికే ఉన్నానని చెప్పుకోవాల్సిన దుస్థితి ఏర్పడింది. తాను మరణించినట్లు సోషల్ మీడియాలో వచ్చిన తప్పుడు ప్రచారంపై ఆయన తీవ్రంగా స్పందించారు. ఈ ఫేక్ న్యూస్ వ్యాప్తి చేసిన వారిపై చర్యలు తీసుకోవాలని కోరుతూ ముంబైలోని అంబోలి పోలీస్ స్టేషన్లో అధికారికంగా ఫిర్యాదు చేశారు.
కొంతమంది ఆకతాయిలు సోషల్ మీడియాలో రజా మురాద్ పుట్టిన తేదీతో పాటు, ఒక కల్పిత మరణ తేదీని సృష్టించి సంతాప సందేశాలతో ఒక పోస్ట్ పెట్టారు. ఇది క్షణాల్లో వైరల్ కావడంతో ప్రపంచవ్యాప్తంగా ఉన్న ఆయన స్నేహితులు, సహనటులు, అభిమానులు ఆందోళనకు గురయ్యారు. దీంతో ఆయనకు ఫోన్లు, సందేశాలు వెల్లువెత్తాయి.
ఈ ఘటనపై రజా మురాద్ తీవ్ర ఆవేదన వ్యక్తం చేశారు. "నేను బతికే ఉన్నానని అందరికీ చెప్పి చెప్పి నా గొంతు, నాలుక, పెదాలు కూడా ఎండిపోయాయి. ప్రపంచం నలుమూలల నుంచి నాకు ఫోన్లు వస్తూనే ఉన్నాయి. కొందరైతే ఆ ఫేక్ పోస్టుల కాపీలను కూడా పంపిస్తున్నారు" అని ఆయన వాపోయారు.
"నేను బతికి ఉండటం కొంతమందికి ఇష్టం లేనట్లుంది. నేను ఎన్నో ఏళ్లుగా పనిచేశానని, కానీ ఇప్పుడు నన్ను గుర్తుంచుకునే వారు లేరని కూడా ఆ పోస్ట్లో రాశారు. ఇది చాలా సిగ్గుచేటైన విషయం" అని మురాద్ అన్నారు. ఈ నీచమైన పని చేసిన వ్యక్తి మానసిక స్థితి సరిగా ఉండదని, జీవితంలో ఏమీ సాధించలేని వారే ఇలాంటి చౌకబారు పనులు చేస్తారని ఆయన మండిపడ్డారు.
తాను ఇచ్చిన ఫిర్యాదును పోలీసులు స్వీకరించి, ఎఫ్ఐఆర్ నమోదు చేశారని రజా మురాద్ తెలిపారు. ఈ వ్యవహారం వెనుక ఉన్న వ్యక్తిని పట్టుకుని చట్టపరంగా కఠిన చర్యలు తీసుకుంటామని వారు హామీ ఇచ్చారని ఆయన వెల్లడించారు. కేవలం తన గురించే కాదని, తరచూ ప్రముఖులను లక్ష్యంగా చేసుకుని ఇలాంటి తప్పుడు ప్రచారాలు చేస్తున్నారని, దీనికి ఇకనైనా అడ్డుకట్ట వేయాలని ఆయన కోరారు. 250కి పైగా హిందీ, భోజ్పురి, ఇతర ప్రాంతీయ భాషా చిత్రాలలో నటించిన రజా మురాద్, తన గంభీరమైన స్వరంతో, నటనతో భారతీయ చిత్ర పరిశ్రమలో తనకంటూ ఒక ప్రత్యేక స్థానాన్ని సంపాదించుకున్నారు.
కొంతమంది ఆకతాయిలు సోషల్ మీడియాలో రజా మురాద్ పుట్టిన తేదీతో పాటు, ఒక కల్పిత మరణ తేదీని సృష్టించి సంతాప సందేశాలతో ఒక పోస్ట్ పెట్టారు. ఇది క్షణాల్లో వైరల్ కావడంతో ప్రపంచవ్యాప్తంగా ఉన్న ఆయన స్నేహితులు, సహనటులు, అభిమానులు ఆందోళనకు గురయ్యారు. దీంతో ఆయనకు ఫోన్లు, సందేశాలు వెల్లువెత్తాయి.
ఈ ఘటనపై రజా మురాద్ తీవ్ర ఆవేదన వ్యక్తం చేశారు. "నేను బతికే ఉన్నానని అందరికీ చెప్పి చెప్పి నా గొంతు, నాలుక, పెదాలు కూడా ఎండిపోయాయి. ప్రపంచం నలుమూలల నుంచి నాకు ఫోన్లు వస్తూనే ఉన్నాయి. కొందరైతే ఆ ఫేక్ పోస్టుల కాపీలను కూడా పంపిస్తున్నారు" అని ఆయన వాపోయారు.
"నేను బతికి ఉండటం కొంతమందికి ఇష్టం లేనట్లుంది. నేను ఎన్నో ఏళ్లుగా పనిచేశానని, కానీ ఇప్పుడు నన్ను గుర్తుంచుకునే వారు లేరని కూడా ఆ పోస్ట్లో రాశారు. ఇది చాలా సిగ్గుచేటైన విషయం" అని మురాద్ అన్నారు. ఈ నీచమైన పని చేసిన వ్యక్తి మానసిక స్థితి సరిగా ఉండదని, జీవితంలో ఏమీ సాధించలేని వారే ఇలాంటి చౌకబారు పనులు చేస్తారని ఆయన మండిపడ్డారు.
తాను ఇచ్చిన ఫిర్యాదును పోలీసులు స్వీకరించి, ఎఫ్ఐఆర్ నమోదు చేశారని రజా మురాద్ తెలిపారు. ఈ వ్యవహారం వెనుక ఉన్న వ్యక్తిని పట్టుకుని చట్టపరంగా కఠిన చర్యలు తీసుకుంటామని వారు హామీ ఇచ్చారని ఆయన వెల్లడించారు. కేవలం తన గురించే కాదని, తరచూ ప్రముఖులను లక్ష్యంగా చేసుకుని ఇలాంటి తప్పుడు ప్రచారాలు చేస్తున్నారని, దీనికి ఇకనైనా అడ్డుకట్ట వేయాలని ఆయన కోరారు. 250కి పైగా హిందీ, భోజ్పురి, ఇతర ప్రాంతీయ భాషా చిత్రాలలో నటించిన రజా మురాద్, తన గంభీరమైన స్వరంతో, నటనతో భారతీయ చిత్ర పరిశ్రమలో తనకంటూ ఒక ప్రత్యేక స్థానాన్ని సంపాదించుకున్నారు.
